سان مىڭ شاقىرىم تاۋ - وزەندى كۇزەتىپ، بارشا وتباسىنىڭ تىنىش تىرلىگىنە تىرەۋ بولامىز

جىل الماسىپ، تاعى ءبىر كوكتەم مەرەكەسىن قارسى الدىق.

1 – ايدىڭ 24 – كۇنى، ەگىنشىلىك كالەندارى بويىنشا 12 – ايدىڭ 25 كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سولتۇستىك بولىك سوعىس رايونى ورگانىنا بارىپ كوزدەن كەشىرىپ، حال سۇراپ، بەينە ەكران ارقىلى نەگىزگى ساتى كوماندير - جاۋىنگەرلەرىنە امانداسىپ، اسكەري بولىمدەردىڭ سوعىس دايىندىعى كەزەكشىلىگى مەن مىندەت اتقارۋ جاعدايىن تەكسەرىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان حالىق ازاتتىق ارمياسىنىڭ بارشا كوماندير - جاۋىنگەرلەرىنەن، قارۋلى ساقشى بولىمدەرىنىڭ وفيتسەر - اسكەرلەرىنەن، ارميانىڭ اكىمشىلىك قىزمەتكەرلەرىنەن، زاپاستاعىلاردان جانە حالىق جاساقتارىنان شىنايى حال سۇرادى جانە كوكتەم مەرەكەسىنە قۇتتى بولسىن ايتتى.

باس قولباسشى سان مىڭداعان اسكەردىڭ قامىن جەپ، تەرەڭ سۇيىسپەنشىلىكپەن تاۋ - تەڭىزدەن ءوتىپ، اسكەري كازارماعا مەيىر جەتكىزدى. بۇكىل ارمياداعى كوماندير - جاۋىنگەرلەر ەرەكشە شابىت الىپ، بورىشتارىن ادالدىقپەن وتەپ، جاۋىنگەرلىك قىزمەت ورىندارىنان تاپجىلماي، پارتيا مەن حالىقتى الاڭسىز ەتەتىندىكتەرىن ءبىلدىردى.

”كوكتەم مەرەكەسى قارساڭىندا ءتوراعا شي جينپيڭ قات - قابات قاربالاستىقتان ۋاقىت شىعارىپ سوعىس رايونى ورگانىنا ارنايى بارىپ، اسكەري بولىمدەردى كوزدەن كەشىرىپ، حال سۇرادى، بۇل بۇكىل ارمياداعى كوماندير - جاۋىنگەرلەرگە دەگەن شىنايى قامقورلىعى مەن زور ءۇمىتىن ايگىلەدى، كوپشىلىك مۇنان تەرەڭ شابىت الىپ، جىگەرلەنىپ، جاۋاپكەرشىلىكتەرىنىڭ اۋىر ەكەندىگىن تەرەڭ سەزىندى“. سولتۇستىك بولىك سوعىس رايونى بىرلەسكەن اقىلشىلار شتابىنان شۇي چىڭچيڭ بىلاي دەدى: قولباسشىنىڭ تاپسىرماسىن، ءسوز جوق، ەستە بەرىك ساقتاپ، زەيىن - زەردەنى شوعىرلاندىرا وتىرىپ سوعىس جۇرگىزۋدى زەرتتەپ، ستراتەگيالىق اۋقىمعا قاداعالاي نازار اۋدارىپ، بىرلەسىپ جاتتىعۋ مەن قولباسشىلىق ەتۋ جاتتىعۋىن كۇشەيتىپ، جەڭىسكە جەتۋ قابىلەتىن ۇزدىكسىز جوعارىلاتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعايمىز.

وڭتۇستىك بولىك سوعىس رايونى قۇرلىق ارمياسى بەلگىلى لۇيى مىندەت بولىمشە اترەتىنىڭ كوماندير - جاۋىنگەرلەرى مىنالاردى ءبىلدىردى: قولباسشىنىڭ قامقورلىعىن كۇرەسكەرلىك ارقىلى ارميانى قۇدىرەتتەندىرۋدىڭ قۋاتتى قوزعاۋشى كۇشىنە اينالدىرىپ، اناعۇرلىم اسقاق جىگەرمەن جانە ءىس جۇزىندىك ارەكەتپەن باتىلدىقپەن جاڭالىق اشىپ، قۋات ۇستەپ، باتىلدىقپەن قامال الىپ، قامال بۇزىپ، جاڭا وڭىردەگى جاڭاشا سوعىس جۇرگىزۋ قابىلەتىنىڭ قالىپتاسۋىن، جوعارىلاۋىن جەدەل ىلگەرىلەتىپ، پارتيا مەن حالىق جۇكتەگەن ءتۇرلى مىندەتتى ويداعىداي ورىندايمىز.

”وسى كوكتەم مەرەكەسى ءبىزدىڭ يىڭدەگى بارلىق كوماندير - جاۋىنگەرلەر ءۇشىن ەرەكشە ءمان الادى“. ورتا بولىك سوعىس رايونى اۋە ارمياسىنىڭ جەردەن اۋەگە اتىلاتىن باسقارىلمالى بومبى بەلگىلى يىڭىنىڭ كوماندير - جاۋىنگەرلەرى مىنانى ءبىلدىردى: ءتوراعا شي جينپيڭنىڭ كوڭىل ءبولۋى مەن شابىتتاندىرۋىن تەرەڭ سەزىنىپ، ىشتەي ەرەكشە تەبىرەنىپ جانە مەيىرگە بولەنىپ وتىرمىز، قولباسشىلىققا، شەبەرلىككە، ستيلگە تىڭعىلىقتى جاتتىعىپ، اۋە قورعانىسىنىڭ ناقتى شايقاس قابىلەتىن جاپپاي جوعارىلاتامىز.

مەملەكەت قورعانىسىن ءبىر كۇن اقساتۋعا بولمايدى، ارميانىڭ دايىندىعىن دا ءبىر كۇن اقساتۋعا بولمايدى، مەرەكە كەزىندە قىراعىلىقتى ءتىپتى دە ارتتىرۋ كەرەك. ءتوراعا شي جينپيڭ قىزمەت تەكسەرگەندە، حال سۇراعاندا بىلاي دەپ باسا دارىپتەدى: بۇكىل ارمياداعى اسكەري بولىمدەر سوعىس دايىندىعى كەزەكشىلىگىن كۇشەيتىپ، ءتۇرلى توسىن جاعدايلاردى دەر كەزىندە ءونىمدى ءبىر جاقتى ەتىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن ويداعىداي قورعاۋى كەرەك. شەپتىك سوعىس ورنىنان قاراۋىل ورنىنا دەيىن، قالىڭ كوماندير - جاۋىنگەرلەر باس قولباسشىنىڭ نۇسقاۋى مەن تالابىن مۇقيات دايەكتىلەندىرىپ، قىراعىلىقتى ارتتىرىپ، ساقاداي ساي تۇرىپ، سوعىسقا دايىندالۋ كۇيىن قاتاڭ ساقتاپ، توسىن جاعداي بولعاندا ءونىمدى تۇردە توتەپ بەرۋگە كەپىلدىك ەتەدى.

وتانىمىزدىڭ باتىس شەكاراسىندا شينجياڭ اسكەري رايونىنىڭ بەلگىلى بىرىككەن تۋانى مىندەت ەرەكشەلىگىنە ساي، شۇعىل جاعدايعا توتەپ بەرۋ، ءبىر جاقتى ەتۋ جوباسىنا يكەمدى وزگەرىس ەنگىزىپ، باعىتتامالى جاتتىعۋ ۇيىمداستىرىپ، تاكتيكالىق سوعىس ءادىسى بويىنشا جاتتىعۋ جۇرگىزدى. قورعاس شەكارا قورعانىس ليانىنىڭ كوماندير - جاۋىنگەرلەرى نولدەن تومەن 20 نەشە سەلتسي گرادۋس قاقاعان ايازدا مىندەت اتقارىپ، شەكارا قورعانىسىنىڭ حاۋىپسىزدىگىنە كەپىلدىك ەتتى. كوماندير - جاۋىنگەرلەر بىلاي دەدى: وتان ءۇشىن شەكارانى قورعاۋ، حالىق ءۇشىن قاراۋىلدا تۇرۋ − شەكارا قورعانىس اسكەرلەرىنىڭ باس تارتۋعا بولمايتىن بورىشى، ءار سۇيەم جەردى باتىل قورعايمىز.

كەڭ –بايتاق تەڭىز ءوڭىرى، شاندۇڭ كەمەسىندەگى كوماندير - جاۋىنگەرلەر سوعىس ورنىنان تاپجىلماي، باسقارۋعا الۋ جاتتىعۋىن تىعىز ورىستەتىپ، سوعىس ورىندارى سايكەسە قيمىلداپ، بىرگە جوعارىلادى. شىعىس بولىك سوعىس رايونى تەڭىز ارمياسىنىڭ بەلگىلى قۋعىنداۋشى كەمەسى تارماق اترەتىنىڭ ي - ياڭ كەمەسى، بينجوۋ كەمەسى جولعا شىعىپ، بەلگىلى تەڭىز ايدىنىنا بارىپ سوعىس دايىندىعى شارلاۋ مىندەتىن اتقارۋدا. ”ساپارعا شىعۋدىڭ ءوزى جورىققا اتتانعاندىق“. ي - ياڭ كەمەسىنىڭ كاپيتانى شۇعىل جاعدايعا توتەپ بەرۋ، ءبىر جاقتى ەتۋ دايىندىعىن قاي - قاشان دا جاقسى ىستەپ، وتانىمىزدىڭ تەڭىز قورعانىسى حاۋىپسىزدىگىن ساقتايتىندىقتارىن ءبىلدىردى.

استانا توڭىرەگىنىڭ ماڭىزدى جەرى، ينفورماتسيالىق كومەك بەرۋ اسكەري ءبولىمىنىڭ بەلگىلى ءبولىمى لەنيا مەن جابدىقتاردى قورعاۋدى جوعارى ولشەممەن ۇيىمداستىرىپ، سوعىس دايىندىعىن قوزعاپ، شۇعىل جاعدايعا توتەپ بەرۋ، حابارلاسۋ قىزمەتىن قالپىنا كەلتىرۋ دايىندىعىن تەكسەردى؛ بەيجيڭ ۋەيشۋ رايونى بەلگىلى تۋانى قورعاۋشىلار يىڭىنىڭ شۇعىل جاعدايعا توتەپ بەرۋ بولىمشە اترەتى دەرەۋ اتتانىپ، ەرەكشە جاعدايدى ءبىر جاقتى ەتىپ، لاڭكەستىككە قارسى تۇرىپ، توسىن جاعدايدى ءبىر جاقتى ەتۋ قابىلەتىن شىڭدادى. كوماندير - جاۋىنگەرلەر سوعىس دايىندىعىنىڭ ارقاۋىن مىقتاپ شيراتىپ، بارلىق كەزدە سوعىسقا دايىندالۋعا، كەز كەلگەن ۋاقىتتا سوعىس جۇرگىزۋگە كەپىلدىك ەتتى.

قارۋلى ساقشى شاڭحاي باس اترەتى بەلگىلى ورتا اترەتىنىڭ كوماندير - جاۋىنگەرلەرى جوعارى قارقىندىق تەمىر جول شاڭحاي حۇڭچياۋ ۆوكزالىندا جولاۋشىلار اعىنىنىڭ قاۋىرت ارتۋ جاعدايىنا نەگىزدەلىپ، بەلگىلەنگەن ورىندا ساقتانۋدى جانە شارلاۋدى، ساقتانۋ - تىزگىندەۋدى كۇشەيتتى، سونىمەن بىرگە، ىستىق ىقىلاسپەن جەتەكشىلىك ەتۋ، اقىل - كەڭەس بەرۋ سياقتى حالىققا قولايلى قىزمەت وتەدى؛ اۋە ارمياسىنىڭ بەلگىلى تاسىمال، ىزدەۋ - قۇتقارۋ تۋانى سوعىس مايدانىندا كوپ نىسانالى قۇتقارۋ - كومەكتەسۋ، بەلگىلەنگەن ورىندا ۇشۋ قۇرالدارىمەن ادام جانە زات جەتكىزۋ سياقتى جاتتىعۋلاردى اتقارىپ، سوعىسقا دايىندالۋ، سوعىس جۇرگىزۋ وزەكتى قابىلەتىن كۇشەيتتى؛ راكەتا ارمياسى ءمالىم لۇيىنىڭ باسقارىلمالى راكەتا قىزمەتكەرى سوعىس ورنىنان تاپجىلماي، وسكەلەڭ قىراعىلىقتى ساقتاپ، پارتيا مەن حالىق قاجەت ەتكەن كەزدە اق سەمسەردەي جارق ەتىپ جەڭىسكە جەتۋگە شىنايى كەپىلدىك ەتتى؛بىرلەسكەن ارتقى شەپ قامتاماسىزداندىرۋ اسكەري ءبولىمى بەلگىلى تۋانى باعىتتامالى جاتتىعۋ ورىستەتىپ، تاسىمال جەلىسىنىڭ ىركىلىسسىز، جوعارى ءونىمدى بولۋىنا شىنايى كەپىلدىك ەتتى... بۇكىل ارمياداعى كوماندير - جاۋىنگەرلەر بورىشتى ەستە بەرىك ساقتاپ، باستان - اياق ساقاداي ساي تۇرىپ، سان مىڭ شاقىرىم تاۋ - وزەندى كۇزەتىپ، بارشا وتباسىنىڭ تىنىش تىرلىگىنە تىرەۋ بولدى.

(شينحۋا اگەنتتىگى، 1 - ايدىڭ 26 – كۇنى، بەيجيڭ)

كەلۋ قاينارى: حالىق تورابى