وقۋ – اعارتۋ مينيسترلىگىنە توتە قاراستى جوعارى مەكتەپتەردىڭ قىزمەتىنە كەڭەس بەرۋ كوميتەتىنىڭ 31 – رەتكى جالپى ءماجىلىسى بەيجيڭدە اشىلدى

شينحۋا اگەنتتىگى، 3 - ايدىڭ 17 - كۇنى، بەيجيڭ. وقۋ – اعارتۋ مينيسترلىگىنە توتە قاراستى جوعارى مەكتەپتەردىڭ قىزمەتىنە كەڭەس بەرۋ كوميتەتىنىڭ 31 – رەتكى جالپى ءماجىلىسى 3 - ايدىڭ 17 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ ماجىلىسكە قاتىناستى ءارى ءسوز سويلەدى.

ديڭ شۋەشياڭ بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ جوعارى دارەجەلى وقۋ - اعارتۋ ىستەرى رەفورماسى، دامۋى تاريحي تابىستارعا قول جەتكىزىپ، قۇرىلىمدىق وزگەرىستەر تۋىلدى. ءبىز ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، مەملەكەتتىك وقۋ - اعارتۋ ءماجىلىسىنىڭ رۋحىن دايەكتىلەندىرىپ، تياناقتاندىرىپ، وقۋ - اعارتۋدىڭ ساياسي سيپاتىن، حالىقتىق سيپاتىن، ستراتەگيالىق سيپاتىن مىقتاپ ارقاۋ ەتىپ، جوعارى دارەجەلى وقۋ - اعارتۋدىڭ تاريحي بورىشىن مىقتاپ يگەرىپ، جۇڭگونىڭ بايتاق دالاسىنا تامىر تارتىپ داشۋە قۇرۋعا تاباندى بولىپ، جوعارى دارەجەلى وقۋ - اعارتۋدىڭ ۇلكەننەن نىعايۋعا دەيىنگى جۇيەلى شارىقتاۋىن ىلگەرىلەتىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ ستراتەگيالىق جەتەكشى كۇشىن قالىپتاستىرۋىمىز كەرەك.

ديڭ شۋەشياڭ بىلاي دەپ باسا دارىپتەدى: وقۋ - اعارتۋدا قۋاتتى ەل قۇرۋ نىساناسىن كوزدەپ، جوعارى دارەجەلى وقۋ - اعارتۋدىڭ جەتەكشىلىك رولىن اناعۇرلىم ويداعىداي ساۋلەلەندىرۋ كەرەك. جوعارى مەكتەپتەردىڭ پارتيا قۇرىلىسى مەن يدەيالىق - ساياسي قىزمەتىن تىڭعىلىقتى ىستەپ، ادام تاربيەلەۋ ءتۇبىرلى مىندەتىن تياناقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن ادام تاربيەلەۋگە تاباندى بولىپ، ءتۇرلى ءادىس - امالمەن ادام تاربيەلەۋ قىزمەتىن ويداعىداي ىستەپ، پارتيانىڭ باسشىلىعىن جوعارى مەكتەپتەردىڭ مەكتەپ باسقارۋ، مەكتەپتى جونگە سالۋ جالپى بارىسىندا، ءار جاعىندا تياناقتاندىرۋ كەرەك. وقۋ - اعارتۋ، عىلىم - تەحنيكا دارىندىلارىن ءبىر تۇلعالاندىرىپ دامىتۋدى ىلگەرىلەتىپ، جاڭالىق اشۋشى دارىندىلاردى باۋلۋدى جەدەلدەتىپ، كەلەلى عىلىم - تەحنيكا نىساندارىن ويداعىداي ۇيىمداستىرىپ اتقارىپ، عىلىم – تەحنيكا مەن وقۋ - اعارتۋدىڭ، كاسىپ سالاسى مەن وقىتۋدىڭ توعىسۋىن كۇشەيتىپ، جوعارى مەكتەپتەردىڭ عىلمي زەرتتەۋ جەتىستىكتەرىن رەال وندىرگىش كۇشكە اينالدىرۋدى ىلگەرىلەتۋ كەرەك. جوعارى وقۋ - اعارتۋدىڭ ورنالاسۋىن رەتتەپ، ساپالىلاندىرىپ، جوعارى مەكتەپتەردىڭ رەفورماسىن، دامۋىن تۇرلەر بويىنشا ىلگەرىلەتىپ، ”قوس بىرەگەي“ قۇرىلىسىن جەدەلدەتىپ، ساپالى تولىق كۋرس وقۋ - اعارتۋىمەن قامداۋدى ءتارتىپتى ارتتىرىپ، پاندەر مەن كاسىپتەردىڭ تىزىمدىگىن باسقارۋدى جانە اۋقىمدىق رەتتەۋدى ساپالىلاندىرۋ كەرەك. جوعارى مەكتەپ وقىتۋشىلار قوسىنى قۇرىلىسىن كۇشەيتىپ، اعارتۋشىلار رۋحىن ساۋلەلەندىرىپ، وقىتۋشىلىق ءمورال، وقىتۋشىلىق ستيل ءبىرىنشى ولشەمىنە تاباندى بولىپ، وقىتۋشىلاردى باعالاۋ مەحانيزمىن اقاۋسىزداندىرىپ، وقىتۋشىلاردىڭ كاسىپتىك ساپاسىن، قابىلەتىن جەدەل جوعارىلاتىپ، جاس وقىتۋشىلارعا ءتىپتى دە كوپ كوڭىل ءبولىپ، قامقورلىق جاساۋ كەرەك. جوعارى دارەجەلى وقۋ - اعارتۋدىڭ سىرتقا ەسىك اشۋىن ونان ارى ىلگەرىلەتىپ، حالىقارالانعان مەكتەپ باسقارۋ ورەسىن جوعارىلاتىپ، بۇكىل دۇنيە جۇزىلىك ىقپالعا يە ماڭىزدى وقۋ - اعارتۋ ورتالىعىن قۇرۋ كەرەك.

ديڭ شۋەشياڭ مىنالاردى تالاپ ەتتى: جەر - جەر، تاراۋلار، جوعارى مەكتەپتەر ساياسي جاۋاپكەرشىلىكتى باتىل ارقالاپ، ىرىقتىلىقپەن ءىس تىندىرىپ، ىسكەرلىك كورسەتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانۋىن شەگە قاعۋ رۋحىمەن ىلگەرىلەتۋى كەرەك. جوعارى مەكتەپ شۋجيلەرى، مەكتەپ باستىقتارى وزدەرىنە سوتسياليستىك ساياساتكەر، اعارتۋشى ولشەمى بويىنشا قاتاڭ تالاپ قويىپ، پارتيانىڭ وقۋ - اعارتۋ باعىتىن بۇلجىتپاي دايەكتىلەندىرىپ، مەملەكەت پەن حالىققا قىزمەت ەتۋ قۇن تالپىنىسىنا تاباندى بولىپ، وقۋ - اعارتۋ قىزمەتىنىڭ زاڭدىلىعىن يگەرىپ، وقىتۋ جۇرگىزۋ، مەكتەپ باسقارۋ قابىلەتىن جوعارىلاتىپ، وسكەلەڭ ۇستازدىق ءمورالدى، ۇستازدىق ستيلدى ساۋلەلەندىرىپ، وقىتۋشى - وقۋشىلاردىڭ ۇلگىسى جانە جول باستاۋشىسى بولۋى كەرەك.

ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، وقۋ - اعارتۋ مينيسترلىگىنە توتە قاراستى جوعارى مەكتەپتەردەگى جانە ءبىر ءبولىم باسقا دا جوعارى مەكتەپتەردەگى، ءارقايسى ولكە، اۆتونوميالى رايون، توتە قاراستى قالاداعى جانە شينجياڭ ءوندىرىس - قۇرىلىس بيڭتۋانىنىڭ وقۋ - اعارتۋ اكىمشىلىك تاراۋلارىنداعى نەگىزگى جاۋاپتى جولداستار ماجىلىسكە قاتىناستى.

كەلۋ قاينارى: حالىق تورابى