ورتالىقتىڭ ءوندىرىس حاۋىپسىزدىگىن باعالاۋ، شارلاپ تەكسەرۋى ءبىرىنشى توقسانداعى ءوندىرىس حاۋىپسىزدىگىن اشىق، جاسىرىن تەكسەرۋىن رەسمي باستادى

حالىق تورابىنىڭ 3 – ايدىڭ 19 – كۇنى بەيجيڭنەن بەرگەن حابارى. تاياۋدا ورتالىقتىڭ 2025 – جىلعى ءوندىرىس حاۋىپسىزدىگىن باعالاۋ، ارالاپ تەكسەرۋى ءبىرىنشى توقسانداعى ءوندىرىس حاۋىپسىزدىگىن اشىق، جاسىرىن تەكسەرۋىن رەسمي باستادى. ءتىلشىنىڭ شۇعىل جاعدايعا توتەپ بەرۋدى باسقارۋ مينيسترلىگىنەن ۇعىسۋىنشا، مەملەكەتتىك كەڭەس ءوندىرىس حاۋىپسىزدىگى كوميتەتىنىڭ قاتىستى مۇشە ورىندارىنىڭ جاۋاپتى جولداستارى باستاعان ورتالىقتىڭ 22 ءوندىرىس حاۋىپسىزدىگىن باعالاۋ، شارلاپ تەكسەرۋ گرۋپپاسى 31 ولكە، اۆتونوميالى رايون، توتە قاراستى قالا جانە شينجياڭ ءوندىرىس ـ قۇرىلىس بيڭتۋانىنا بارىپ، ءبىرىنشى توقسانداعى ءوندىرىس حاۋىپسىزدىگىن اشىق، جاسىرىن تەكسەرۋدى ورىستەتكەن.

وسى رەتكى ءوندىرىس حاۋىپسىزدىگى بويىنشا اشىق تەكسەرۋ، جاسىرىن تەكسەرۋ 3 ـ ايدىڭ ورتا شەنىنەن باستالىپ، 3 ـ ايدىڭ سوڭىندا اياقتالادى، نازاردى جەر - جەردىڭ، قاتىستى تاراۋلاردىڭ دامۋ مەن حاۋىپسىزدىكتى ٴبىرتۇتاس جوسپارلاۋ جاۋاپكەرشىلىگىن تياناقتاندىرۋ جاعدايى، الدىڭعى مەرزىمدىك ماسەلەلەردى، كومەسكى قاتەرلەردى رەتتەۋ ـ تۇزەتۋ، جابۋ جاعدايى، تۇبىرىنەن وڭاۋدان قامال الۋدىڭ 3 جىلدىق ارەكەتى قاتارلى ءتۇيىندى قىزمەتتەردىڭ ىلگەرىلەتىلۋ جاعدايى، ءوندىرىس حاۋىپسىزدىگىنە قاتىستى ءتۇيىندى مىندەتتەر مەن ءتۇيىندى كاسىپ سالاسىنداعى ”ءبىر ءىستى“ تۇتاس جەلى بويىنشا جونگە سالۋدىڭ اتقارىلۋ جاعدايى، الەۋمەتتىك حاۋىپسىزدىك سالاسىنداعى حاۋىپ ـ قاتەردەن ساقتانۋ جانە ونى تىزگىندەۋ مەن قاتەرلى كاسىپ سالالارىنىڭ جۇمىستى، ءوندىرىستى قالپىنا كەلتىرۋ حاۋىپسىزدىگى جاعدايى قاتارلىلارعا شوعىرلاندىرادى، اشىق تەكسەرۋ، جاسىرىن تەكسەرۋ، ماماندار جەتەكشىلىك ەتۋ، كومەكتەسۋ ـ سۇيەمەلدەۋ، بۇقارانىڭ اشكەرەلەۋىن قابىلداۋ جانە دەرەكتەردى تەكسەرىپ ءبىر جاقتى ەتۋ، اۋىر كومەسكى شىرعالاڭ حاۋپىن ءبىر ـ بىرلەپ تەكسەرۋ، جونگە سالۋ جانە ماسەلە كومەسكى قاتەرىن اشكەرەلەۋ قاتارلى قىزمەتتەردى ىشكەرىلەي ورىستەتىپ، اشىق تەكسەرۋ مەن جاسىرىن تەكسەرۋدىڭ ساپاسى مەن ونىمدىلىگىن جوعارىلاتىپ جانە فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋگە تەڭ ءمان بەرەدى، ءار دارەجەلى پارتكومدار مەن ۇكىمەتتەردىڭ جانە قاتىستى تاراۋلاردىڭ جاۋاپكەرشىلىگىن ۇزدىكسىز قاتايتىپ، ناقتىلاندىرىپ، ءتۇرلى اۋىر شىرعالاڭداردىڭ كومەسكى قاتەرىن جاپپاي ءبىر – بىرلەپ تەكسەرىپ، جونگە سالىپ، ءوندىرىس حاۋىپسىزدىگى قىزمەتىن ۇزدىكسىز كۇشەيتىپ جانە جاقسارتىپ، اۋىر، ەرەكشە اۋىر ءوندىرىس حاۋىپسىزدىگى شىرعالاڭدارىنىڭ تۋىلۋىنان باتىل ساقتانادى جانە ونى تەجەيدى.

ورنالاسىپ تەكسەرۋ كەزىندە، ءارقايسى باعالاۋ، شارلاپ تەكسەرۋ گرۋپپالارى اشكەرەلەۋ تەلەفونىن، ەلەكتروندىق پوچتا ساندىعىن ورناتۋ قاتارلى تاسىلدەر ارقىلى بۇقارانىڭ اشكەرەلەۋىن قابىلداپ، بۇقارانىڭ ماڭايىنداعى ءوندىرىس حاۋىپسىزدىگى جاعىنداعى ەلەۋلى ماسەلەلەردىڭ كومەسكى قاتەرىن باتىل تەكسەرىپ ءبىر جاقتى ەتىپ، تيپتىك كەلەلى ماسەلەلەر جونىندە دارەجە بويىنشا قۋزاپ ءبىر جاقتى ەتەدى ءارى قاراستى جەرگە قايتالاي تەكسەرۋ جاۋاپكەرشىلىگىن وتكىزىپ بەرەدى.

كەلۋ قاينارى: حالىق تورابى