جوعارى ساپالى دامۋ ارقىلى جالپى جاعدايدى ءبىر تۇتاس مەڭگەرۋگە تاباندى بولىپ، جۇڭگو ۇلگىسىندەگى وسىزامانداندىرۋ بارىسىندا گۇيجوۋدىڭ جاڭا كەلبەتىن ايگىلەۋ كەرەك

3 - ايدىڭ 17 - كۇنىنەن 18 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گۇيجوۋدا قىزمەت تەكسەردى. سۋرەتتە: 3 - ايدىڭ 17 - كۇنى تۇستەن كەيىن شي جينپيڭ چياندۇڭنان وبلىسى ليپيڭ اۋدانى جاۋشيڭ دۇڭزۋ قىستاعىن كوزدەن كەشىرگەندە قىستاق تۇرعىندارىمەن ىقىلاسپەن اڭگىمەلەسۋدە.

سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن

3 - ايدىڭ 17 - كۇنىنەن 18 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گۇيجوۋدا قىزمەت تەكسەردى. سۋرەتتە: 3 - ايدىڭ 17 - كۇنى تۇستەن كەيىن شي جينپيڭ چياندۇڭنان وبلىسى ليپيڭ اۋدانى جاۋشيڭ دۇڭزۋ قىستاعىن كوزدەن كەشىرگەندە شينتۋان راۋاعىندا قىستاق كادرلارىمەن جانە قىستاق تۇرعىندارىنىڭ ۋاكىلدەرىمەن وتتىقتى قورالاي وتىرىپ، اۋىل - قىستاقتى جاپپاي گۇلدەندىرۋ جونىندە اڭگىمەلەسۋدە.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 3 - ايدىڭ 18 - كۇنى، گۇيياڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا گۇيجوۋدا قىزمەت تەكسەرگەندە بىلاي دەپ باسا دارىپتەدى: گۇيجوۋ پارتيا ورتالىق كوميتەتىنىڭ باتىس بولىكتى قاۋىرت اشۋ جانە چاڭجياڭ ەكونوميكالىق بەلدەۋىن دامىتۋ جونىندەگى ستراتەگيالىق ورنالاستىرۋلارىن مۇقيات تياناقتاندىرىپ، جوعارى ساپالى دامۋ ارقىلى جالپى جاعدايدى ءبىر تۇتاس مەڭگەرۋگە تاباندى بولىپ، رەفورما جاساپ، ەسىك اشۋدى اناعۇرلىم جاپپاي تەرەڭدەتۋدى قوزعاۋشى كۇش ەتىپ، سەنىمدى بەكەمدەپ، قاجىرلىلىقپەن ناقتى ىستەپ، ورنىقتىلىق بارىسىندا ىلگەرىلەپ، ءىس ىستەۋگە، ناتيجە شىعارۋعا شەبەر بولىپ، جۇڭگو ۇلگىسىندەگى وسىزامانداندىرۋ بارىسىندا گۇيجوۋدىڭ جاڭا كەلبەتىن ايگىلەۋى كەرەك.

3 - ايدىڭ 17 - كۇنىنەن 18 - كۇنىنە دەيىن شي جينپيڭ گۇيجوۋ ولكەلىك پارتكومنىڭ شۋجيى شۇي لين مەن ولكە باستىعى لي بيڭجۇننىڭ سەرىك بولۋىندا چياندۇڭنان مياۋزۋ - دۇڭزۋ اۆتونوميالى وبلىسى، گۇيياڭ قالاسى سياقتى جەرلەرگە بارىپ تەكسەرۋ - زەرتتەۋ جۇرگىزدى.

3 - ايدىڭ 17 - كۇنى تۇستەن كەيىن شي جينپيڭ چياندۇڭنان وبلىسى ليپيڭ اۋدانى جاۋشيڭ دۇڭزۋ قىستاعىنا كەلىپ قىزمەت تەكسەردى. قىستاق قاقپاسىنىڭ الدىندا ۇلتتىق كيىم كيگەن قىستاق تۇرعىندارى دۇڭزۋ اندەرىن شىرقاپ، باس شۋجيدى قارسى الدى. شي جينپيڭ دۇڭزۋ اندەرىنىڭ كوركەمونەرلىك توركىنى، اۋەنىنىڭ ەرەكشەلىگى، جىرلاۋ فورماسى سياقتى جاقتارداعى تانىستىرۋىن قىزىعۋشىلىقپەن تىڭدادى. وسىدان كەيىن قىستاق جولىن بويلاي ءجۇرىپ دۇڭزۋ قىستاعىنىڭ بەت - بەينەسى مەن ساياحات دۇكەندەرىن كورىپ، دۇكەن يەلەرىمەن، ساياحاتشىلارمەن، قىستاق تۇرعىندارىمەن ءالسىن - ءالى اڭگىمەلەستى. دۇڭزۋ مادەنيەتىن كورسەتۋ ورتالىعىندا ول دۇڭزۋ ۇلتىنىڭ تاريحى، سالت - ساناسى جانە كيىم - كەشەك، قۇرىلىس سياقتى ەرەكشە مادەنيەتتى قورعاۋ، جالعاستىرۋ جاعدايىن ەگجەي - تەگجەيلى ۇعىستى. دۇڭشياڭ ەرەكشەلىككە يە كاسىپ سالاسى بازاسىندا ول بالاۋىز بوياۋ تەحنولوگياسىنىڭ بارىسىن كورىپ، بالاۋىز بوياۋ كووپەراتيۆىنىڭ الارمانداردى بارىنەن جوعارى قوياتىن، ساپانى ءبىرىنشى ورىنعا قوياتىن شارۋاشىلىق ۇستانىمىنا تاباندى بولعاندىعىن تۇراقتاندىردى. شي جينپيڭ بىلاي دەپ اتاپ كورسەتتى: از ۇلتتار مادەنيەتى − جۇڭحۋا مادەنيەتىنىڭ كەم بولسا بولمايتىن قۇرامداس بولىگى، ءپىشىندى قىستاقتاردى، تۇرعىن ۇيلەردى، ەرەكشە قۇرىلىستاردىڭ بەت - بەينەسىن قورعاپ، ءپىشىنسىز بەيزاتتىق مادەنيەت مۇرالارىنا مۇراگەرلىك ەتۋمەن بىرگە، ولاردىڭ جاسامپازدىقپەن تۇرلەنۋىن، جاسامپازدىقپەن دامۋىن ىلگەرىلەتىپ، ۇلتتىق ەرەكشەلىكتى پايدالانۋ بارىسىندا اناعۇرلىم جارقىراتىپ، ۇزدىكسىز تىڭ شۇعىلا شاشتىرۋ كەرەك.

شينتۋان راۋاعىندا شي جينپيڭ قىستاق كادرلارىمەن جانە قىستاق تۇرعىندارىنىڭ ۋاكىلدەرىمەن قورالانا وتىرىپ ىقىلاسپەن اڭگىمەلەستى. كوپشىلىك باس شۋجيگە تاياۋ جىلداردان بەرى قىستاقتا تۋىلعان قۋانارلىق وزگەرىستەردى تالاسا - تارماسا اڭگىمەلەدى. شي جينپيڭ دۇڭزۋ قىستاعىنىڭ وسىنشاما جاقسى قورعالعانىن، دۇڭزۋ بۇقاراسىنىڭ باقىتتى تۇرمىس كەشىرگەنىن كورىپ قاتتى قۋانىپ وتىرعاندىعىن ءبىلدىردى. ول بىلاي دەپ اتاپ كورسەتتى: بۇقارانىڭ ءىسىن ويداعىداي ىستەۋدىڭ تەتىگى اۋىل - قىستاق نەگىزگى ساتى پارتيا ۇيىمى قۇرىلىسىن كۇشەيتىپ، پارتيا ياچەيكاسىنىڭ جاۋىنگەر قامالدىق رولى مەن پارتيا مۇشەلەرىنىڭ وزىقتىق، ۇلگىلىك رولىن ساۋلەلەندىرىپ، بۇقارانى باستاپ ەكونوميكانى دامىتىپ، اۋىل - قىستاقتى جونگە سالۋدى ويداعىداي ىستەۋدە.

راۋاقتان تۇرەگەلگەن ساتتە قىستاق تۇرعىندارى قاۋمالاي كەلىپ، قىزۋ شاپالاق سوعىپ، كوتەرىڭكى ۇنمەن باس شۋجيگە امانداستى. شي جينپيڭ قۋانىشپەن جاۋاپ قايتارىپ بىلاي دەدى: دۇڭزۋ حالقى قاراپايىم، ەڭبەكشىل، مادەنيەتتى، پاراساتتى، كوپشىلىكتىڭ جۇڭگو ۇلگىسىندەگى وسىزامانداندىرۋ بارىسىندا اۋىل - قىستاقتى گۇلدەندىرۋدى ءتىپتى دە جاقسى ىستەۋىن ءۇمىت ەتەمىن، كوپشىلىكتىڭ تۇرمىسىنىڭ بارعان سايىن جاقسارۋىن تىلەيمىن. دۇڭزۋ قىستاعىنان اتتاناردا دۇڭزۋ بۇقاراسى تەرەڭ سۇيىسپەنشىلىكپەن «دۇڭزۋ اندەرىن پارتياعا ارنايمىزدى» شىرقاپ، باس شۋجيگە دەگەن سۇيىسپەنشىلىكتەرى مەن قيماستىقتارىن ءبىلدىردى. شي جينپيڭ ءالسىن - ءالى قول بۇلعاپ، اۋىلداستارمەن قوشتاستى.

3 - ايدىڭ 18 - كۇنى تۇستەن بۇرىن شي جينپيڭ گۇيجوۋ ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، گۇيجوۋدىڭ ءار جاقتا قول جەتكىزگەن ناتيجەلەرىن تۇراقتاندىرىپ، كەلەسى قادامداعى قىزمەتتەر جونىندە تالاپ قويدى.

شي جينپيڭ بىلاي دەپ اتاپ كورسەتتى: جوعارى ساپالى دامۋ − جۇڭگو ۇلگىسىندەگى وسىزامانداندىرۋدىڭ تابيعي تالابى. گۇيجوۋ بەلدى بەكەم بايلاپ، باتىلدىقپەن ىزدەنىس جاساپ، ناقتى ەكونوميكانى نەگىز ەتۋگە تاباندى بولىپ، جاڭالىق اشۋ ارقىلى دەم بەرۋدى كۇشەيتىپ، جاڭا، كونە قوزعاۋشى كۇشتەردىڭ اۋىسۋىن ءبىر تۇتاس جوسپارلاپ، تيپىن وزگەرتىپ، دارەجەسىن جوعارىلاتۋدى جەدەلدەتىپ، ستراتەگيالىق جاڭادان گۇلدەنگەن كاسىپ سالالارىن بەلسەنە دامىتىپ، سيفرلى ەكونوميكا، جاڭا ەنەرگيا سياقتى كاسىپ سالالارىن كۇشەيتۋى، ساپالىلاندىرۋى كەرەك. تاباندىلىق پەن سابىرلىلىقتى ساقتاپ، عىلمي شەشىم جاساپ، دالمە - ءدال شارا قولدانىپ، قارقىن مەن ونىمدىلىكتىڭ قاتىناسىن ويداعىداي ءبىر جاقتى ەتىپ، ساپانىڭ ءونىمدى جوعارىلاۋى مەن ساننىڭ ۇيلەسىمدى ارتۋىن جۇزەگە اسىرۋ كەرەك. ەكولوگيالىق ورتانى ويداعىداي قورعاپ، ەكولوگيالىق ابزالدىقتى دامۋ ابزالدىعىنا اينالدىرۋعا قۇلشىنۋ كەرەك.

شي جينپيڭ بىلاي دەپ باسا دارىپتەدى: ءبىر جەردىڭ دامۋ ومىرشەڭدىگى شارۋاشىلىق - ساۋدا ورتاسىمەن تىعىز بايلانىستى. گۇيجوۋ بۇكىل ەل بويىنشا بىرلىككە كەلگەن ءىرى بازار قۇرىلىسىمەن بەلسەنە توعىسىپ، جەرگىلىكتى قورعانىمپازدىقتى، بازاردى ءبولىپ تاستاۋدى، ”ىشكى قاراتالاسۋ ۇلگىسىندەگى“ باسەكەنى باتىل الاستاپ، بۇكىل قوعامنىڭ يگىلىك جاراتىپ، جاڭالىق اشۋىنا ورنىقتى، ءادىل، جاريالى، مەجەلى ورتا ازىرلەۋى كەرەك. ساۋدا ورتاسىن جاقسارتۋدا، ءبىر جاعىنان، رەفورمانى يگەرىپ، جوعارى ساپالى دامۋعا تۇساۋ بولاتىن بوگەتتەردى اشۋ، ەندى ءبىر جاعىنان، كادرلاردى تاربيەلەۋدى، باسقارۋدى يگەرىپ، كادرلاردى جالپى جاعداي تانىمىن، قىزمەت وتەۋ تانىمىن، سەنىمدىلىك تانىمىن، پاكتىك تانىمىن كۇشەيتۋگە باستاۋ كەرەك. ەسىك اشۋ دا − ماڭىزدى شارۋاشىلىق - ساۋدا ورتاسى. گۇيجوۋ باتىس بولەكتىڭ قۇرلىق، تەڭىز جاڭا ارناسى قۇرىلىسى ورايىنان ويداعىداي پايدالانىپ، گۋاڭدۇڭ - شياڭگاڭ - اۋمىن ۇلكەن شىعاناق رايونى، چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسى ارقىلى قۇرلىق پەن تەڭىز، ءىش پەن سىرت ىقپالداسقان، شىعىس پەن باتىس قوس باعىتتا ءوزارا سەلبەسكەن جاپپاي ەسىك اشۋ جاعدايىمەن بەلسەنە توعىسۋى كەرەك.

شي جينپيڭ بىلاي دەپ اتاپ كورسەتتى: گۇيجوۋ ءوزىنىڭ ءىس جۇزىندىگىن شىعار ءتۇيىن ەتىپ، اۋدان ورتالىعىن ماڭىزدى دانەكەر ەتكەن قالا - قالاشىقتاندىرۋ قۇرىلىسىن تىڭعىلىقتى ىلگەرىلەتىپ، كاسىپتى گۇلدەندىرۋدى، اۋداندى نىعايتۋدى، حالىقتى بايىتۋدى ءبىر تۇلعالاندىرىپ دامۋدى ىلگەرىلەتۋى كەرەك. اۋدان ءوڭىرىنىڭ كاسىپ سالاسى نەگىزىن تياناق ەتىپ، جۇمىس ءبولىسى بويىنشا سەلبەسۋگە ءمان بەرىپ، ورىن اۋىستىرىپ دامىتۋ، بىتىراڭقىلىقتان جۇيەلى تىزبەككە ءوتۋ كەرەك. جەرگىلىكتى جاعدايعا قاراي وسى زامانعى تاۋلى وڭىرلەردىڭ ەرەكشەلىككە يە جوعارى ءونىمدى اۋىل شارۋاشىلىعىن دامىتىپ، باياندى بازار باسەكەلىك قۋاتىنا يە ەرەكشەلىككە يە جەتەكشى كاسىپ سالالارىن جەتىلدىرۋ كەرەك. مۇددەنى بايلانىستىرۋ مەحانيزمىن كەمەلدەندىرىپ، كاسىپ سالاسىن دامىتۋ بارىسىندا بۇقارانىڭ كىرىستى ارتتىرىپ، بايۋ جولىنا ءتۇسۋىن جەبەۋ كەرەك. اۋىل - قىستاقتاعى تومەن كىرىستى حالىق سانىنا قاراتا ءبىر تۇتاس باقىلاۋ - تەكسەرۋ، تۇرلەر بويىنشا كومەكتەسۋ - سۇيەمەلدەۋ مەحانيزمىن ورناتىپ، حالىق تۇرمىسىنىڭ تومەنگى شەگىن مىقتاپ بەكەمدەۋ كەرەك.

شي جينپيڭ بىلاي دەپ باسا دارىپتەدى: گۇيجوۋدىڭ تاريحي استارى تەرەڭ، قىزىل مادەنيەتى مول، ۇلتتىق مادەنيەتى الۋان ءتۇرلى، وسى ارتىقشىلىقتان پايدالانىپ، مادەنيەت سەنىمىن كۇشەيتىپ، سالت - سانا ارقىلى ادام تاربيەلەپ، ەكونوميكانىڭ، قوعامنىڭ دامۋىنا دەم بەرۋ كەرەك. ۇلتتىق ەرەكشەلىككە يە قىستاقتاردى، ءداستۇرلى قىستاقتاردى جانە تاريحي مادەنيەتتەگى ايگىلى قىستاقتاردى، ايگىلى قالاشىقتاردى، توڭكەرىستىك سوعىس كەزىندە قالعان بايىرعى قىزىل ورىنداردى جۇيەلى قورعاۋدى كۇشەيتۋ كەرەك. ەسكى سالت - سانانى وزگەرتۋگە تاباندى بولىپ، وركەنيەتتى جاڭا سالتتى بەلسەنە جەتىلدىرۋ كەرەك. مادەنيەت، ساياحات تۇلعالارىنىڭ توعىسۋىن تەرەڭدەتىپ، ساياحات كاسىپ كۇيىن بايىتىپ، ”الۋان ءتۇستى گۇيجوۋ“ مادەنيەت ساياحاتىنىڭ جاڭا ماركاسىن جاراتۋ كەرەك.

شي جينپيڭ بىلاي دەپ اتاپ كورسەتتى: جوعارى ساپالى دامۋدى ىلگەرىلەتۋدە، ءسوز جوق، پارتيانىڭ باسشىلىعىنا بۇلجىماي تاباندى بولۋ، پارتيا قۇرىلىسىن كۇشەيتۋ كەرەك. پارتيا ورتالىق كوميتەتى بۇكىل پارتيادا ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي ۇيرەنۋ تاربيەسىن ورىستەتۋدى ۇيعاردى، بۇل − بيىلعى پارتيا قۇرىلىسى قىزمەتىنىڭ ءتۇيىندى مىندەتى. ءار دارەجەلى پارتيا ۇيىمدارى دەن قويا ۇيىمداستىرىپ اتقارىپ، پارتيا مۇشەلەرىنىڭ، كادرلاردىڭ تاباندىلىقتى كۇشەيتىپ، ادەت قالىپتاستىرۋىن ىلگەرىلەتىپ، تاماشا ستيل ارقىلى زەيىن - زەردەنى، كۇش - قۋاتتى ۇيىستىرىپ، ءىس تىندىرىپ، ناتيجە شىعارۋى كەرەك. پارتيالىلىق، پارتيا ستيلى، پارتيا ءتارتىبىن بىرگە يگەرۋگە، ستيلدى دۇرىستاپ، ءتارتىپتى قاتايتۋعا تاباندى بولىپ، شىرىكتەسۋدىڭ ءوسىپ - ءوربيتىن ورتاسى مەن شارت - جاعدايىن الاستاۋعا تاباندى بولۋ كەرەك. ۇزاق جورىق رۋحىن جانە زۇن - ي ءماجىلىسىنىڭ رۋحىن اسقاقتاتىپ، اسقاق جىگەرمەن جاڭا ءداۋىردىڭ ۇزاق جورىعىن جاقسى باسۋ كەرەك.

ورتالىق كوميتەت ساياسي بيۋروسى تۇراقتى كوميتەتىنىڭ مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.

حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

كەلۋ قاينارى: حالىق تورابى