جۇڭگودا 17 تاراۋ بىرلەسە وتىرىپ، قۇستاردى زاڭسىز اۋلاۋعا جانە ساۋدالاۋعا سوققى بەرەدى 

جۇڭگو اقپارات تورابىنىڭ ءتىلشىسى چىن سۋ 9 – ايدىڭ 4 – كۇنى بەيجيڭنەن حابارلايدى. ءتىلشىنىڭ 9 – ايدىڭ 4 – كۇنى جۇڭگو مەملەكەتتىك ورمان شارۋاشىلىعى جانە جايىلىم مەڭگەرمەسىنەن ۇعىسۋىنشا، ەلىمىز بويىنشا قۇستاردى قورعاۋ قيمىلى مەن قۇستاردى زاڭسىز اۋلاۋعا جانە ساۋدالاۋعا سوققى بەرۋ ارەكەتى جونىندەگى اتتانىسقا كەلتىرۋ، ورنالاستىرۋ بەينە كەسكىندى ءماجىلىسى سول كۇنى وتكىزىلگەن، مەملەكەتتىك ورمان شارۋاشىلىعى جانە جايىلىم مەڭگەرمەسى قاتارلى 17 تاراۋ بىرلەسە وتىرىپ، الدا ەلىمىز كولەمىندە ءۇش جىلدىق مەرزىممەن ارناۋلى ارەكەت ورىستەتەدى.

جۇڭگو — دۇنيە جۇزىندەگى قۇس بايلىعى ەڭ مول مەملەكەتتەردىڭ ءبىرى، ەلىمىز بويىنشا قۇستار 1505 ءتۇرلى بولىپ، شامامەن دۇنيە جۇزىندەگى قۇستاردىڭ جالپى ءتۇرىنىڭ التىدان ءبىرىن ۇستايدى، مۇنىڭ ىشىندە مەكەن جاڭالاۋ ادەتى بار قۇستاردىڭ سانى 800 تۇرلىدەن اسادى. دۇنيە جۇزىندەگى جىل قۇستارى ۇشىپ وتەتىن توعىز ءىرى جولدىڭ تورتەۋى جۇڭگودان وتەدى.

ۇكىمەت جاقتىڭ تانىستىرۋىنشا، وسى رەتكى قيمىلدى ورنالاستىرۋداعى ماقسات — قۇستاردى قورعاۋدى جانە باقىلاۋدى كۇشەيتىپ، قۇستاردى زاڭسىز اۋلاۋمەن جانە ساتۋمەن شۇعىلداناتىن توپتاردى تەز ارادا انىقتاپ ءبىر جاقتى ەتىپ، تور قۇرىپ قۇستاردى اۋلاۋ قاتارلى الباتى اۋلاۋ جانە قۇستاردى ينتەرنەت ارقىلى نەمەسە ينتەرنەتتەن تىس جولمەن ساۋدالاۋ ارەكەتىنە باتىل سوققى بەرىپ، دالادا شارلاۋ جۇرگىزىپ قورعاۋ ارقىلى، قۇستاردى ساتۋ، تاسىمالداۋ قاتارلى تۇيىندەردە بۇكىل تىزبەك بويىنشا قاتاڭ باقىلاۋ – باسقارۋ جۇرگىزىپ، قۇستاردى قورعاۋ جاعىندا بۇكىل قوعام بىرگە اتسالىساتىن تاماشا اۋقىمدى قالىپتاستىرۋ.

كەلۋ قاينارى: حالىق تورابى