ورتالىق قازىنا اۋىل شارۋاشىلىعىن كۇشەيتۋ، شارۋالارعا تيىمدىلىك جاساۋ، شارۋالاردى اۋقاتتاندىرۋ ساياساتى تىزىمدىگىن جاريالادى  9 ءتۇرلى قوسىمشا قاراجاتتى الىپ الىڭىزدار

تاياۋدا اۋىل شارۋاشىلىعى جانە اۋىل - قىستاق مينيسترلىگى ورتالىق قازىنانىڭ اۋىل شارۋاشىلىعىن كۇشەيتۋ، شارۋالارعا تيىمدىلىك جاساۋ، شارۋالاردى اۋقاتتاندىرۋ ساياساتى تىزىمدىگىن جاريالاپ، ساياساتتىڭ جەتەكشىلىك رولىن تولىق ساۋلەلەندىردى.

ساياسات تىزىمدىگى ورنىقتى اتقارىلاتىن ورتالىق قازىنادان وتباسىلارىنا دەيىن اۋىل شارۋاشىلىعىنا بەرىلەتىن 9 ءتۇرلى قوسىمشا قاراجات ساياساتىن قامتيدى، ولار مىنالار:

ءبىرىنشى، ەگىستىك جەردىڭ قۇنارلىلىعىن قورعاۋ قوسىمشا قاراجاتى

ەكىنشى، شارۋاشىلىق ماشينالارىن ساتىپ الۋ جانە قولدانۋ قوسىمشا قاراجاتى

ءۇشىنشى، ءبيدايعا بەرىلەتىن ”ءبىردى بۇركۋ، ۇشتەن ساقتانۋ“ قوسىمشا قاراجاتى

ءتورتىنشى، سويا بۇرشاق پەن جۇگەرىنى بەلدەۋلەپ كۇردەلى ەگۋ قوسىمشا قاراجاتى

بەسىنشى، جۇگەرى، سويا بۇرشاق وندىرۋشىلەرگە بەرىلەتىن قوسىمشا قاراجات جانە كۇرىش قوسىمشا قاراجاتى

التىنشى، ەگىستىك جەردى اۋىستىرىپ ەگۋ، تىنىقتىرۋ قوسىمشا قاراجاتى

جەتىنشى، اۋىل شارۋاشىلىعىنا قوعامدانعان قىزمەت وتەۋ كومەك قاراجاتى

سەگىزىنشى، جايىلىمعا مال باعۋعا تيىم سالۋ قوسىمشا قاراجاتى جانە جايىلىم مەن مالدىڭ تەپە - تەڭدىگىن ساقتاۋ سيلىعى

توعىزىنشى، اۋىل شارۋاشىلىعىن قامسىزداندىرۋ وتەمى جاردەم قاراجاتى

قوسىمشا قاراجات بەرۋ ارقىلى جۇگەرى مەن سويا بۇرشاق ەگۋدى ۇزدىكسىز ىلگەرىلەتىپ، كۇرىش وندىرەتىن نەگىزگى ولكەلەردە كۇرىش ءوندىرىسىن كۇشەيتىپ، مەملەكەتتىڭ استىق حاۋىپسىزدىگىن قامتاماسىزداندىرادى. ءارى قوسىمشا قاراجات بەرۋ ارقىلى جوعارى يقۋاتتى تۇقىم ٴسىڭىرۋ ماشيناسى، زەردەلى جوعارى قارقىندى مايسا وتىرعىزعۋ ماشيناسى، ءىرى تۇرپاتتى زەردەلى جوعارى دەڭگەيلى بىرلەسكەن جيىن - تەرىن ماشيناسى قاتارلى اۋىل شارۋاشىلىق ماشينالارىن جالپىلاستىرۋعا، قولدانۋعا ءتۇيىندى تۇردە قولداۋ كورسەتەدى. ال مال شارۋاشىلىق باعىمشىلىق الاڭى رەتىندە پايدالانىلعان ەگىستىك جەر، ورماندىق جەر، جايىلىم، اۋماقتى استىق اتىزدارىن قۇرىلعىلى اۋىل شارۋاشىلىعىنا پايدالانعان ەگىستىك جەرلەر، اۋىل شارۋاشىلىعىنا جاتپايتىن جەر (يەمدەنۋ) قاتارلى پايدالانۋ ورنى وزگەرگەن ەگىستىك جەرلەرگە ەندىگارى ەگىستىك جەردىڭ قۇنارلىلىعىن قورعاۋ قوسىمشا قاراجاتى بەرىلمەيدى، ءبىر جىلدان ارتىق اق قالعانداردىڭ كەلەسى جىلعى قوسىمشا قاراجات بەرۋ تولىمدىلىعى كۇشىنەن قالدىرىلادى.

وسى 9 ءتۇرلى ساياساتتا ورتالىق قازىنا قارجىسى بەلگىلەنگەن فاكتور بويىنشا ولكەلەرگە ءبولىپ بەرىلەدى، ولكە دارەجەلى ورىندار تالاپ بويىنشا جەرگىلىكتى ورىنداردىڭ ءىس جۇزىندىگىمەن ۇشتاستىرىپ، نەگىزگى ساتىلاردى قوسىمشا قاراجات كولەمىن، قولداۋ وبيەكتىلەرىن جانە قوسىمشا قاراجات ولشەمىن ناقتىلاندىرۋعا ۇيىمداستىرادى.

كەلۋ قاينارى: حالىق تورابى