تايفىڭ داۋىلىنا بايلانىستى سارى ءتۇستى دابىل جاريالاندى 

شينحۋا اگەنتتىگىنىڭ 9 – ايدىڭ 7 – كۇنى بەيجيڭنەن بەرگەن حابارى. بيىلعى 16 – ءنومىرلى تايفىڭ داۋىلى ”تاپاح“ 9 – ايدىڭ 7 – كۇنى تۇستەن كەيىن ىستىق بەلدەۋلىك كۇشتى بوران دەڭگەيىنە كوتەرىلگەن، ورتالىق اۋا رايى ستانسياسى تايفىڭ داۋىلىنا بايلانىستى سارى ءتۇستى دابىلدى جالعاستى جاريالاعان.

مەجەمەن ”تاپاح“ تايفىڭ داۋىلى ساعاتىنا 20 كيلومەتر اينالاسىنداعى قارقىمەن قيىس باتىس سولتۇستىككە قاراي بەتتەيدى، كۇشەمەلىلىگى بارعان سايىن ارتادى ءارى 9 – ايدىڭ 8 – كۇنى تاڭ سارىدەن باستاپ تۇستەن بۇرىنعا دەيىن گۋاڭدۇڭ ولكەسىندەگى تايشاننان ديانبايعا دەيىنگى وڭىردەگى تەڭىز جاعالاۋىنان قۇرلىققا شىعادى (كۇشتى ىستىق بەلدەۋلىق داۋىل دارەجەسىندە نەمەسە تايفىڭ داۋىلى دارەجەسىندە، 10 بالدان 12 بالعا دەيىن)، قۇرلىققا شىققان سوڭ جەل كۇشى بىرتىندەپ السىرەيدى.

”تاپاحتىڭ“ ىقپالىنا ۇشىراعاندىقتان، 9 – ايدىڭ 7 – كۇنى ساعات 20 دان 9 – ايدىڭ 8 – كۇنى ساعات 20 عا دەيىن، نانحاي تەڭىزىنىڭ سولتۇستىگىندەگى تەڭىز الابىنىڭ ءبىر بولىگى مەن گۋاڭدۇڭنىڭ ورتا – باتىس بولىگىندەگى تەڭىز جاعالاۋىندا جەل كۇشى 9 بالدان 10 بالعا دەيىن جەتەدى، تايفىڭ داۋىلىنىڭ ورتالىعى وتەتىن تەڭىز الابىندا نەمەسە وڭىرلەردە ۇيتقىمالى جەل كۇشى 13 بالدان 14 بالعا دەيىن جەتەدى.

جاۋىن – شاعىن جاعىنان العاندا، گۋاڭدۇڭ ولكەسىنىڭ ورتا – وڭتۇستىك بولىگى مەن گۋاڭشي ولكەسىنىڭ شىعىس – وڭتۇستىك بولىگىندە نوسەر نەمەسە قالىڭ نوسەر جاۋادى، مۇندا گۋاڭدۇڭنىڭ باتىس – وڭتۇستىك بولىگىندەگى ءىشىنارا وڭىرلەردە ەرەكشە قالىڭ جاڭبىر (250 – 270 ميلليمەتر) جاۋادى.

كەلۋ قاينارى: حالىق تورابى