ازيا 9 – كەزەكتى قىسقى سپورت جارىسى 2 – ايدىڭ 7 – كۇنى حاربيندە باستالادى 

شينحۋا اگەنتتىگىنىڭ ءتىلشىسى شۇي شىحاۋ 2 – ايدىڭ 6 – كۇنى حاربيننەن حابارلايدى. ءتۇرلى دايىندىق قىزمەتتەرىنىڭ اياقتالۋىنا بايلانىستى، ازيا 9 - كەزەكتى قىسقى سپورت جارىسى 2 – ايدىڭ 7 – كۇنى كەشتە حاربيندە سالتاناتپەن باستالادى. سول كەزدە ازيانىڭ قار - مۇز سپورتى سالاسىنداعى ساڭلاقتارى مۇزدى قالاعا جينالىپ، ءوز ونەرلەرىن ايگىلەپ، ارمانعا قۇلاش سەرمەيدى.

وسى كەزەكتى ازيا قىسقى سپورت جارىسى بەيجيڭ قىسقى وليمپيادا سپورت جارىسىنان كەيىن حالىقارالىق قار – مۇز سپورتى سالاسىندا ەلىمىز وتكىزگەن تاعى ءبىر رەتكى ۋنيۆەرسال سالتاناتتى سپورت جارىسى سانالادى، سونداي – اق، 1996 - جىلعى حاربين ازيا قىسقى سپورت جارىسى مەن 2007 - جىلعى چاڭچۇن ازيا قىسقى سپورت جارىسىنان كەيىن ەلىمىزدىڭ 3 - رەت ازيا قىسقى سپورت جارىسىن وتكىزۋى. بۇل حاربيننىڭ ”ازيا قىسقى سپورت جارىسىن ەكى رەت وتكىزگەن قالا“ بولعانىن بىلدىرەدى.

وسى كەزەكتى ازيا قىسقى سپورت جارىسى 8 كۇنگە جالعاسادى، جيىنى 6 ۇلكەن ءتۇر، 11 تارماقشا ءتۇر جانە 64 شاعىن ءتۇر بويىنشا ورنالاستىرىلعان، مۇز ءۇستى جارىسى حاربين جارىس رايونىندا وتكىزىلەدى، قار ءۇستى جارىسى يابۋلي جارىس رايونىندا وتكىزىلەدى. ازياداعى 34 مەملەكەت پەن رايوننان كەلگەن 1200 دەن استام سپورتشى جارىسقا قاتىناسۋعا تىزىمدەلىپ، جارىسقا قاتىناسقان مەملەكەت پەن رايون جانە سپورتشىلاردىڭ سانى جاعىندا جارىس تاريحىنداعى ەڭ جوعارى ورەنى جاراتتى. جۇڭگو جىبەرگەن ۋاكىلدەر ۇيىرمەسىندە جيىنى 257 ادام، مۇندا جارىسقا قاتىناساتىن سپورتشىلار 170 ادام بولىپ، بارلىق جارىس تۇرلەرىنە قاتىناسادى.

كەلۋ قاينارى: حالىق تورابى