شي جينپيڭ تايلاندتىڭ زۇڭليى پەتانتانمەن كەزدەستى

2 - ايدىڭ 6 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن تايلاندتىڭ زۇڭليى پەتانتانمەن كەزدەستى.

سۋرەتتى شينحۋا اگەنتتىگىنىڭ ءتىلشىسى ليۋ ۋەيبيڭ تۇسىرگەن

«حالىق گازەتى»، 2 - ايدىڭ 6 - كۇنى، بەيجيڭ. 2 - ايدىڭ 6 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن تايلاندتىڭ زۇڭليى پەتانتانمەن كەزدەستى.

شي جينپيڭ بىلاي دەپ اتاپ كورسەتتى: جۇڭگو مەن تايلاندتىڭ دوستىعى مىڭ جىلعا جالعاسىپ، ”جۇڭگو مەن تايلاند بەرەكەلى شاڭىراعى“ ۋاقىت وتكەن سايىن جاڭارىپ كەلەدى. ديپلوماتيالىق قارىم - قاتىناس ورناتقان جارتى عاسىردان بەرى ەكى ەل ءوزارا قۇرمەت ەتۋگە، تەڭ تۇرعىدا مامىلە جاساۋعا، ادالدىقپەن ءوزارا سەنىم ارتۋعا، ءوزارا قارايلاسۋعا تاباندى بولىپ، قارسى جاقتىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن باستان - اياق باتىل قولدادى. بيىل − جۇڭگو مەن تايلاندتىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى جانە ”جۇڭگو مەن تايلاند دوستىعىنىڭ التىن 50 جىلدىعى“، ەكى جاق بۇرىنعىعا مۇراگەر بولىپ، كەيىنگىگە جول اشىپ، قول ۇستاسا العا باسىپ، جۇڭگو مەن تايلاندتىڭ تاعدىرلاس ورتاق تۇلعاسى قۇرىلىسىنىڭ تەرەڭدەۋىن، ناقتىلانۋىن ىلگەرىلەتىپ، ەكى ەل حالقىنا، ءوڭىر مەن دۇنيە جۇزىنە اناعۇرلىم كوپ تيىمدىلىك جەتكىزۋى كەرەك.

شي جينپيڭ بىلاي دەپ باسا دارىپتەدى: 100 جىلدا بولماعان زور وزگەرىس الدىندا، جۇڭگو مەن تايلاند ەكى جاق ستراتەگيالىق ءوزارا سەنىمدىلىكتى بەكەمدەپ، ءبىر - ءبىرىن تاباندىلىقپەن قولداپ، جۇڭگو - تايلاند قارىم - قاتىناسىنىڭ ورنىقتىلىعى مەن سىرتقى ورتانىڭ تۇراقسىزدىعىنا دايەكتىلىكپەن توتەپ بەرۋى كەرەك. جۇڭگو جاق تايلاند جاقپەن دامۋ ستراتەگياسىن ۇشتاستىرىپ، ءوزارا ءتيىمدى سەلبەستىكتى كەڭەيتىپ، جۇڭگو - تايلاند تەمىر جولى سياقتى جەتەكشى نىسانداردى ويداعىداي اتقارىپ، جۇڭگو - لاوس - تايلاند بىرلەسىپ دامۋ ويىنىڭ ەرتەرەك اناعۇرلىم كوپ تابىسقا جەتۋىن ىلگەرىلەتۋدى قالايدى. سيفرلى ەكونوميكا، جاڭا ەنەرگيالى اۆتوموبيل سياقتى جاڭادان گۇلدەنگەن سالالارداعى سەلبەستىكتى تەرەڭدەتىپ، اناعۇرلىم ورنىقتى، ىركىلىسسىز كاسىپ سالاسى تىزبەگى مەن قامداۋ تىزبەگىن قول ۇستاسا قالىپتاستىرۋ كەرەك. جۇڭگو جاق تايلاندتىڭ پارمەندى شارا قولدانىپ، ينتەرنەتتە قۇمار ويناۋعا، تەلەگراف الدامكوستىگىنە سوققى بەرگەندىگىن القايدى، ەكى جاق زاڭ اتقارۋ حاۋىپسىزدىگى مەن ءادىليالىق سەلبەستىكتى ۇزدىكسىز كۇشەيتىپ، حالىقتىڭ ءومىرى مەن مال - مۇلكىنىڭ حاۋىپسىزدىگىن، وڭىردەگى ەلدەردىڭ بارىس - كەلىس، سەلبەستىك ءتارتىبىن قورعاۋى كەرەك. ءوزارا ءتۇسىنىسۋدى، ەتەنە بولۋدى تەرەڭدەتىپ، ديپلوماتيالىق قارىم - قاتىناس ورناتۋدىڭ 50 جىلدىعىن قۇتتىقتاۋعا بايلانىستى باي مازمۇندى، الۋان ءتۇرلى قيمىلداردى بىرگە وتكىزىپ، جۇرت جۇرەگىن جىلىتاتىن، حالىق تۇرمىسىنا تيىمدىلىك جاسايتىن اناعۇرلىم كوپ ينجەنەريا قالىپتاستىرىپ، جۇڭگو مەن تايلاند دوستىعىن جۇرت جۇرەگىنە تەرەڭ ۇيالاتىپ، ۇرپاقتان - ۇرپاققا جالعاستىرۋ كەرەك. جۇڭگو جاق تايلاندتىڭ لانساڭ وزەنى – مەكونگ وزەنى سەلبەستىگىنىڭ ورتاق ءتوراعاسى بولۋىن قولدايدى، تايلاندتىڭ بريكس ەلدەرىنىڭ مۇشەسى بولعاندىعىن قۇتتىقتايدى، تايلاندپەن تىعىز بايلانىس جاساپ، سەلبەسىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى باتىل قورعاپ، دۇنيە ءجۇزىنىڭ وڭتۇستىگىنىڭ بەرەكە – بىرلىگىن، سەلبەستىگىن كۇشەيتىپ، دۇنيە ءجۇزىنىڭ بەيبىتشىلىگىن قورعاپ، بىرگە دامۋدى جەبەۋدى قالايدى.

پەتانتان مىنالاردى ءبىلدىردى: ”تايلاند - جۇڭگو دوستىعىنىڭ التىن 50 جىلدىعى“ قارساڭىندا جۇڭگوعا ساپارلاي كەلگەنىمە وتە قۋانىشتامىن. 50 جىلدان بەرى تايلاند – جۇڭگو قارىم - قاتىناسى بوران - شاشىندى باستان كەشىرىپ، باستان - اياق ءبىر - بىرىنە قارايلاسىپ، بىرگە دامىپ، باستان - اياق ءبىر - بىرىنە سەنىم ارتىپ، ءبىر - ءبىرىنىڭ وزەكتى مۇددەسىنە قۇرمەت ەتىپ، ەرەكشە دوستىق سەلبەستىك قارىم - قاتىناس ورناتتى. تايلاند جاق ءبىر جۇڭگو ساياساتىن باتىل اتقارادى، جۇڭگومەن بىرگە جوعارى جىكتەگىلەردىڭ بارىس - كەلىسىن كۇشەيتىپ، ۇلاستىرۋ - تۇتاستىرۋ، ەكونوميكا - ساۋدا، اۋىل شارۋاشىلىعى سياقتى سالالارداعى سەلبەستىكتى جيىلەتىپ، گۋمانيتارلىق اۋىس - كۇيىستى، حالىق تىلەگىنىڭ توعىسۋىن جەبەپ، بەيبىتشىلىكتەن بىرگە يگىلىكتەنەتىن، بىرگە گۇلدەنىپ - كوركەيەتىن كەلەسى 50 جىلدى باستاپ، ۇرپاقتارعا باقىت جاراتۋدى ءۇمىت ەتەدى. تايلاند جاق جۇڭگو جاقپەن جانە باسقا دا كورشى ەلدەرمەن زاڭ اتقارۋ سەلبەستىگىن كۇشەيتىپ، باتىل، ءونىمدى شارالار قولدانىپ، ينتەرنەتتە قۇمار ويناۋ، تەلەگراف الدامكوستىگى سياقتى شەكارا اتتاعان قىلمىستارعا سوققى بەرۋدى قالايدى. جۇڭگو حالىقارالىق ىستەردە باستان - اياق جاۋاپكەرشىلىك ارقالايتىن ءىرى ەلدىك رولىن ساۋلەلەندىرىپ، وركەندەپ كەلە جاتقان ەلدەردىڭ مۇددەسىن باتىل قورعاپ كەلەدى، تايلاند جاق جۇڭگو جاقپەن سايكەسۋدى، سەلبەسۋدى كۇشەيتىپ، دۇنيە جۇزىلىك سايىستارعا بىرگە توتەپ بەرۋدى قالايدى.

ۋاڭ ي كەزدەسۋدە بىرگە بولدى.

كەلۋ قاينارى: حالىق تورابى