اۋعانستاننىڭ شىعىس بولىگىندە جەر سىلكىنىپ، 2205 ادام قازا بولعان 

شينحۋا اگەنتتىگىنىڭ تىلشىلەرى نيە شينيۇي، لي اڭ 9 – ايدىڭ 4 – كۇنى كابۋلدەن حابارلايدى. اۋعانستان قىزىل اي قوعامىنىڭ 9 – ايدىڭ 4 – كۇنى راستاۋىنشا، اۋعانستاننىڭ شىعىس بولىگىندەگى جەر سىلكىنىسىندە 2205 ادام قازا بولىپ، 3640 ادام جارالانعان.

اۋعانستان قىزىل اي قوعامىنىڭ سول كۇنى الەۋمەتتىك جەلىدە جاريالاعان مالىمدەمەسىندە ايتۋىنشا، قازىر قۇتقارۋ – كومەكتەسۋ قىزمەتى ءالى دە ورىستەتىلۋدە، قۇلاعان ءۇيدىڭ قيراندىسىنىڭ استىندا كوپ ادام قامالىپ قالعان، جارالانعانداردىڭ، قازا بولعانداردىڭ سانى ءالى دە ارتا ءتۇسۋى مۇمكىن.

اۋعانستان ۋاقىتتىق ۇكىمەتىنىڭ ورىنباسار مالىمدەمەشىسى فيتراتتىڭ الەۋمەتتىك جەلىدە ايتۋىنشا، جەر سىلكىنىسىندە قيراعان ۇيلەردىڭ سانى 6782 گە جەتكەن، جەرگىلىكتى ۇكىمەت كوپ جەردە شاتىر تىگىپ، پاناسىز قالعانداردى ورنالاستىرعان ءارى قۇتقارۋ – كومەكتەسۋ بۇيىمدارىن تاراتقان.

اۋعانستاندا 8 – ايدىڭ 31 – كۇنى 6.0 بال جەر سىلكىنگەن، سىكىنىس ورتالىعى نانگارحار ولكەسىنىڭ ورتالىعى جالالاباد قالاسىنىڭ شىعىس سولتۇستىگىندەگى 27 كيلومەتر قاشىقتىقتاعى جەردە، سىلكىنىس قاينارى 8 كيلومەتر تەرەڭدىكتە. سىلكىنىس قاينارى ءبىرشاما تاياز، ونىڭ ۇستىنە تاۋلى ءوڭىر بولعاندىقتان، اپاتقا ۇشىرۋ جاعدايى اۋىر بولعان.

كەلۋ قاينارى: حالىق تورابى