ەلىمىز شاعىن قىدىرما جۇلدىزدى سوققىلاۋدى جوسپارلادى 

جۋىردا اشىلعان 3 – رەتكى شالعاي عارىشتى بارلاۋعا قاتىستى تياندۋ حالىقارالىق ماجىلىسىنەن ۇعىسۋعا قارعاندا، جۇڭگونىڭ ايدى بارلاۋ ينجەنەرياسىنىڭ باس جوبالاۋشىسى ۋ ۋەيرىننىڭ تانىستىرۋىنشا، ەلىمىز قازىر ءبىر شاعىن قىدىرما جۇلدىزدى قوزعالىستاعى دەنەمەن سوققىلاۋدى كورسەتپەلى جولمەن ءتۇسىندىرۋ جانە ىسپاتتاۋ مىندەتىن جوسپارلاۋدا، وسى ارقىلى شاعىن قىدىرما جۇلدىزدان ساقتانۋ جوباسىنىڭ مۇمكىندىگىن ىسپاتتايدى.

ۋ ۋەيرىن اكادەميكتىڭ تانىستىرۋىنشا، بۇل مىندەت بارىسىندا ”قاتارلاسىپ ۇشۋ + سوعىلۋ + قاتارلاسىپ ۇشۋ“ سىندى مىندەت فورماسى قولدانىلىپ، باقىلاۋ اسپابى مەن سوعۋ اسپابى ۇشىرىلادى. باقىلاۋ اسپابى العاشقى مەرزىمدە نىساناداعى شاعىن قىدىرما جۇلدىزدىڭ ماڭىنا جەتىپ، جاقىننان باقىلاۋ جۇرگىزىپ، ونىڭ پارامەترلەرىن ەگجەي – تەگجەيلى يەلەيدى، ونان سوڭ سوعۋ اسپابى شاعىن قىدىرما جۇلدىزعا جوعارى جىلدامدىقپەن سوعىلادى. سوعىلۋدىڭ جالپى بارىسىندا عارىش پەن جەردەگى اسپاپتى ۇشتاستىرۋ ارقىلى جاقىن ارادان جوعارى قارقىنمەن كەسكىنگە ءتۇسىرۋ قاتارلى تەحنيكالار قولدانىلىپ، شاعىن قىدىرما جۇلدىزدىڭ وربيتاسىنداعى، كەلبەتىندەگى جانە شاشىراعان زاتتارداعى وزگەرىستەردى باقىلاپ، سوعۋ ناتيجەسىن ءدال ساراپتايدى.

كەلۋ قاينارى: حالىق تورابى