«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

شينحۋا اگەنتتىگى، 3 - ايدىڭ 15 – كۇنى، بەيجيڭ. 3 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 6 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «”ەكىدەن تيتتەي دە اۋىتقىماۋعا“ تاباندى بولۋ جانە ونى تياناقتاندىرۋ كەرەك» اتتى ماڭىزدى ماقالاسى جاريالانادى. بۇل − باس شۋجي شي جينپيڭنىڭ 2013 - جىلى 11 - ايدان 2025 - جىلى 2 - ايعا دەيىنگى قاتىستى ماڭىزدى بايىمداۋلارىنان ۇزىندىلەر.

ماقالادا بىلاي دەپ باسا دارىپتەلدى: پارتيامىزدىڭ نەگىزگى ەكونوميكالىق تۇزىمگە تاباندى بولۋ جاعىنداعى كوزقاراسى ايقىن، دايەكتى، ونىڭ ۇستىنە ۇزدىكسىز تەرەڭدەگەن، ەجەلدەن اۋىتقىماعان. ەلىمىزدىڭ نەگىزگى ەكونوميكالىق ءتۇزىمى نەگىزگى زاڭعا، پارتيا ۋستاۆىنا ەنگىزىلدى، بۇل وزگەرمەيدى، وزگەرتۋگە دە بولمايدى. پارتيا مەن مەملەكەت سوتسياليستىك نەگىزگى شارۋاشىلىق تۇزىمىنە تاباندى بولىپ جانە ونى كەمەلدەندىرىپ، جالپىلىق مەنشىكتەگى شارۋاشىلىقتى تيتتەي دە اۋىتقىماستان بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تيتتەي دە اۋىتقىماستان دەم بەرەدى، ونى قولدايدى، جەتەكتەيدى؛ پارتيا مەن مەملەكەت ءتۇرلى مەنشىكتەگى شارۋاشىلىقتىڭ ءوندىرىس فاكتورلارىنان زاڭ بويىنشا تەڭ پايدالانۋىنا، بازار باسەكەسىنە ءادىل قاتىناسۋىنا، تەڭ دارەجەدە زاڭنىڭ قورعاۋىندا بولۋىنا كەپىلدىك ەتىپ، ءتۇرلى مەنشىكتەگى شارۋاشىلىقتىڭ ابزالدىقتارىمەن ءبىرىن - ءبىرى تولىقتاۋىن، بىرگە دامۋىن، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىقپەن شۇعىلداناتىن قايراتكەرلەردىڭ اقاۋسىز جەتىلۋىن جەبەيدى.

ماقالادا بىلاي دەپ اتاپ كورسەتىلدى: ەلىمىز − جۇڭگو كوممۋنيستىك پارتياسىنىڭ باسشىلىعىنداعى سوتسياليستىك مەملەكەت، جالپىلىق مەنشىكتەگى شارۋاشىلىق ۇزاق ۋاقىتتان بەرى مەملەكەتتىڭ دامۋ بارىسىندا قالىپتاسقان، مەملەكەت قۇرىلىسىنا، مەملەكەت قورعانىسىنىڭ حاۋىپسىزدىگىنە، حالىق تۇرمىسىنىڭ جاقسارۋىنا كورنەكتى ۇلەس قوسقان، ول − جالپى حالىقتىڭ قاستەرلى بايلىعى. مەملەكەت مەنشىگىندەگى كاسىپورىندار ەلىمىزدىڭ ەكونوميكالىق، قوعامدىق دامۋىنا، عىلىم - تەحنيكالىق العا باسۋىنا، مەملەكەت قورعانىسى قۇرىلىسىنا، حالىق تۇرمىسىن جاقسارتۋعا تاريحي ۇلەس قوستى، ول − پارتيامىزدىڭ بيلىك جۇرگىزىپ، مەملەكەتتى گۇلدەندىرۋدەگى ماڭىزدى تىرەگى جانە سۇيەنىش كۇشى. مەملەكەت مەنشىگىندەگى كاسىپورىنداردى ويداعىداي قۇرۋ، جۇمىسشى تابىنىڭ رولىن ويداعىداي ساۋلەلەندىرۋ پارتيانىڭ بيلىك جۇرگىزۋ ورنىن بەكەمدەۋدە، ەلىمىزدىڭ سوتسياليستىك ءتۇزىمىن بەكەمدەۋدە توتەنشە كەلەلى ماڭىز الادى.

ماقالادا بىلاي دەپ اتاپ كورسەتىلدى: ەلىمىزدىڭ جالپىلىق مەنشىككە جاتپايتىن شارۋاشىلىعىنىڭ كىشكەنەدەن ۇلكەيىپ، السىزدەن كۇشەيۋى پارتيامىز بەن مەملەكەتىمىزدىڭ باعىت - ساياساتىنىڭ جەتەكشىلىگىندە جۇزەگە استى. ۇزاق ۋاقىتتان بەرى ەلىمىزدىڭ جالپىلىق مەنشىككە جاتپايتىن شارۋاشىلىعى تەز دامىپ، ارتۋدى ورنىقتىرۋ، جاڭالىق جاراتۋدى جەبەۋ، جۇمىستانۋدى ارتتىرۋ، حالىق تۇرمىسىن جاقسارتۋ جاقتارىندا ماڭىزدى رول اتقاردى. حالىقتىق شارۋاشىلىقتىڭ رەفورما جاساپ، ەسىك اشۋ جانە سوتسياليستىك وسىزامانداندىرۋ قۇرىلىسى ىستەرىندەگى ورنى مەن رولى جونىندەگى تانىم، پارتيا مەن مەملەكەتتىڭ حالىقتىق شارۋاشىلىقتى دامىتۋ جونىندەگى باعىت - ساياساتتارى پارتيامىزدىڭ نازارياسىمەن، امالياتىمەن تامىرلاس، داۋىرمەن بىرگە العا باسىپ كەلەدى. پارتيا مەن مەملەكەتتىڭ حالىقتىق شارۋاشىلىقتى دامىتۋ جونىندەگى نەگىزگى باعىت - ساياساتى جۇڭگوشا سوتسياليستىك ءتۇزىم جۇيەسىنە ەنگىزىلدى، وعان دايەكتى تاباندى بولۋ جانە ونى تياناقتاندىرۋ كەرەك، وزگەرتۋگە بولمايدى، وزگەرمەيدى دە. ءبىز حالىقتىق كاسىپورىندار مەن حالىقتىق كاسىپورىنشىلاردى باستان - اياق ءوز ادامىمىز دەپ قاراپ، حالىقتىق كاسىپورىندار قيىنشىلىققا تاپ بولعان كەزدە قولداۋ كورسەتىپ، حالىقتىق كاسىپورىندار داعدارىسقا تاپ بولعان كەزدە جەتەكشىلىك ەتىپ كەلەمىز. جاڭا ءداۋىردىڭ جاڭا جورىعىندا حالىقتىق شارۋاشىلىقتىڭ دامۋ بولاشاعى كەڭ، بولاشاعى نۇرلى، قالىڭ حالىقتىق كاسىپورىندار مەن حالىقتىق كاسىپورىنشىلاردىڭ ءوز ونەرىن ايگىلەيتىن ءساتى كەلدى.

ماقالادا بىلاي دەپ اتاپ كورسەتىلدى: ءبىزدىڭ جالپىلىق مەنشىكتەگى شارۋاشىلىقتى ويداعىداي بەكەمدەۋدى، ويداعىداي دامىتۋدى باسا دارىپتەۋىمىز جالپىلىق مەنشىككە جاتپايتىن شارۋاشىلىقتىڭ دامۋىن شابىتتاندىرۋمەن، قولداۋمەن، جەتەكتەۋمەن قاراما - قارسى ەمەس، قايتا ورگانيكالى بىرلىككە كەلگەن. جالپىلىق مەنشىكتەگى شارۋاشىلىق تا، جالپىلىق مەنشىككە جاتپايتىن شارۋاشىلىق تا − سوتسياليستىك بازار شارۋاشىلىعىنىڭ ماڭىزدى قۇرامداس بولەگى، ەلىمىزدىڭ ەكونوميكالىق، قوعامدىق دامۋىنىڭ ماڭىزدى نەگىزى. مەملەكەتىمىز وسىنشاما ۇلكەن، حالىق سانى وسىنشاما كوپ، ءارى سوتسياليزمنىڭ العاشقى ساتىسىندا تۇر ءارى ۇزاق ۋاقىت تۇرادى، ەكونوميكالىق، قوعامدىق دامۋدى ورگە باستىرۋ ءۇشىن، ءارقايسى جاق ءبىر نيەتپەن سەلبەسە وتىرىپ ىستەۋى كەرەك، كوپ بولىپ جاققان وتتىڭ جالىنى كۇشتى بولادى. جالپىلىق مەنشىكتەگى شارۋاشىلىق پەن جالپىلىق مەنشىككە جاتپايتىن شارۋاشىلىق ءبىرىن - ءبىرى قاقپايلاماۋى، ءبىرىن - ءبىرى جوققا شىعارماۋى، قايتا ءبىرىن - ءبىرى تولىقتاپ، بىرىنە - ءبىرى ساي كەلۋى كەرەك. سوتسياليزمنىڭ العاشقى كەزەڭىن تياناق ەتىپ، سوتسياليستىك بازار شارۋاشىلىعى رەفورماسىنىڭ بەتالىسىنا، ”ەكىدەن تيتتەي دە اۋىتقىماۋعا“ باستان - اياق تاباندى بولۋ كەرەك.

كەلۋ قاينارى: حالىق تورابى