بۇكىل پارتيادا ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي ۇيرەنۋ تاربيەسى ورىستەتىلەدى

شينحۋا اگەنتتىگى، 3 - ايدىڭ 17 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى تاياۋدا «بۇكىل پارتيادا ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي ۇيرەنۋ تاربيەسىن ورىستەتۋ جونىندەگى ۇقتىرۋدى» (تومەندە قىسقاشا «ۇقتىرۋ» دەلىنەدى) باسىپ تاراتتى.

«حابارلاندىرۋدا» بىلاي دەپ اتاپ كورسەتىلدى: پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ ورنالاستىرۋلارىن دايەكتىلەندىرىپ، تياناقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنىڭ جەتىستىكتەرىن بەكەمدەپ، كەڭەيتىپ، پارتيا ءتارتىبىن ۇيرەنۋ تاربيەسىنىڭ جەتىستىكتەرىن بەكەمدەپ، تەرەڭدەتىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن قاجىماي - تالماي تياناقتاندىرىپ، ستيل قۇرىلىسىنىڭ ۇدايىلانۋىن، ۇزاق ۋاقىت ءونىم بەرۋىن ىلگەرىلەتۋ ءۇشىن، پارتيا ورتالىق كوميتەتىنىڭ ماقۇلداۋىمەن بۇكىل پارتيادا ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ تاربيەسى (تومەندە قىسقاشا ”ۇيرەنۋ تاربيەسى“ دەلىنەدى) ورىستەتىلەدى. ۇيرەنۋ تاربيەسى 2025 - جىلى مەملەكەتتىك ەكى ماجىلىستەن كەيىن باستالىپ، 7 - ايدىڭ سوڭىنان بۇرىن نەگىزىنەن اياقتايدى.

«ۇقتىرۋدا» مىنالار ايقىندالدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ جاسامپاز نازارياسىمەن قارۋلانۋدى ۇزدىكسىز تەرەڭدەتىپ، بۇكىل پارتيانى باس شۋجي شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى ماڭىزدى بايىمداۋلارىن مۇقيات ۇيرەنۋگە، تۇسىنۋگە، ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ناقتى ەرەجەسىنىڭ رۋحىن ۇيرەنۋگە، تۇسىنۋگە جانە دايەكتى تياناقتاندىرۋعا ۇيىمداستىرىپ، پارتيا 18 - قۇرىلتايىنان بەرگى ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋدە قول جەتكىزىلگەن كورنەكتى ناتيجەلەردى جۇيەلى قورىتىندىلاپ، ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ناقتى ەرەجەسىنىڭ رۋحىنا قايشىلىق جاساۋ كورنەكتى ماسەلەلەرىن شوعىرلى وڭاپ، ستيل جانە شىرىكتەسۋ دەلو مىسالدارى ارقىلى ساقتاندىرۋ تاربيەسىن كۇشەيتىپ، پارتيا مۇشەلەرىن، كادرلاردى پارتيالىلىقتى شىڭداۋعا، يدەيالىق ساناسىن جوعارىلاتۋعا جەتەكتەپ، پارتيا مەن بۇقارانىڭ، كادرلار مەن بۇقارانىڭ قاتىناسىن قويۋلاتىپ، ستيل قۇرىلىسىنىڭ جاڭا ناتيجەلەرى ارقىلى پارتيانىڭ العاباسارلىعىن، كىرشىكسىزدىگىن ساقتاۋدى ىلگەرىلەتىپ، حالىق بۇقاراسىنىڭ سەنىمىنە، قولداۋىنا ۇزدىكسىز قول جەتكىزىپ، رەفورمانى اناعۇرلىم جاپپاي تەرەڭدەتۋگە، جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى كەپىلدىك ازىرلەۋ كەرەك.

«ۇقتىرۋدا» بىلاي دەپ باسا دارىپتەلدى: نازاردى نەگىزگى تاقىرىپقا شوعىرلاندىرۋعا، قاراپايىم، ناقتى بولۋعا تاباندى بولىپ، توپقا، كەزەڭگە بولمەي، ۇيرەنۋدى، تەكسەرۋدى، تۇزەتۋدى ءبىر تۇتاس ىلگەرىلەتىپ، كۇندەلىكتى تۇرمىسپەن توعىستىرىپ، ۇدايى يگەرۋ كەرەك. باس شۋجي شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى ماڭىزدى بايىمداۋلارىن جانە ورتالىقتىڭ سەگىز ءتۇرلى بەلگىلەمەسىنىڭ، سونداي - اق ونى اتقارۋدىڭ ناقتى ەرەجەسىنىڭ رۋحىن ۇيرەنۋگە، تالقىلاۋعا ۇيىمداستىرىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن ۇيرەنۋدىڭ، ىشكەرىلەي دايەكتىلەندىرۋدىڭ ناتيجەلەرى مەن تاجىريبەلەرىن قورىتىندىلاپ، تانىمدى جوعارىلاتىپ، سەنىمدى كۇشەيتىپ، تياناقتاندىرۋدى تاباندىلىقپەن مىقتى يگەرۋ كەرەك. ماسەلەلەردى ورتاعا قويۋدا ۇلگىگە، ولشەمگە تۋرالاۋ ارقىلى تەكسەرىپ، ورتاعا قويىپ، ءتارتىپ تەكسەرۋ، باقىلاۋ - تەكسەرۋ، شارلاۋ، شارلاپ تەكسەرۋ، قازىنالىق باقىلاۋ، قازىنا - بۇعالتىرلىق باقىلاۋ، قۋزاۋ - تەكسەرۋ، تەكسەرىپ - زەرتتەۋ، ارىز - ارمان، اڭىس ەتۋ سياقتى جولداردان تولىق پايدالانىپ، ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ناقتى ەرەجەسىنىڭ رۋحىن تياناقتاندىرۋ جاعىندا ورىن تەپكەن ماسەلەلەردى جاپپاي ىشكەرىلەي تەكسەرۋ كەرەك. شوعىرلى وڭاۋدا قانداي ماسەلە بولسا، سول ماسەلەنى شەشۋگە، قانداي ماسەلە كورنەكتى بولسا، سول ماسەلەنى ءتۇيىندى تۇردە وڭاۋعا، تاباندا تەكسەرىپ، تاباندا تۇزەتۋگە، بايقالا سالىسىمەن تۇزەتۋگە تاباندى بولۋ كەرەك. اشىق تاربيەدە بۇقارانىڭ ات سالىسۋىنا باسا ءمان بەرىپ، بۇقارانىڭ باقىلاۋىن قابىلداۋ كەرەك، ءار دارەجەلى باسشى كادرلار جاڭا داۋىردەگى پارتيانىڭ بۇقارالىق لۋشيانىمەن باستاماشىلدىقپەن ويداعىداي ءجۇرىپ، پارتيا مۇشەلەرىن، كادرلاردى قىزمەت ورنىن تياناق ەتىپ، جوعارى ساپالى دامۋدى ىلگەرىلەتۋ، نەگىزگى ساتىنى جونگە سالۋدى كۇشەيتۋ، شۇعىل، قيىن، قاتەرلى، اۋىر مىندەتتەردى ورىنداۋ بارىسىندا جاۋاپكەرشىلىك ارقالاپ، ىسكەرلىك كورسەتىپ، بۇقاراعا قىزمەت وتەۋگە ۇيىمداستىرىپ، بۇقارانىڭ سەزىنۋىنە مۇمكىندىك جاساۋ كەرەك.

«ۇقتىرۋدا» مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپالارى) ءوز ءوڭىرىنىڭ، ءوز تاراۋىنىڭ، ءوز ورنىنىڭ ۇيرەنۋ تاربيەسىندە باس جاۋاپكەرشىلىكتى ارقالاۋى، پارتكومداعى (پارتيا باسشىلىق گرۋپپاسى) نەگىزگى جاۋاپتى جولداستار ءبىرىنشى جاۋاپتى ادام بولۋ جاۋاپكەرشىلىگىن ارقالاۋى، وزەكتى قىزمەتپەن تىعىز ۇشتاستىرىپ، اتقارۋدى دەن قويا ۇيىمداستىرىپ، تۇرلەرگە ءبولىپ جەتەكشىلىك ەتۋدى كۇشەيتىپ، ۇگىتتەۋدى، جەتەكتەۋدى ويداعىداي ىستەۋى، فورماشىلدىققا باتىل قارسى تۇرۋى كەرەك.

كەلۋ قاينارى: حالىق تورابى