ورتالىق قازىنا بەيجيڭ، تيانجين قاتارلى 20 قالانىڭ قالانى جاڭالاۋ ارەكەتىن اتقارۋىن قولدايدى

قازىنا مينيسترلىگى 6 – ايدىڭ 4 - كۇنى 2025 - جىلعى قالانى جاڭالاۋ ارەكەتىن باعالاۋ ناتيجەسىن جاريالادى، بەيجيڭ، تيانجين، تاڭشان، باۋتوۋ، داليان، حاربين، سۋجوۋ، ۋىنجوۋ، ۋحۋ، شيامىن، جينان، جىڭجوۋ، يچاڭ، چاڭشا، گۋاڭجوۋ، حايكوۋ، يبين، لانجوۋ، شينيڭ، ءۇرىمجى قاتارلى 20 قالا تىزىمدىككە ەنگىزىلدى.

الداعى بىرنەشە جىلدا ورتالىق قازىنا 20 ميلليارد يۋاننان استام كومەك قاراجات بەرىپ، وسى 20 قالانىڭ قالانى جاڭالاۋ ارەكەتىن اتقارۋىنا قولداۋ كورسەتىپ، قالانى جاڭالاۋدىڭ باياندى مەحانيزمىن ورناتۋ جونىندە ىزدەنىس جاساپ، قالانىڭ نەگىزدىك قۇرىلعىلارىنداعى ولقىلىقتاردى، ءالسىز بۋىنداردى تولىقتاۋدى جوسپارلادى.

ورتالىق قازىنا وڭىرلەر بويىنشا قالانى جاڭالاۋ ارەكەتىن اتقارعان قالالارعا نورمالى كومەك قاراجات بەرەدى. مۇنىڭ ىشىندە:

شىعىس بولەكتەگى رايوندارداعى ءاربىر قالاعا بەرىلەتىن كومەك قاراجاتىنىڭ جالپى سوماسى 800 ميلليون يۋاننان اسپايدى

ورتا بولەكتەگى رايوندارداعى ءاربىر قالاعا بەرىلەتىنى ءبىر ميلليارد يۋاننان اسپايدى

باتىس بولەكتەگى ءاربىر قالاعا بەرىلەتىنى ءبىر ميلليارد 200 ميلليون يۋاننان اسپايدى

توتە قاراستى قالالاردا ءاربىر قالاعا بەرىلەتىنى ءبىر ميلليارد 200 ميلليون يۋاننان اسپايدى

قارجى قىزمەتتىڭ ىلگەرىلەتىلۋ جاعدايىنا قاراي جىل سايىن بوساتىلىپ تياناقتاندىرىلادى.

قولداۋ بەتالىسىنان قاراعاندا، ورتالىق قازىنا قارجىسىنىڭ قالانى جاڭالاۋداعى ۇلگى نىسان قۇرىلىسى مەن مەحانيزم قۇرىلىسى سىندى ەكى بەتالىستى قولدايدى.

قالانى جاڭالاۋداعى ءتۇيىندى ۇلگى نىساندار مىناداي ءتورت ءتۇردى قامتيدى: ءبىرىنشى، قالانىڭ سۋمەن قامداۋ، سۋ ىعىستىرۋ، جانار گاز، جىلۋمەن قامداۋ قاتارلى جەر استى قۇبىر توراپتارىن جاڭالاۋ، قايتا قۇرۋ جانە ۇنەمدى، شوعىرلى ۋنيۆەرسال قۇبىر ءدالىزى قۇرىلىسى؛

ەكىنشى، قالالارداعى تۇرمىستىق لاس سۋلاردى ءبىر جاقتى ەتۋدە ”زاۆود پەن توراپتى ءبىر تۇلعالاندىرۋ“، قالالارداعى تۇرمىستىق لاس سۋ قۇبىر توراپتارىن جاپپاي قامتۋ ۇلگى رايونى قۇرىلىسى قاتارلىلار؛ ءۇشىنشى، تۇرمىستىق قوقىر ـ قوقسىقتاردى تۇرگە ايىرىپ ءبىر جاقتى ەتۋ، قۇرىلىس قوقىر ـ قوقسىقتارىن جونگە سالۋ، جالپىلىق باعانا - ساندىق، قاتەرلى، كونە كوپىر، مەحانيكالىق اۆتوكولىك توقتاتۋ قۇرىلعىلارى قاتارلى قالا نەگىزدىك قۇرىلعىلارىن جوعارىلاتۋ، وزگەرتۋ؛

ءتورتىنشى، تاريحي مادەنيەت كوشەلەرى، كونە اۋماقتار، جاسىل القاپتاردى اشىق ۇستاۋ، ورتاق يگىلىكتەنۋ قاتارلى اۋماقتاردى جاڭالاۋ، قايتا قۇرۋ، سونىمەن بىرگە مادەنيەت، ساياحات، اس - سۋ، سەيىل - سەرۋەن، كوڭىل اشۋ قاتارلىلاردى ءبىر تۇلعالاندىرۋعا ءمان بەرىپ، تۇتىنۋ تيپىندەگى نەگىزدىك قۇرىلعىلار قۇرىلىسىن كۇشەيتۋ كەرەك.

قالانى جاڭالاۋ مەحانيزمى قۇرىلىسى مىناداي ءۇش ءتۇردى قامتيدى:

ءبىرىنشى، نىسان زاپاسى جانە قالىپتاسۋ مەحانيزمى.

ەكىنشى، قارجىنى ورنالاستىرۋ جانە توپتاۋ مەحانيزمى.

ءۇشىنشى، جەردەن پايدالانۋدى قامتاماسىزداندىرۋ جانە تەكسەرىپ بەكىتۋ مەحانيزمى.

ورتالىقتىڭ قارجىسىن جوعارىداعى ءۇش ءتۇرلى مەحانيزمدى ورناتۋ بارىسىنداعى قاتىستى شىعىستارعا جۇمساۋعا بولادى.

كەلۋ قاينارى: حالىق تورابى