شي جينپيڭ بريكس ەلدەرىنىڭ جاڭا اشۋ بانكەسىندە ساپاردا بولدى

4 - ايدىڭ 29 - كۇنى تۇستەن بۇرىن مەملەكەت ءتوراعاسى شي جينپيڭ شاڭحايدا بريكس ەلدەرىنىڭ جاڭا اشۋ بانكەسىندە ساپاردا بولدى ءارى جاڭا اشۋ بانكەسىنىڭ باستىعى روسەفپەن كەزدەستى.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

4 - ايدىڭ 29 - كۇنى تۇستەن بۇرىن مەملەكەت ءتوراعاسى شي جينپيڭ شاڭحايدا بريكس ەلدەرىنىڭ جاڭا اشۋ بانكەسىندە ساپاردا بولدى ءارى جاڭا اشۋ بانكەسىنىڭ باستىعى روسەفپەن كەزدەستى.

سۋرەتتى شينحۋا اگەنتتىگىنىڭ ءتىلشىسى لين بوگۋ تۇسىرگەن

شينحۋا اگەنتتىگى، 4 - ايدىڭ 29 – كۇنى، شاڭحاي. 4 - ايدىڭ 29 - كۇنى تۇستەن بۇرىن مەملەكەت ءتوراعاسى شي جينپيڭ شاڭحايدا بريكس ەلدەرىنىڭ جاڭا اشۋ بانكەسىندە ساپاردا بولدى ءارى جاڭا اشۋ بانكەسىنىڭ باستىعى روسەفپەن كەزدەستى.

شي جينپيڭ بارعان ساتتە روسەف جاڭا اشۋ بانكەسىنىڭ 4 ورىنباسار باستىعىن جانە قىزمەتكەرلەرىن باستاپ ىستىق ىقىلاسپەن قارسى الدى.

شي جينپيڭ روسەفتىڭ جاڭا اشۋ بانكەسىنىڭ باستىعى بولىپ تاعى دا سايلانعاندىعىن قۇتتىقتادى. شي جينپيڭ بىلاي دەپ اتاپ كورسەتتى: جاڭا اشۋ بانكەسى − بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەر قۇرعان ءارى جەتەكشىلىك ەتكەن تۇڭعىش كوپ جاقتى اشۋ قۇرىلىمى، جەر شارىنىڭ وڭتۇستىگىنىڭ بىرلەسىپ ءوزىن الۋەتتەندىرۋىنىڭ تىڭ باستاماسى، ول دۇنيە جۇزىلىك جونگە سالۋعا رەفورما جاساۋدىڭ جانە ونى كەمەلدەندىرۋدىڭ تاريحي اعىمىنا ۇيلەسىپ، حالىقارالىق فينانس جۇيەسىندەگى جاڭادان گۇلدەنگەن كۇشتەر مەن جەر شارىنىڭ وڭتۇستىگى سەلبەستىگىنىڭ التىن ماڭدايشالىعىنا اينالدى.

شي جينپيڭ بىلاي دەپ باسا دارىپتەدى: ”ۇلكەن بريكس سەلبەستىگى“ جوعارى ساپالى دامۋ كەزەڭىنە ءوتتى، جاڭا اشۋ بانكەسى دە جوعارى ساپالى دامۋدىڭ ەكىنشى ”التىن 10 جىلدىعىن“ باستاۋى كەرەك. اۋەلگى ماقساتتى امالياتتا ايگىلەپ، جەر شارىنىڭ وڭتۇستىگىنىڭ دامۋ قاجەتىنە تىعىز جاناسىپ، اناعۇرلىم كوپ جوعارى ساپالى، وزىندىك قۇنى تومەن، باياندى نەگىزدىك قۇرىلعىلار قارجى قۇراۋىمەن قامداۋ؛ ىشكى قۋاتتى جاقسى جەتىلدىرىپ، باسقارۋ مەن جۇمىس جۇرگىزۋدى كەمەلدەندىرىپ، اناعۇرلىم كوپ عىلىم - تەحنيكالىق فينانس، جاسىل فينانس نىساندارىن اتقارىپ، وركەندەپ كەلە جاتقان ەلدەردىڭ سيفر جىلعاسىن بىرىكتىرۋىنە دەم بەرىپ، جاسىل، تومەن كومىرتەكتى بولۋعا جەدەل بۇرىلىس جاساۋ؛ ءورىس اشا العا ىلگەرىلەپ، حالىقارالىق فينانس قۇرىلىمى رەفورماسى جونىندەگى تالقىدا جەر شارىنىڭ وڭتۇستىگىنىڭ ءۇنىن اسقاقتاتىپ، جەر شارىنىڭ وڭتۇستىگىنىڭ ورىندى ۇقىق - مۇددەسىن قورعاپ، جەر شارىنىڭ وڭتۇستىگىنىڭ وسىزاماندانۋ جولىمەن ويداعىداي ءجۇرۋىن قولداۋ كەرەك. جۇڭگو جاق وتاعاسى ەل رەتىندە، جاڭا اشۋ بانكەسىنىڭ جۇمىس جۇرگىزۋىن، دامۋىن بۇرىنعىداي قولدايدى، جاڭا اشۋ بانكەسىمەن نىسان سەلبەستىگىن كۇشەيتىپ، نازاردى جاسىل، جاڭاشىل، باياندى دامۋعا شوعىرلاندىرىپ، اناعۇرلىم كوپ ناقتى سەلبەستىك جەتىستىكتەرىنە قول جەتكىزۋگە پەيىل؛ جاڭا اشۋ بانكەسى ارقىلى باسقا مۇشە ەلدەرمەن دامۋ تاجىريبەلەرىنەن بىرگە يگىلىكتەنىپ، اناعۇرلىم كوپ حالىقارالىق الەۋمەتتىك ونىمدەرمەن قامداۋدى قالايدى.

شي جينپيڭ بىلاي دەپ اتاپ كورسەتتى: جەر شارىنىڭ وڭتۇستىگى توپتىق ەڭسە كوتەرىپ، دۇنيە ءجۇزىنىڭ بەيبىتشىلىگىن قورعاۋداعى، بىرگە دامۋدى جەبەۋدەگى، دۇنيە جۇزىلىك جونگە سالۋدى كەمەلدەندىرۋدەگى ماڭىزدى كۇشكە اينالدى. حالىقارالىق جاعداي قالاي وزگەرسە دە، ادامزاتتىڭ دامۋ، العا باسۋ بەتالىسى وزگەرمەيدى.

جۇڭگو دامۋدا ءوز كۇشىنە سۇيەنىپ ءومىر سۇرەدى، قاجىرلىلىقپەن كۇرەس جۇرگىزەدى، ءوزىنىڭ ورىندى ۇقىق - مۇددەسى مەن حالىقارالىق قوعامنىڭ ورتاق مۇددەسىن باتىل قورعايدى.

روسەف جۇڭگونىڭ ۇزاق ۋاقىتتان بەرى جاڭا اشۋ بانكەسىنىڭ دامىپ زورايۋىنا پارمەندى قولداۋ كورسەتكەندىگىنە العىس ايتىپ، مىنانى ءبىلدىردى: ءتوراعا شي جينپيڭنىڭ دانىشپان باسشىلىعىندا، جۇڭگو ەرەكشە دامۋ جەتىستىكتەرىنە قول جەتكىزىپ، دۇنيە ءجۇزىن جونگە سالۋدى ىلگەرىلەتۋدە ماڭىزدى رول اتقاردى، جۇڭحۋا ۇلتىنىڭ ۇلى گۇلدەنۋى ارمانىن، ءسوز جوق، جۇزەگە اسىرا الادى. ول بىلاي دەدى: بۇگىنگى دۇنيە ءجۇزى اۋمالى - توكپەلى جاعدايدا، جۇڭگو ۇكىمەتى جەر شارىنىڭ وڭتۇستىگىنىڭ مۇددەسىن باتىل قورعاپ، كوپ جاقتىلىقتى باتىل قولداپ، حالىقارالىق ادىلدىكتى، تۋراشىلدىقتى باتىل قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، حالىقارالىق قوعامعا ۇلگى ورناتتى. سىڭار جاقتىلىق، قورعانىمپازدىق حالىقارالىق زاڭنىڭ بەدەلىن ءتۇسىرىپ، كاسىپ سالاسى تىزبەگى مەن قامداۋ تىزبەگىنىڭ ورنىقتىلىعىنا زيان جەتكىزدى. جاڭا اشۋ بانكەسى اۋەلگى ماقساتتان اينىماي، بەلسەنە ىسكەرلىك كورسەتىپ، وركەندەپ كەلە جاتقان ەلدەر مەن بازارى جاڭادان گۇلدەنگەن ەلدەردىڭ دامۋىن جەبەۋگە ۇلەس قوسادى.

ساي چي، حى ليفىڭ، چىن جينيڭ قاتارلىلار جوعارىداعى قيمىلدارعا قاتىناستى.

كەلۋ قاينارى: حالىق تورابى