حان جىڭ انگليا لوندون فينانس قالاسىنىڭ باستىعى الاستەل كيڭمەن كەزدەستى

شينحۋا اگەنتتىگى، 3 - ايدىڭ 18 - كۇنى، بەيجيڭ. 3 - ايدىڭ 18 - كۇنى مەملەكەت ءتوراعاسىنىڭ ورىنباسارى حان جىڭ بەيجيڭدە انگليا لوندون فينانس قالاسىنىڭ باستىعى الاستەل كيڭمەن كەزدەستى.

حان جىڭ مىنالاردى ءبىلدىردى: لوندون فينانس قالاسى − دۇنيە جۇزىندەگى ايگىلى فينانس ورتالىعى، جۇڭگو مەن انگليانىڭ فينانس، ەكونوميكا - ساۋدا سالاسىنداعى سەلبەستىگىن ىلگەرىلەتۋگە بەلسەندى ۇلەس قوستى. جۇڭگو مەن انگليا دۇنيە جۇزىندەگى نەگىزگى ەكونوميكالىق تۇلعا، سەلبەستىكتىڭ ءبىرىن - ءبىرى تولىقتاۋ سيپاتى كۇشتى، بولاشاعى كەڭ. دۇنيە ءجۇزى قالاي وزگەرسە دە، جۇڭگونىڭ ىشكى - سىرتقى ساياساتى ۇلاسپالىلىعىن ساقتايدى. جۇڭگو جاق انگليا جاقپەن ستراتەگيالىق ارىپتەستىك ورنىن ۇستانىپ، پىكىرلەسۋدى، سەلبەستىكتى كۇشەيتىپ، دۇنيە ءجۇزىنىڭ كوپ ۇيەكتەنۋىن، ەكونوميكانىڭ جاھاندانۋىن بىرگە ىلگەرىلەتىپ، ەكى ەل باسشىلارى كەلىسكەن ماڭىزدى ورتاق تانىمدى ويداعىداي تياناقتاندىرىپ، جۇڭگو مەن انگليانىڭ سەلبەستىك جەتىستىكتەرىنىڭ ەكى ەل مەن دۇنيە ءجۇزىن اناعۇرلىم ويداعىداي يگىلىككە كەنەلتۋىنە مۇمكىندىك جاساۋدى قالايدى.

الاستەل كيڭ مىنانى ءبىلدىردى: انگليا مەن جۇڭگونىڭ جاسىل ەكونوميكا، باياندى فينانس، تۋىندامالى ەنەرگيا سالاسىنداعى سەلبەستىك بولاشاعى زور. لوندون فينانس قالاسى اناعۇرلىم كوپ جۇڭگو قارجىلاندىرعان كاسىپورىنداردىڭ لوندونعا بارىپ كاسىپتى دامىتۋىن قارسى الادى، بار كۇشپەن قولداۋدى جانە قولايلىلىق تۋدىرۋدى قالايدى.