8549  توننا جانار مايدى ءبىر رەتتە قۇيۋدى ءساتتى ورىندادى 

3 – ايدىڭ 14 – كۇنى، ءتىلشىنىڭ جۇڭگو مۇناي – حيميا ونەركاسىبى توبىنان ۇعىسۋىنشا، جۇڭگو مۇناي – حيميا ونەركاسىبى توبى شاڭحاي لۇيحۋاشان ياكور ورنىندا دۇنيە ءجۇزى بويىنشا تۇڭعىش رەت تەڭىزدەگى CCS (كومىرتەگىن جيناۋ جانە پەشەتتەۋ) قۇرىلعىسىن ورناتقان ”ەرەن“ اتتى كەمەگە 8549 توننا جانار ماي قۇيىپ، ەلىمىز بويىنشا كەمەگە ىستەتىلەتىن جانار مايدى ءبىر رەتتە قۇيۋدىڭ ەڭ جوعارى رەكوردىن جاڭالاپ، جۇڭگو پورتتارىنىڭ ەرەكشەلىككە يە كەمەلەردى قامتاماسىزداندىرۋ جاعىنداعى سايكەستى قىزمەت وتەۋ قۋاتىن اناعۇرلىم جوعارىلاتىپ، اناعۇرلىم كوپ كەمەلەردى جۇڭگوعا كەلىپ جانار ماي قۇيۋعا باۋراۋ جاعىندا پارمەندى تىرەك ازىرلەگەن.

”ەرەن“ اتتى كەمە دۇنيە جۇزىندەگى تۇڭعىش كومىرتەگىن جيناۋ يقۋاتىنا يە قالقىما فورماداعى مۇناي ءوندىرۋ – ساقتاۋ – ءتۇسىرۋ قۇرىلعىسى بار كەمە بولىپ، ونىڭ جىلدىق كومىرتەگىن ازايتۋ مولشەرى 110 مىڭ مۋ جەردەگى ورماننىڭ كومىرتەگى قوس توتىعىن ازايتۋ قۋاتىنا بارابار، كەمەگە پايدالانىلاتىن تازا جانار مايعا بولعان تالابى دا جوعارى. 8546 توننا جانار مايدى ءبىر جولدا ءساتتى قۇيۋعا كەپىلدىك ەتۋ ءۇشىن، جۇڭگو مۇناي - حيميا ونەركاسىبى توبىنىڭ جانار ماي سەرىكتەستىگى ارنايىلانعان مايمەن قامداۋ جوباسىن الدىن الا جاساپ، كەمەگە پايدالانىلاتىن جەڭىل جانار ماي بايلىعىن جوعارى ونىمدىلىكپەن ۇيىمداستىردى ءارى كەدەن اتتاعان رايوندارمەن بايلانىس جاساۋدى، سايكەسۋدى ويداعىداي ىستەپ، كەمەگە پايدالانىلاتىن جانار مايمەن قامداۋ جاعىنداعى ەلىمىز بويىنشا ءبىر رەتتە قامداۋ مولشەرى ەڭ كوپ بولعان قامداۋ مىندەتىن ورنىقتى ورىنداۋدى ءساتتى ىسكە اسىردى.

كەلۋ قاينارى: حالىق تورابى