شينجياڭدا 2025 – جىلعى ەرەسەكتەرگە ارنالعان جوعارى مەكتەپ ەمتيحانىنا تىزىمدەلۋ 9 – ايدىڭ 10 – كۇنى باستالادى 

تيانشان تورى – شينجياڭ گازەتىنىڭ ءتىلشىسى شىن زۋشياۋ حابارلايدى. 9 – ايدىڭ 7 – كۇنى، ءتىلشىنىڭ شينجياڭ وقۋ – اعارتۋ جانە ەمتيحان مەكەمەسىنەن ۇعىسۋىنشا، شينجياڭدا 2025 – جىلعى ەرەسەكتەرگە ارنالعان جوعارى مەكتەپ ەمتيحانىنا تىزىمدەۋ قىزمەتى 9 – ايدىڭ 10 – كۇنى ساعات 12 دەن 9 – ايدىڭ 17 – كۇنى ساعات 24 كە دەيىن بولادى. سول كەزدە ەمتيحان بەرۋشىلەردىڭ شينجياڭ وقۋ – اعارتۋ جانە ەمتيحان مەكەمەسىنىڭ تورابىنا (www.xjzk.gov.cn) شىعىپ، ينتەرنەت ارقىلى تىزىمدەلۋىنە بولادى.

شينجياڭ ۇيعۇر اۆتونوميالى رايونىندا 2025 – جىلعى ەرەسەكتەرگە ارنالعان جوعارى مەكتەپ ەمتيحانىنا تىزىمدەۋ قىزمەتى ينتەرنەت ارقىلى تىزىمدەۋ، ينتەرنەت ارقىلى تەكسەرۋ، ينتەرنەت ارقىلى اقى تاپسىرۋ قاتارلى 3 كەزەڭگە ءبولىنىپ ورىستەتىلەدى، ەمتيحان بەرۋشىلەر ادەتتە نوپوسى تۇرعان جەردە ەمتيحانعا تىزىمدەلۋى جانە قاتىناسۋى كەرەك، نوپوسى تۇرعان جەردەن سىرت جەردە ەمتيحانعا تىزىمدەلۋى شىنىمەن دە قاجەت بولعان جاعدايدا، پرينسيپتىك جاقتان ايتقاندا، قىزمەت ىستەپ جاتقان نەمەسە قونىستانعان جەردە ەمتيحانعا تىزىمدەلۋى قاجەت. نوپوسى تۇرعان جەردەن سىرت جەردە ەمتيحان بەرۋشىلەر ءوزىنىڭ كۇشكە يە مەرزىمدەگى قونىستانۋ كۋالىگى نەمەسە قوعامدىق قامتاماسىزداندىرۋ كۋالىگى قاتارلى ماتەريالداردى كورسەتىپ، سول جەردە ەمتيحانعا قاتىناسۋىنا بولادى.

بيىلعى ەرەسەكتەرگە ارنالعان جوعارى مەكتەپ ەمتيحانى 10 – ايدىڭ 18 – كۇنىنەن 19 – كۇنىنە دەيىن الىنادى، 10 – ايدىڭ 10 – كۇنى ساعات 12 دەن باستاپ، ەمتيحانعا قاتىناسۋ تولىمدىلىعىنان ءوتىپ اقى تاپسىرعان ەمتيحان بەرۋشىلەر شينجياڭ وقۋ – اعارتۋ جانە ەمتيحان مەكەمەسىنىڭ تورابىنان ەمتيحانعا قاتىناسۋ كۋالىگىن ءوزى ءتۇسىرىپ باسىپ شىعارىپ الۋىنا بولادى. شينجياڭدا 2025 – جىلعى ەرەسەكتەرگە ارنالعان جوعارى مەكتەپ ەمتيحانىندا شينجياڭ بويىنشا جيىنى 16 ەمتيحان رايونى ورنالاستىرىلادى، ەمتيحان بەرۋشىلەر ەمتيحان بەرۋ رايونىن تاڭداپ تۇراقتاندىرعان سوڭ، ونى وزگەرتۋگە بولمايدى، ەمتيحان رايونىن قاتە تاڭداپ الۋ سەبەپتى ەمتيحانعا قاتىناسا الماعاندار جاۋاپكەرشىلىكتى وزدەرى ارقالايدى.

كەلۋ قاينارى: حالىق تورابى