شي جينپيڭ كورەيا پارلامەنتىنىڭ باستىعى يۇي يۋانجىمەن كەزدەستى

2 - ايدىڭ 7 - كۇنى تۇستەن كەيىن مەملەكەت ءتوراعاسى شي جينپيڭ حاربيندەگى كۇن ارالى قوناق ۇيىندە 9 - كەزەكتى ازيا قىسقى سپورت جارىسىنىڭ اشىلۋ سالتىنا قاتىناسۋعا كەلگەن كورەيا پارلامەنتىنىڭ باستىعى يۇي يۋانجىمەن كەزدەستى.

سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن

«حالىق گازەتى»، 2 – ايدىڭ 7 – كۇنى، حاربين. 2 – ايدىڭ 7 - كۇنى تۇستەن كەيىن مەملەكەت ءتوراعاسى شي جينپيڭ حاربين كۇن ارالى قوناق ۇيىندە 9 - كەزەكتى ازيا قىسقى سپورت جارىسىنىڭ اشىلۋ سالتىنا قاتىناسۋعا كەلگەن كورەيا پارلامەنتىنىڭ باستىعى يۇي يۋانجىمەن كەزدەستى.

شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 30 نەشە جىلدان بەرى جۇڭگو - كورەيا قارىم - قاتىناسى ۇزدىكسىز دامىپ، ەكى ەلدىڭ سەلبەستىگىن جەبەدى ءارى ءوڭىردىڭ بەيبىت دامۋىنا ۇلەس قوستى. جۇڭگونىڭ كورەياعا قاراتقان ساياساتى ورنىقتى. قازىر حالىقارالىق جانە وڭىرلىك جاعدايدا تۇراقسىزدىق كوبەيۋدە، جۇڭگو مەن كورەيا بىرگە قۇلشىنىپ، جۇڭگو مەن كورەيانىڭ ستراتەگيالىق سەلبەستىك سەرىكتەستىك قارىم - قاتىناسىن بەكەمدەۋى جانە دامىتۋى كەرەك. بيىل − جۇڭگو حالقىنىڭ جاپون شاپقىنشىلارىنا قارسى سوعىسى جەڭىسكە جەتكەندىگىنىڭ 80 جىلدىعى جانە كورەيانىڭ مەملەكەت مەرەكەسىنىڭ 80 جىلدىعى، ەكى جاق ەسكە ءتۇسىرۋ قيمىلىن ويداعىداي وتكىزۋى كەرەك. ءوزارا توعىسقان، ءوزارا پايدا جەتكىزىپ، تەڭ يگىلىككە كەنەلەتىن ەكونوميكا - ساۋدا قارىم - قاتىناسىن تەرەڭدەتۋ كەرەك، بۇل ەكى ەل حالقىنىڭ ورتاق مۇددەسىنە ۇيلەسەدى. گۋمانيتارلىق اۋىس - كۇيىستى نىعايتىپ، حالىق اراسىنداعى دوستىق سۇيىسپەنشىلىكتى كۇشەيتۋ كەرەك. ەكى جاق بيىلعى جانە كەلەر جىلعى ەكى جىلدا ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ءماجىلىسىن جەكە - جەكە وتكىزۋىنە قولداۋ ءوزارا قولداۋ كورسەتۋى كەرەك.

يۇي يۋانجى مىنالاردى ءبىلدىردى: كورەيا مەن جۇڭگونىڭ سەلبەستىگى ەكى ەلدىڭ وزىندىك دامۋىندا ماڭىزدى رول اتقاردى. جۇڭگوعا قاراتىلعان دوستىق − كورەيانىڭ ديپلوماتيالىق ساياساتىنىڭ ءبىر وزەگى، بۇل وزگەرمەيدى. كورەيا جۇڭگومەن بىرگە قۇلشىنىپ، كورەيا - جۇڭگو قارىم - قاتىناسىنىڭ جاڭا ءبىر جىلدا تىڭ ساتىعا كوتەرىلۋىن ىلگەرىلەتۋدى قالايدى. ەكى ەلدىڭ ەكونوميكا - ساۋدا سەلبەستىگىن كۇشەيتىپ، دۇنيە جۇزىلىك كاسىپ سالاسى تىزبەگى مەن قامداۋ تىزبەگىنىڭ ورنىقتىلىعىن قورعاۋىن ءۇمىت ەتەمىن. ادامداردىڭ بارىس - كەلىسىن كەڭەيتىپ، دوستىق سۇيىسپەنشىلىكتى نىعايتۋ كەرەك. دۇنيە جۇزىلىك فاشيزمگە قارسى سوعىس جەڭىسكە جەتكەندىگىنىڭ 80 جىلدىعىن بىرگە ەسكە ءتۇسىرىپ، بيىل جانە كەلەر جىلى ازيا - تىنىق مۇحيت ەكونوميكالىق ۇيىمى باسشىلارىنىڭ بەيرەسمي ءماجىلىسىن ويداعىداي وتكىزۋگە ءوزارا قولداۋ كورسەتۋ كەرەك.

ۋاڭ ي كەزدەسۋدە بىرگە بولدى.

كەلۋ قاينارى: حالىق تورابى