14 كۇن اقىسىز بولاتىن بولدى

مەملەكەتتىك كەڭەس جاريالاعان «قاتىناس تاسىمال مينيسترلىگى قاتارلى تاراۋلاردىڭ ۇلكەن مەرەكە كۇندەرى كىشى تۇرپاتتى جولاۋشىلار اۆتوكولىگىنەن قاتىناۋ اقىسىن الماۋدى جولعا قويۋ جوباسىن بەكىتىپ تاراتۋ جونىندەگى ۇقتىرۋىنا» نەگىزدەلگەندە، اقى الىناتىن تاسجولداردا كوكتەم مەرەكەسى، چيڭميڭ مەرەكەسى، ەڭبەكشىلەر مەرەكەسى، مەملەكەت مەرەكەسى قاتارلى مەملەكەت زاڭىندا بەلگىلەنگەن 4 مەرەكە دەمالىسىندا قاتىناۋ اقىسى الىنبايدى.

چيڭميڭ مەرەكەسى دەمالىسى كەزىندە 4 ـ ايدىڭ 4 ـ كۇنى ساعات 0 دەن 24 كە دەيىن بارلىق اقى الىناتىن تاسجولداردا (اۋەجايدىڭ جوعارى قارقىندى تاسجولىن، اقى الىناتىن كوپىرلەردى جانە تۋنەلدەردى قامتيدى) شاعىن تۇرپاتتى جولاۋشىلار اۆتوكولىگىنىڭ قاتىناۋ اقىسى الىنبايدى. 4 - ايدىڭ 7 - كۇنى ساعات 0 دەن باستاپ، قالىپتى اقى الىنادى.

ەڭبەكشىلەر مەرەكەسى دەمالىسى كەزىندە 5 – ايدىڭ 1 – كۇنى ساعات 0 دەن 5 – ايدىڭ 5 - كۇنى ساعات 24 كە دەيىن بارلىق اقى الىناتىن تاسجولداردا (اۋەجايدىڭ جوعارى قارقىندى تاسجولىن، اقى الىناتىن كوپىرلەردى جانە تۋنەلدەردى قامتيدى) شاعىن تۇرپاتتى جولاۋشىلار اۆتوكولىگىنىڭ قاتىناۋ اقىسى الىنبايدى. 5 - ايدىڭ 6 - كۇنى ساعات 0 دەن باستاپ، قالىپتى اقى الىنادى.

مۇنان سىرت، شينجياڭدا تاعى ورازا ايت مەرەكەسى كۇنى (3 – ايدىڭ 31 - كۇنى) جانە قۇربان ايت مەرەكەسى كەزىندە (6 – ايدىڭ 6 – كۇنىنەن 10 – كۇنىنە دەيىن) بارلىق اقى الىناتىن تاسجولداردا (اۋەجايدىڭ جوعارى قارقىندى تاسجولىن، اقى الىناتىن كوپىرلەردى جانە تۋنەلدەردى قامتيدى) شاعىن تۇرپاتتى جولاۋشىلار اۆتوكولىگىنىڭ قاتىناۋ اقىسى الىنبايدى.

ولاي بولسا قانداي اۆتوكولىكتەردەن قاتىناۋ اقىسى الىنبايدى؟

7 ادامدىقتان تومەن (جەتى ادامدىقتى قامتيدى) جولاۋشىلار اۆتوكولىگىنەن، ادەتتەگى اقى الىناتىن تاسجولدا جۇرۋىنە رۇقسات ەتىلگەن موتوسيكلدەن قاتىناۋ اقىسى الىنبايدى.

اقىسىز قاتىناۋ ۋاقىتى قالاي ەسەپتەلىنەدى؟

ادەتتەگى اقى الىناتىن تاسجولداردا اۆتوكولىكتىڭ اقى الۋ پۋنكتىنىڭ اقى الۋ جولىنان وتكەن ۋاقىت ولشەم ەتىلەدى. جوعارى قارقىندى تاسجولدا اۆتوكولىكتىڭ اقى الۋ پۋنكتىنىڭ اقى الۋ جولىنان شىققان ۋاقىتى ولشەم ەتىلەدى.

كەلۋ قاينارى: حالىق تورابى