شي جينپيڭ رەسەيدە مەملەكەتتىك ساپاردا بولادى ءارى سوۆەت وداعىنىڭ ۇلى وتان سوعىسى جەڭىسكە جەتكەندىگىنىڭ 80 جىلدىعىن اتاپ ءوتۋ سالتىنا قاتىناسادى

شينحۋا اگەنتتىگى، 5 - ايدىڭ 4 - كۇنى، بەيجيڭ. سىرتقى ىستەر مينيسترلىگىنىڭ مالىمدەمەشىسى 5 - ايدىڭ 4 - كۇنى بىلاي دەپ جاريالادى: رەسەي فەدەراتسياسىنىڭ زۇڭتۇڭى پۋتيننىڭ ۇسىنىسىمەن مەملەكەت ءتوراعاسى شي جينپيڭ 5 - ايدىڭ 7 - كۇنىنەن 10 - كۇنىنە دەيىن رەسەيدە مەملەكەتتىك ساپاردا بولادى ءارى ماسكەۋدە وتكىزىلەتىن سوۆەت وداعىنىڭ ۇلى وتان سوعىسى جەڭىسكە جەتكەندىگىنىڭ 80 جىلدىعىن اتاپ ءوتۋ سالتىنا قاتىناسادى.

شينحۋا اگەنتتىگى، 5 - ايدىڭ 4 - كۇنى، بەيجيڭ. رەسەي فەدەراتسياسىنىڭ زۇڭتۇڭى پۋتيننىڭ ۇسىنىسىمەن مەملەكەت ءتوراعاسى شي جينپيڭ 5 - ايدىڭ 7 - كۇنىنەن 10 - كۇنىنە دەيىن رەسەيدە مەملەكەتتىك ساپاردا بولادى ءارى ماسكەۋدە وتكىزىلەتىن سوۆەت وداعىنىڭ ۇلى وتان سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ سالتىنا قاتىناسادى. سىرتقى ىستەر مينيسترلىگىنىڭ مالىمدەمەشىسى 5 - ايدىڭ 4 - كۇنى تىلشىگە وسى رەتكى ساپاردىڭ باستى ورنالاستىرۋىن جانە جۇڭگو جاقتىڭ جۇڭگو - رەسەي قارىم - قاتىناسىن دامىتۋ جونىندەگى ءۇمىتىن تانىستىردى.

مالىمدەمەشى مىنالاردى ءبىلدىردى: قازىر 100 جىلدىق وزگەرىس جەدەل قۇبىلىپ، حالىقارالىق ءتارتىپ ىشكەرىلەي رەتتەلدى. ءتوراعا شي جينپيڭ مەن پۋتين زۇڭتۇڭ تاريحي جانە ستراتەگيالىق بيىكتىكتى تياناق ەتىپ، جاڭا داۋىردەگى جۇڭگو - رەسەي قارىم - قاتىناسىنىڭ كۇردەلى سىرتقى ورتادا باستان - اياق مىزعىماي العا ىلگەرىلەۋىنە جەتەكشىلىك ەتىپ، ماڭگى تاتۋ كورشىلىك، دوستىق، جان - جاقتى ستراتەگيالىق سەلبەستىك، ءوزارا پايدا جەتكىزىپ، سەلبەسىپ تەڭ يگىلىككە كەنەلۋ سىندى ايقىن ەرەكشەلىكتى ايگىلەدى.

مالىمدەمەشى بىلاي دەدى: ءتوراعا شي جينپيڭ وسى رەت ۇسىنىس بويىنشا رەسەيگە مەملەكەتتىك ساپاردا بولۋ مەزگىلىندە، پۋتين زۇڭتۇڭمەن جاڭا جاعدايداعى جۇڭگو - رەسەي قارىم - قاتىناسىنىڭ دامۋى، سونداي - اق ءبىرسىپىرا حالىقارالىق جانە وڭىرلىك كەلەلى ماسەلەلەر جونىندە ستراتەگيالىق پىكىر اۋىستىرادى. ەكى ەل مەملەكەت باسشىلارى كەلىسكەن ماڭىزدى ورتاق تانىمداردىڭ جۇڭگو مەن رەسەيدىڭ ساياسي سەنىمدىلىگىن اناعۇرلىم تەرەڭدەتىپ، ستراتەگيالىق سەلبەستىكتىڭ مازمۇنىن بايىتىپ، ءار سالاداعى ناقتى سەلبەستىكتى جەبەپ، ەكى ەل حالقىنا ءتىپتى دە كوپ باقىت جاراتىپ، حالىقارالىق قوعامعا ءتىپتى دە كوپ ورنىقتىلىق پەن وڭ ەنەرگيا قوساتىندىعىنا سەنەمىز.

مالىمدەمەشى بىلاي دەپ اتاپ كورسەتتى: بيىل — جۇڭگو حالقىنىڭ جاپون شاپقىنشىلارىنا قارسى سوعىسىنىڭ، سوۆەت وداعىنىڭ ۇلى وتان سوعىسى مەن دۇنيە جۇزىلىك فاشيزمگە قارسى سوعىستىڭ جەڭىسكە جەتكەندىگىنىڭ 80 جىلدىعى. جۇڭگو مەن رەسەي دۇنيە جۇزىلىك 2 - سوعىستىڭ ازيا جانە ەۆروپا سىندى ەكى نەگىزگى شايقاس مايدانى رەتىندە، دۇنيە جۇزىلىك فاشيزمگە قارسى سوعىستىڭ جەڭىسىنە قول جەتكىزىپ، ءوز ۇلتىن قۇرىپ - جوعالۋدان قۇتقارۋ جانە ادامزاتتىڭ بولاشاعى مەن تاعدىرى جولىندا وراسان زور قۇرباندىقتار بەرىپ، كەلەلى تاريحي ۇلەس قوستى. ءتوراعا شي جينپيڭ مەن پۋتين زۇڭتۇڭ تاريحتى بىرگە ەستە بەرىك ساقتاپ، قۇربانداردى ساعىنا ەسكە الىپ، دۇنيە جۇزىلىك 2 - سوعىس جونىندەگى دۇرىس تاريحي كوزقاراستى اسقاقتاتىپ، دۇنيە جۇزىلىك 2 - سوعىستىڭ جەڭىسى مەن تابىستارىن جانە سوعىستان كەيىنگى حالىقارالىق ءتارتىپتى قورعاۋ، حالىقارانىڭ ادىلدىگىن، تۋراشىلدىعىن قورعاۋ جونىندە ورتاق تانىمعا كەلدى. وسى ەرەكشە تاريحي كەزەڭدە ماسكەۋدە وتكىزىلەتىن سوۆەت وداعىنىڭ ۇلى وتان سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ سالتىنا ۇسىنىس بويىنشا قاتىناسۋ _ ءتوراعا شي جينپيڭنىڭ وسى رەتكى ساپارىنىڭ ماڭىزدى مازمۇنى ءارى جۇڭگو مەن رەسەيدىڭ ءبىر - ءبىرىنىڭ دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قيمىلىن وتكىزۋىن ءوزارا قولداۋىندا بولۋعا ءتيىستى ءمان.

مالىمدەمەشى مىنالاردى ءبىلدىردى: بيىل _ بىرلەسكەن مەملەكەتتەر ۇيىمى قۇرىلعاندىعىنىڭ 80 جىلدىعى. جۇڭگو مەن رەسەي بىرلەسكەن مەملەكەتتەر ۇيىمىن قۇرۋشى ەل جانە حاۋىپسىزدىك القالار كەڭەسىنىڭ تۇراقتى القا ەلى رەتىندە، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى قورعاۋ جاعىندا ەرەكشە ماڭىزدى جاۋاپكەرشىلىك ارقالاپ وتىر. جۇڭگو مەن رەسەي ەكى جاق بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، بريكس ەلدەرى سياقتى كوپ جاقتى تۇعىرلارداعى تىعىز سەلبەستىكتى ونان ارى كۇشەيتىپ، دۇنيە ءجۇزىنىڭ وڭتۇستىگىن ىنتىماقتاستىرىپ، دۇنيە ءجۇزىن جونگە سالۋدىڭ دۇرىس بەتالىسىنا جەتەكشىلىك ەتىپ، سىڭار جاقتىلىق پەن زورەكەرلىككە تۋدى ايقىن ۇستاي وتىرىپ قارسى تۇرىپ، تەرەزەسى تەڭ، ءتارتىپتى دۇنيە ءجۇزىنىڭ كوپ ۇيەكتەنۋىن جانە جالپىعا ءتيىمدى، سيىسىمدى ەكونوميكانىڭ جاھاندانۋىن قول ۇستاسا ىلگەرىلەتەدى.

كەلۋ قاينارى: حالىق تورابى