بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.02.08 16:19 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 7 – كۇنى، بەيجيڭ. 2 - ايدىڭ 7 - كۇنى مەملەكەت ءتوراعاسى شي جينپيڭ كولۋمبيانىڭ زۇڭتۇڭى پەترومەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 45 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن كولۋمبيا ديپلوماتيالىق قارىم - قاتىناس ورناتقان 45 جىلدان بەرى ەكى جاق باستان - اياق ءبىر - بىرىنە تەڭ تۇرعىدا مامىلە جاساۋ، ءوزارا قۇرمەت ەتۋ پرينسيبىن نەگىز ەتىپ، ەكى جاقتى قارىم - قاتىناستىڭ ۇزدىكسىز العا دامۋىن ىلگەرىلەتتى. 2023 - جىلى 10 - ايدا پەترو زۇڭتۇڭ جۇڭگودا مەملەكەتتىك ساپاردا بولدى، مەن زۇڭتۇڭ مىرزامەن اسا ناتيجەلى كەڭەس وتكىزىپ، ەكى ەلدىڭ ستراتەگيالىق سەرىكتەستىك قارىم - قاتىناس ورناتقاندىعىن بىرگە جاريالاپ، جۇڭگو - كولۋمبيا قارىم - قاتىناسىنىڭ جاڭا داۋىرگە وتۋىنە جەتەكشىلىك ەتتىم. كولۋمبيا − لاتىن امەريكاسىنداعى ماڭىزدى مەملەكەت، بيىل لاتىن امەريكاسى جانە كارايب ەلدەرى ورتاق تۇلعاسىنىڭ كەزەكتى ءتوراعا ەلى بولادى. مەن جۇڭگو - كولۋمبيا قارىم - قاتىناسىنىڭ دامۋىنا ايرىقشا ءمان بەرەمىن، زۇڭتۇڭ مىرزامەن بىرگە قۇلشىنىپ، جۇڭگو مەن كولۋمبيانىڭ ستراتەگيالىق سەرىكتەستىك قارىم - قاتىناسىنىڭ تەرەڭدەۋىن، ناقتىلانۋىن ىلگەرىلەتىپ، جۇڭگو - لاتىن امەريكاسى تاعدىرلاس ورتاق تۇلعاسىن قول ۇستاسا بىرگە قۇرۋدى قالايمىن.
پەترو مىنالاردى ءبىلدىردى: كولۋمبيا مەن جۇڭگو ديپلوماتيالىق قارىم - قاتىناس ورناتقاننان بەرى ەكى جاقتى قارىم - قاتىناستىڭ دامۋى سۇبەلى تابىستارعا قول جەتكىزىپ، ەكى ەل حالقىنا باقىت جاراتتى. ەكى ەلدىڭ جوعارى جىكتەگىلەرىنىڭ ءوزارا ساپاردا بولۋى جيىلەپ، ەكى ەلدىڭ ءار سالاداعى سەلبەستىگىن پارمەندى ىلگەرىلەتىپ، ەكى جاقتىڭ حالىق تىلەگىنىڭ توعىسۋىن جەبەدى. مەن زۇڭتۇڭ بولعاننان كەيىن جۇڭگودا مەملەكەتتىك ساپاردا بولدىم، ەكى ەلدىڭ قارىم - قاتىناسى ۇزدىكسىز كۇشەيىپ، ساۋداعا قارجى قوسۋ ارتۋدى ساقتادى. كولۋمبيا جاق جۇڭگو جاقپەن قول ۇستاسا قۇلشىنىپ، دۇنيە ءجۇزىنىڭ بەيبىتشىلىگى، ەنەرگيانىڭ تۇرلەنۋى، كليمات وزگەرىسىنە توتەپ بەرۋ سياقتى ەكى جاق ورتاق كوڭىل ءبولىپ وتىرعان دۇنيە جۇزىلىك كەڭەستىك تارتىپتەردى بىرگە ىلگەرىلەتۋدى قالايدى.
كەلۋ قاينارى: حالىق تورابى
