مەملەكەتتىك تەمىر جول توبى: 4 - ايدىڭ 1 - كۇنىنەن باستاپ 60 جاستان اسقان جولاۋشىلار پويەزعا وتىرعاندا بەلەت سوماسىنىڭ 15 ەسەسىندەي ءنومىر جيناي الادى

ءتىلشىنىڭ 3 – ايدىڭ 18 – كۇنى مەملەكەتتىك تەمىر جول توبىنان ۇعىسۋىنشا، 4 - ايدىڭ 1 - كۇنىنەن باستاپ، قازىر اتقارىلىپ وتىرعان ”تەمىر جولدا ىركىلىسسىز قاتىنايتىن“ ۇنەمىلىك جولاۋشىلارعا قىزمەت وتەۋ نەگىزىندە، جاسى 60 قا تولعان قارت جولاۋشىلارعا پويەز بەلەتىن ساتىپ العاندا ءتىپتى دە زور كولەمدە ءنومىر جيناۋ تيىمدىلىگى اتقارىلادى، جيناعان ءنومىرىن پويەز بەلەتىنە اۋىستىرۋعا بولادى.

جاڭا بەلگىلەمەدە مىنالار ايقىن بەلگىلەندى: 4 – ايدىڭ 1 - كۇنىنەن باستاپ 60 جاسقا تولعاندار ۇنەمىلىك جولاۋشىلار پويەزىنا وتىرعاندا بەلەت سوماسىنىڭ 15 ەسەسىندەي ءنومىر جيناي الادى، اتاپ ايتقاندا، پويەز بەلەتىنە 1000 يۋان جۇمساسا 15 مىڭ ءنومىر جيناي الادى، مۇنىمەن پويەز بەلەتىن اۋىستىرعاندا 150 يۋان رەتىندە ىستەتۋگە بولادى. بۇل ادەتتەگى جولاۋشىلار مۇشەلەرىنىڭ ءۇش ەسەسىنە تەڭ.

مەملەكەتتىك تەمىر جول توبى جولاۋشى تاسىمال ءبولىمى تاسىمال باعاسى باسقارماسىنىڭ باستىعى شۇي يان بىلاي دەدى: قازىر تەمىر جول ۇنەمىلىك جولاۋشىلار مۇشەسى بەلەت ساتىپ العاننان كەيىن بەلەت سوماسىنىڭ 5 ەسەسىندەي ءنومىر جيناي الادى، جيناعان ءنومىردى ءوزى نەمەسە كورسەتكەن ادامى پويەز بەلەتىنە اۋىستىرا الادى، پويەز بەلەتىن اۋىستىرعاندا 100 ءنومىر 1 يۋان حالىق اقشاسىنا دولايلاستىرىلادى، اۋىستىرىلاتىن بەلەتتى ءبىر رەت وزگەرتۋگە بولادى ءارى وزگەرتكەندە جيناعان ءنومىردى وزگەرتۋ اقسى رەتىندە ىستەتۋگە بولادى، بەلەتتى قايتارۋعا، باراتىن بەكەتىن وزگەرتۋىنە بولمايدى.

كەلۋ قاينارى: حالىق تورابى