تاڭداۋلى ستيل ارقىلى زەيىن - زەردەنى، كۇش - قۋاتتى ۇيىستىرىپ، ءىس تىندىرىپ، ناتيجە شىعارۋ كەرەك

ستيل قۇرىلىسى ماڭگى جالعاسادى. پارتيا ورتالىق كوميتەتى بۇكىل پارتيادا ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ جونىندەگى ۇيرەنۋ تاربيەسىن ورىستەتۋدى ۇيعاردى، بۇل − بيىلعى پارتيا قۇرىلىسى قىزمەتىنىڭ ءتۇيىندى مىندەتى.

تاياۋدا گۇيجوۋدا قىزمەت تەكسەرگەندە، باس شۋجي شي جينپيڭ ۇيرەنۋ تاربيەسىن ورىستەتۋ جونىندە ايقىن تالاپ قويىپ، ” ٴار دارەجەلى پارتيا ۇيىمدارى دەن قويا ۇيىمداستىرىپ اتقارىپ، پارتيا مۇشەلەرىنىڭ، كادرلاردىڭ تاباندىلىقتى كۇشەيتۋىن، ادەتكە داعدىلانۋىن ىلگەرىلەتىپ، تاڭداۋلى ستيل ارقىلى زەيىندى شوعىرلاندىرىپ، كۇشتى ۇيىستىرۋى، ٴىس تىندىرىپ ناتيجە شىعارۋى كەرەك“ دەپ اتاپ كورسەتتى.

پارتيامىزدىڭ ستيل قۇرىلىسىنىڭ ”التىن تانىسقىسى“ رەتىندە، ورتالىقتىڭ سەگىز ءتۇرلى بەلگىلەمەسى جاريالانىپ اتقارىلعاننان بەرى، حالىقتىڭ سەنىمىنە بولەنۋ ونىمدىلىگى ارقىلى جاماندىقتى الاستاپ، پاكتىكتى دارىپتەيتىن سالت - سانا وزگەرىسىنە جەتەكشىلىك ەتىلدى. ەرەكشە ۇقىق يدەياسى الاستالىپ، راقاتقۇمارلىققا تيىم سالىندى... بۇرىس ستيلدەرى جونگە سالىنىپ، دۇرىس سالت ورناتىلىپ، ايقىن باعدارلاما، ءتارتىپ جۇرت كوكەيىنە ۇيالاپ، پارتيا ستيلى، ۇكىمەت ستيلى شىت جاڭا تۇسكە ەنىپ، قوعامدىق ستيل، حالىقتىق ستيل ۇزدىكسىز جاقساردى.

”14 - بەسجىلدىقتىڭ“ شەشۋشى جەڭىسىنە جەتۋدە، جاڭا ساپارعا ارشىندى قادام تاستاۋدا مىندەت جاپالى، سىن - سايىس از ەمەس. قايتكەندە جوعارى ساپالى دامۋ ارقىلى جالپى جاعدايدى ءبىر تۇتاس مەڭگەرۋگە تاباندى بولۋعا بولادى؟ قايتكەندە تۇتىنۋدى سەرپىلتىپ، ىشكى سۇرانىمدى جەبەۋگە بولادى؟ قايتكەندە بۇكىل ەل بويىنشا بىرلىككە كەلگەن ءىرى بازار قۇرۋعا بولادى؟ قايتكەندە جەرگىلىكتى جاعدايعا قاراي جاڭاشا وندىرگىش كۇشتەردى جەدەل دامىتۋعا بولادى؟ تار جول، تايعاق كەشۋگە تاپ بولعان سايىن، ستيلدى شىڭداپ، جۇرت تىلەگىن ۇيىستىرىپ، ءار دارەجەلى پارتيا ۇيىمدارىن اناعۇرلىم پارمەندى، قۋاتتى ەتىپ قۇرىپ شىعىپ، پارتيالى كادرلار قوسىنىن اناعۇرلىم شىڭداۋ كەرەك.

تاڭداۋلى ستيل ارقىلى زەيىن ـ زەردەنى، كۇش ـ قۋاتتى شوعىرلاندىرعاندا عانا، حالىقتى ىنتىماقتاستىرىپ جانە باستاپ، تىڭ كەرەمەتتەر جاراتۋعا بولادى. حالىق بۇقاراسى نەگە قارسى تۇرسا، نەگە كەكتەنسە، ودان باتىل ساقتانۋ جانە ونى تۇزەتۋ كەرەك. تۋىس - تۋعان، دوس - جاراندارىنا قامقورلىق جاساۋدان تارتىپ جەۋ، الۋ، القىمداۋ، سۇراۋعا دەيىن، ودان زاڭ اتقارۋدا ءادىل بولماۋعا دەيىن، بۇقارانىڭ ماڭايىنداعى ”بولماشى شىرىكتەسۋ“ پارتيانىڭ وبرازىنا زيان جەتكىزىپ، پارتيا مەن بۇقارانىڭ قاتىناسىنا ىقپال جاسادى. استە راقىم ەتپەۋگە باستان - اياق تاباندى بولىپ، ورتالىقتىڭ سەگىز ءتۇرلى بەلگىلەمەسىن تەمىردەي قاعيدا، قاتاڭ ولشەم ەتىپ، تارتىپكە قاسارىسا قايشىلىق جاساعان، كومەسكى، ءتۇرى وزگەرگەن ”ءتورت ءتۇرلى بۇرىس ستيل“ ماسەلەسىن قاتاڭ تەكسەرىپ ءبىر جاقتى ەتىپ، پارتيالى كادرلاردىڭ حالىقتىڭ ويلاعانىن ويلاۋىن، حالىقتىڭ تاپسىرماسىن ورىنداۋىن ىلگەرىلەتىپ، تاماشا ستيل، تاماشا وبراز ارقىلى بۇقارانىڭ سەنىمى مەن قولداۋىنا يە بولۋ كەرەك.

ءىس تىندىرىپ، يگىلىك جاراتقاندا عانا، قيىندىقتان قامال الۋ بارىسىندا شەبەرلىكپەن ىستەۋگە بولادى. جاڭا داۋىردەگى ۇزاق جورىق جولىندا تاعى كوپتەگەن ”قارلى تاۋلاردان“، ”سازدىقتاردان“ وتۋگە تۋرا كەلەدى، تاعى كوپتەگەن ”لوۋشان قامالىن“، ”لازىكوۋدى“ باعىندىرۋعا تۋرا كەلەدى. قالىڭ پارتيالى كادرلار، ءسوز جوق، ەرەجەگە، تارتىپكە بويسۇنۋ، پاك، كىرشىكسىز بولۋ العى شارتىندا باتىلدىقپەن ءىس تىندىرىپ، قايشىلىقتار مەن ماسەلەلەردەن تايساقتاماۋى، حاۋىپ ـ قاتەر مەن سىن ـ سايىسقا توتەپ بەرۋدە شەگىنبەۋى، اۋىر مىندەتتى باتىلدىقپەن ارقالاپ، قيىن ماسەلەلەردى باتىلدىقپەن شەشۋى كەرەك. شىرىكتەسۋدىڭ ورتاسى مەن شارت - جاعدايىن الاستاۋدا ۇنەمى مىقتى يگەرىپ، جاڭا داۋىردەگى پاكتىك مادەنيەتىن جەتىلدىرىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن داعدىعا اينالدىرىپ، ناقتى ءىس ىستەپ، جاۋاپكەرشىلىك ارقالايتىن جاڭا ستيل، دۇرىس سالت ورناتقاندا جاڭا ءورىس اشىپ، دامۋدىڭ جاڭا ابزالدىعىن جاراتۋعا بولادى.

ۇيرەنۋ ارقىلى تۇسىنۋگە بولادى، ونان سوڭ شىنايى اتقارۋ كەرەك. ءبىز وسى رەتكى ۇيرەنۋ تاربيەسىن وراي ەتىپ، پارتيالىلىق تاربيەلەنۋدى كۇشەيتىپ، تاڭداۋلى پارتيا ستيلىن ساۋلەلەندىرىپ، جاڭا ستيل، جاڭا وبراز سومداپ، جاڭا جورىقتا جاڭا جاۋاپكەرلىك ارقالاپ، تىڭ ىسكەرلىك كورسەتۋىمىز كەرەك.

كەلۋ قاينارى: حالىق تورابى