شەتەل قارجىسىن ورنىقتىرۋ قىزمەتىن قايتكەندە اناعۇرلىم ويداعىداي ىستەۋگە بولادى (ساياساتتىق سۇراق – جاۋاپ · جوعارى ورەلى سىرتقا ەسىك اشۋدى كەڭەيتۋ)

شەتەل قارجىسى − جاڭا دامۋ جاعدايىن ورناتۋدا كەم بولسا بولمايتىن كۇش. ورتالىقتىڭ ەكونوميكالىق قىزمەت ماجىلىسىندە ”شەتەل ساۋداگەرلەرىنىڭ قارجى قوسۋىن جەبەۋ ءتۇزىلىس، مەحانيزمى رەفورماسىن تەرەڭدەتۋ“، ”’جۇڭگوعا قارجى قوسۋ‘ ماركاسىن ۇزدىكسىز جاراتۋ“العا قويىلدى. بيىلعى «ۇكىمەت قىزمەتىنەن باياندامادا» ”بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن ۇزدىكسىز قالىپتاستىرىپ، شەتەل كاپيتالىمەن قۇرىلعان كاسىپورىنداردىڭ ءتىپتى دە جاقسى دامۋىنا مۇمكىندىك جاساۋ كەرەك“ دەپ اتاپ كورسەتىلدى. شەتەل قارجىسىن ورنىقتىرۋ قىزمەتىن قايتكەندە اناعۇرلىم ويداعىداي ىستەۋگە بولادى؟

دەربەس ەسىك اشۋ تارتىپپەن كەڭەيتىلەدى.

مەملەكەتتىك دامۋ جانە رەفورما كوميتەتى شەتەل قارجىسى جانە شەكارا سىرتىندا قارجى قوسۋ تارماق مەكەمەسىنىڭ جاۋاپتىسى حۋا جۇڭ تانىستىرىپ بىلاي دەدى: «شەتەل ساۋداگەرلەرى قارجى قوسقان كاسىپ سالالارىنا دەم بەرۋ تىزىمدىگىن» جەدەل شىعارامىز، جاڭا مازمۇندا وزىق جاساۋ كاسىبى، وسى زامانعى قىزمەت وتەۋ كاسىبى، جوعارى، جاڭا تەحنيكا، ەنەرگيا ۇنەمدەپ، ورتانى قورعاۋ سياقتى سالالارداعى تارماقتار ءتۇيىندى تۇردە قوسىلادى، سونىمەن بىرگە، شەتەل قارجىسىنىڭ ورتا، باتىس بولەكتەگى رايوندار مەن شىعىس سولتۇستىك رايوندارعا كوبىرەك قوسىلۋىنا دەم بەرىلەدى. شەتەل كاپيتالىمەن قۇرىلعان كاسىپورىنداردىڭ ەل ىشىندە قايتالاي قارجى قوسۋىنا دەم بەرۋ ساياساتىن زەرتتەپ شىعارۋ جونىندە، ءتۇرلى ءوندىرىس فاكتورلارىن ورنالاستىرۋدى ساپالىلاندىرۋ، كەلەلى شەتەل كاپيتالىمەن قۇرىلعان نىساندار قىزمەتىن ارناۋلى تىرەك ەتۋدى كۇشەيتۋ، نىسانداردىڭ جالپى بارىسىنا قىزمەت وتەۋدى كۇشەيتۋ سياقتى تۇرعىدان شارتقا ۇيلەسەتىن قايتالاي قارجى قوسۋ نىساندارىن ءبىر تۇتاس قولداۋ كەرەك.

”جۇڭگوعا قارجى قوسۋ“ ماركاسىن ۇزدىكسىز جاراتۋ كەرەك. ساۋدا مينيسترلىگى شەتەلدىڭ قارجى قوسۋىن باسقارۋ تارماق مەكەمەسىنىڭ باستىعى جۋ بيڭ تانىستىرىپ بىلاي دەدى: مەملەكەت دارەجەلى ەكونوميكالىق اشۋ رايونىنا، قىزمەت وتەۋ كاسىبىنىڭ ەسىك اشۋدى كەڭەيتۋدەگى جالپىلىق سىناق ءتۇيىنى ەتىلگەن رايوندارعا سۇيەنىپ، ”ەكونوميكالىق اشۋ رايونىن تاڭداۋ“، ”قول ۇستاسا وتىرىپ ەكونوميكالىق اشۋ رايونىنا قىزمەت وتەۋ“ سىندى ەكى تارماق ماركا جاراتىپ، بوگەنايلىق كورمە، ءتۇيىندى قيمىل، ءتۇيىندى تۇعىر ارقىلى شەتەل قارجى قوسۋشىلارىنا جۇڭگو ەكونوميكاسىنىڭ جالپىلىق ابزالدىعىن، شارۋاشىلىق– ساۋدا ورتاسىن جانە جەلىلەس ساياساتتاردى اناعۇرلىم ويداعىداي تۇسىندىرەمىز، شەتەل قارجىلاندىرعان اناعۇرلىم كوپ ساپالى نىساندى ەنگىزەمىز.

شارۋاشىلىق - ساۋدا ورتاسى ساپالىلاندىرىلادى. بازار باقىلاۋ - باسقارۋ باس مەكەمەسى سەنىمدىلىك باقىلاۋ - باسقارۋ تارماق مەكەمەسىنىڭ باستىعى جوۋ ۋەيجۇن مىنانى ءبىلدىردى: شەتەل ساۋداگەرلەرىنىڭ قارجى قوسۋىنا ۇقىق بەرۋ، تىزىمدەۋ ءتۇزىلىسىن كەمەلدەندىرىپ، ەرەكشە ازىق - تۇلىكتى تىركەۋگە الدىرۋدى شەكارا سىرتىندا تەكسەرۋدى ۇدايىلاندىرۋ قىزمەت مەحانيزمىن ۇزدىكسىز اقاۋسىزداندىرىپ، شەتەل ساۋداگەرلەرىن، كاسىپورىندارىن ساپالى، جوعارى ءونىمدى بازارعا كىرۋ قىزمەت وتەۋىمەن قامدايمىز. «ءادىل باسەكەنى تەكسەرۋ ەرەجەسىن» ىشكەرىلەي دايەكتىلەندىرىپ، ىشكى - سىرتقى قارجىلى كاسىپورىندارعا تەڭ قارايتىن ءادىل باسەكەنى تەكسەرۋ ءتۇزىمىن ورناتىپ جانە اقاۋسىزداندىرىپ، ءتۇرلى مەنشىكتەگى شارۋاشىلىق تۇلعالارىنىڭ ءوندىرىس فاكتورلارىن تەڭ پايدالانۋىنا، بازار باسەكەسىنە ءادىل قاتىناسۋىنا كەدەرگى بولاتىن ساياساتتىق شارالاردى اداقتاپ، بۇكىل ەل بويىنشا ءبىر تۇتاس ءىرى بازار قۇرۋدى ىلگەرىلەتەمىز. ساۋدا مينيسترلىگىمەن بىرلەسىپ باسىپ تاراتقان «شەتەل ساۋداگەرلەرىنىڭ قارجى قوسۋىنداعى ينفورماتسيا مالىمەتىن باقىلاۋ - تەكسەرۋ جەتەكشىلىگىن» دايەكتىلەندىرىپ، تياناقتاندىرىپ، شەتەل ساۋداگەرلەرى قارجى قوسقان كاسىپورىنداردىڭ ينفورماتسيا مالىمەتىن باقىلاۋ - باسقارۋدى اناعۇرلىم ارناعا تۇسىرەمىز.

بىرنەشە كۇننىڭ الدىندا «شەتەل قارجىسىن ورنىقتىرۋ ارەكەت جوباسى» اشىق جاريالانىپ، دەربەس ەسىك اشۋدى ءتارتىپتى كەڭەيتۋ، قارجى قوسۋدى جەبەۋ دەڭگەيىن جوعارىلاتۋ، ەسىك اشۋ تۇعىرىنىڭ ونىمدىلىگىن كۇشەيتۋ، قىزمەت وتەۋدى قامتاماسىزداندىرۋ تەبىنىن ارتتىرۋ سياقتى 4 جاقتان 20 ءتۇرلى ساياساتتىق شارا ورتاعا قويىلدى. ساۋدا مينيسترلىگى مينيسترىنىڭ ورىنباسارى، قوسىمشا حالىقارالىق ساۋدا كەلىسسوزى ۋاكىلىنىڭ ورىنباسارى ليڭ جي مىنانى ءبىلدىردى: جەر - جەرمەن، تاراۋلارمەن بىرگە ارەكەت جوباسىن مۇقيات ويداعىداي تياناقتاندىرىپ، شەتەل قارجىلاندىرعان كاسىپورىندارعا ويداعىداي قىزمەت وتەيمىز. ساۋدا مينيسترلىگى تاعى بۇكىل ەل كولەمىندە ”شەتەل كاسىپورىندارىنا قىزمەت وتەۋ جانە ونى قامتاماسىزداندىرۋ“ قىزمەتىن ورىستەتىپ، شەتەلدىڭ قارجىلاندىرۋىنا بايلانىستى ءار دارەجەلى ارناۋلى ۇجىمنىڭ رولىن ساۋلەلەندىرىپ، شەتەل قارجىلاندىرعان كاسىپورىنداردىڭ ەسىك الدىنا بارىپ احۋال ۇعىسىپ، كاسىپورىنداردىڭ تالاپ - تىلەگىن ءبىلىپ، شەتەل قارجىلاندىرعان كاسىپورىنداردىڭ ۇيلەسىمدى تالاپ - تىلەگىن شىنايى شەشەدى.

كەلۋ قاينارى: حالىق تورابى