«مەملەكەتتىك كەڭەستىڭ شەتەلگە ساياتىن ءبىلىم مەنشىك ۇقىعى داۋ - شارىن ءبىر جاقتى ەتۋ جونىندەگى بەلگىلەمەسىن» جاريالادى

شينحۋا اگەنتتىگى، 3 - ايدىڭ 19 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ بىرنەشە كۇننىڭ الدىندا مەملەكەتتىك كەڭەستىڭ بۇيرىعىنا قول قويىپ، «مەملەكەتتىك كەڭەستىڭ شەتەلگە ساياتىن ءبىلىم مەنشىك ۇقىعى داۋ - شارىن ءبىر جاقتى ەتۋ جونىندەگى بەلگىلەمەسىن» (تومەندە قىسقاشا «بەلگىلەمە» دەلىنەدى) جاريالادى، بۇل بەلگىلەمە 2025 – جىلى 5 - ايدىڭ 1 – كۇنىنەن باستاپ اتقارىلادى. «بەلگىلەمە» جالپى 18 تارماقتان قۇرالعان، نەگىزىنەن مىناداي مازمۇنداردى قامتيدى.

ءبىرىنشى، قىزمەت وتەۋدى كۇشەيتۋ. مەملەكەتتىك كەڭەستىڭ قاتىستى تاراۋلارىنىڭ شەتەلدە ءبىلىم مەنشىك ۇقىعى ينفورماتسياسىن سۇراستىرۋعا قىزمەت وتەۋدى جانە ساقتاندىرۋدى كۇشەيتىپ، شەتەلگە ساياتىن ءبىلىم مەنشىك ۇقىعى داۋ - شارىن ءبىر جاقتى ەتۋگە جەتەكشىلىك ەتۋ قىزمەت قۇرىلىمى مەن قىزمەت ەرەجەسىن اقاۋسىزداندىرىپ، داۋ - شاردى ءبىر جاقتى ەتۋگە توتەپ بەرۋگە جەتەكشىلىك ەتۋ جانە ۇقىق قورعاۋ جاعىنان كومەك بەرۋ ايقىندالدى. سونىمەن بىرگە، ساۋدا ىستەرىن جاراستىرۋ ۇيىمدارىنىڭ، تورەلىك ايتۋ قۇرىلىمدارىنىڭ شەتەلگە ساياتىن ءبىلىم مەنشىك ۇقىعى داۋ - شارىن شەشۋگە قاتىناسۋىن قولداپ، ادۆوكاتتىق ىستەر باسقارماسى، ءبىلىم مەنشىك ۇقىعىنا قىزمەت وتەۋ قۇرىلىمى سياقتى شەتەلگە ساياتىن ءبىلىم مەنشىك ۇقىعىنا قىزمەت وتەۋ قابىلەتى قۇرىلىسىن كۇشەيتىپ، ازاماتتاردى، ۇيىمداردى شەتەلگە ساياتىن جوعارى ءونىمدى، قولايلى ءبىلىم مەنشىك ۇقىعى داۋ - شارىن شەشۋ جولىمەن، سونداي - اق شەتەلگە قاتىستى ءبىلىم مەنشىك ۇقىعىنا قاتىستى قىزمەت وتەۋمەن قامداۋ بەلگىلەندى.

ەكىنشى، كاسىپورىنداردىڭ قابىلەت قۇرىلىسىن كۇشەيتۋ. كاسىپورىنداردان زاڭمەن باسقارۋ تانىمىن كۇشەيتىپ، ىشكى ەرەجە - تۇزىمدەردى ورناتىپ جانە كەمەلدەندىرىپ، ءبىلىم مەنشىك ۇقىعى دارىندىلار زاپاسىن كۇشەيتىپ، ءبىلىم مەنشىك ۇقىعىن قورعاۋ مەن پايدالانۋدى كۇشەيتىپ، ءوزىنىڭ زاڭدى ۇقىق - مۇددەسىن بەلسەنە قورعاۋ تالاپ ەتىلدى. سونىمەن بىرگە، مەملەكەتتىك كەڭەستىڭ قاتىستى تاراۋلارىنان شەتەلگە ساياتىن ءبىلىم مەنشىك ۇقىعى داۋ - شارىنداعى ءتۇيىندى سالالار مەن شەشۋشى بۋىنداردى ارقاۋ ەتىپ، كاسىپورىندارعا باعىتتاي وتىرىپ ۇگىت جۇرگىزىپ، كۋرستان وتكىزىپ، تيپتىك مىسالدارمەن ۇشتاستىرىپ، شەتەلگە ساياتىن ءبىلىم مەنشىك ۇقىعى داۋ - شارىن زاڭ بويىنشا ءبىر جاقتى ەتۋ تاجىريبەلەرى مەن ادىستەرىن تانىستىرۋ؛ كاسىپورىنداردىڭ شەتەلگە قاتىستى ءبىلىم مەنشىك ۇقىعىن قورعاۋ، ۇقىقتى قورعاۋ، ءوزارا كومەكتەسۋ قورىن قۇرۋىنا قولداۋ كورسەتۋ، قامسىزداندىرۋ قۇرىلىمدارىنىڭ شەتەلگە قاتىستى ءبىلىم مەنشىك ۇقىعىنا قاتىستى قامسىزداندىرۋ كاسىبىن ورىستەتۋىنە دەم بەرۋ تالاپ ەتىلدى.

ءۇشىنشى، شەكارا سىرتىندا تەكسەرىپ دالەل الۋ. ەلىمىز شەكاراسى ىشىندە قۇجاتتاردى جەتكىزۋ، تەكسەرىپ دالەل الۋ ەلىمىز جاساسقان نەمەسە قاتىناسقان حالىقارالىق شارتتار مەن زاڭدارداعى بەلگىلەمەلەر بويىنشا باسقارىلاتىندىعى، شەكارا سىرتىنا دالەل - سىپات نەمەسە ماتەريال بەرگەندە، مەملەكەتتىڭ قۇپيالىعىن ساقتاۋ، ساندى مالىمەت حاۋىپسىزدىگى سياقتى زاڭدارداعى، اكىمشىلىك زاڭ - ەرەجەلەردەگى بەلگىلەمەلەرگە بويسۇنۋ، زاڭ بويىنشا باسقارۋشى ورگانداردىڭ رۇقساتىن الۋ قاجەت بولسا، قاتىستى زاڭدىق تارتىپتەردى اتقارۋ كەرەكتىگى ايقىندالدى.

ءتورتىنشى، ادىلەتسىز مامىلەگە قارسى تۇرۋ. ەلىمىز ازاماتتارىنا، ۇيىمدارىنا ازاماتتىق مامىلە جاسالماسا نەمەسە ءبىلىم مەنشىك ۇقىعىن تولىق، ءونىمدى قورعاي الماسا، مەملەكەتتىك كەڭەستىڭ ساۋدا ىستەرىن باسقارۋشى تاراۋىنىڭ زاڭ بويىنشا تەكسەرۋ جۇرگىزۋىنە ءارى قاجەتتى شارالار قولدانۋىنا بولاتىندىعى؛ شەت ەلدەردىڭ ءبىلىم مەنشىك ۇقىعى داۋ - شارىن سىلتاۋ ەتىپ، ەلىمىزدى تەجەۋى، سوققىلاۋى، ەلىمىز ازاماتتارىنا، ۇيىمدارىنا كەمسىتۋ سيپاتتى شەكتەۋ شارالارىن قولدانۋى سياقتىلارعا مەملەكەتتىك كەڭەستىڭ قاتىستى تاراۋلارىنىڭ زاڭ بويىنشا سايكەستى قارسى تۇرۋ جانە شەكتەۋ شارالارىن قولدانۋىنا بولاتىندىعى ايقىندالدى.

كەلۋ قاينارى: حالىق تورابى