ەلىمىزدەگى كوتەرىمدىلىگى ءبىر توننالىق دارەجەدەگى تۇڭعىش ءىرى تۇرپاتتى ۇشقىشسىز تاسىمال ۇشاعى تۇڭعىش رەت ءساتتى ۇشىرىلدى 

3 - ايدىڭ 15 ـ كۇنى تۇستەن بۇرىن، ەلىمىزدەگى كوتەرىمدىلىگى ءبىر توننالىق دارەجەدەگى تۇڭعىش ءىرى تۇرپاتتى ۇشقىشسىز تاسىمال ۇشاعى TP1000 شاندۇڭدا تۇڭعىش رەت ءساتتى ۇشىرىلدى، بۇل ەلىمىزدەگى اۋەدەن تاستاۋ يقۋاتىنا يە تۇڭعىش ءىرى تۇرپاتتى ۇشقىشسىز تاسىمال ۇشاعى.

TP1000 ۇشاعى — جۇڭگو حالىقتىق اۆياتسياسىنىڭ ءىرى تۇرپاتتى جۇك تاسىمالى ۇشقىشسىز ۇشاعىنىڭ ۇشۋعا تولىمدىلىق ولشەمى بويىنشا، ەلىمىز بۇكىلدەي دەربەس زەرتتەپ جاساعان ءىرى تۇرپاتتى ۇشقىشسىز تاسىمال ۇشاعى، ۇشقان كەزدەگى ەڭ جوعارى كوتەرىمدىلىگى 3.3 توننا، 1000 كيلوگرام جۇك تيەۋگە بولادى، تولتىرا جۇك تيەلگەن كەزدەگى ۇشۋ ارالىعى 1000 كيلومەتر، وسىدان بۇرىنعى TP500 ۇشاعىمەن سالىستىرعاندا، كوتەرىمدىلىگى ءتىپتى دە زور، ۇشۋ ارالىعى ءتىپتى دە الىس بولۋداي ەرەكشەلىككە يە. ەكەۋى اۋىر – جەڭىل سالماق سايكەستىرىلگەن ءىرى تۇرپاتتى جۇك تاسىمالى ۇشقىشسىز ۇشاقتارى ارقىلى تەز قارقىنمەن دامىعان تومەن كەڭىستىكتەگى جۇك تاسىمالى قاجەتىن قاناعاتتاندىرادى، سونىمەن بىرگە TP1000 زەردەلى اۋەدەن تاستاۋ يقۋاتىنا يە بولىپ، شۇعىل قۇتقارۋ مەن قاتەردەن اراشالاپ، اپاتتان قۇتقارۋ جاعىندا ءتىپتى دە جاقسى قىزمەت وتەي الادى.

ۇعىسۋعا قاراعاندا، TP1000 ۇشاعى 2026 - جىلى ىسكە قوسىلادى. (باس ستانسيا ءتىلشىسى سۇڭ جيانچۇن، ۋاڭ پىڭ)

كەلۋ قاينارى: حالىق تورابى