بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.09.08 16:44 كەلۋ قاينارى : شينجياڭ گازەتى
شينحۋا اگەنتتىگىنىڭ 9 ـ ايدىڭ 5 ـ كۇنى بەيجيڭنەن بەرگەن حابارى. 9 ـ ايدىڭ 5 ـ كۇنى مەملەكەت ءتوراعاسى شي جينپيڭ 2025 ـ جىلعى دۇنيە جۇزىلىك زەردەلى كاسىپ سالاسى كورمەسىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: كەزەكتە جاساندى زەردە تەحنولوگياسى جىلدام جاڭالانىپ، بىرتىندەي كەمەلدەنىپ، ادامزاتتىڭ ءوندىرىس، تۇرمىس ءتاسىلىن تەرەڭ وزگەرتىپ، الەمدىك كاسىپ سالاسى جۇلگەسىن قايتا سومداۋدا. جۇڭگو جاساندى زەردەنى دامىتۋعا جانە باسقارۋعا ايرىقشا ءمان بەرىپ، جاساندى زەردە عىلىم ـ تەحنولوگياسىندا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن بەلسەنە ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىنا قۋات ۇستەپ، حالىق بۇقاراسىنىڭ تۇرمىس ساپاسىن جوعارىلاتۋعا دەم بەرىپ كەلەدى.
شي جينپيڭ بىلاي دەپ باسا دارىپتەدى: جاساندى زەردە بۇكىل ادامزاتتى باقىتقا كەنەلتەتىن حالىقارالىق الەۋمەتتىك ءونىم بولۋى كەرەك. جۇڭگو دۇنيە جۇزىندەگى ءار ەلمەن جاساندى زەردە سالاسىنداعى حالىقارالىق سەلبەستىكتى كەڭىنەن ورىستەتىپ، دامۋ ستراتەگياسى، باسقارۋ ەرەجەسى، تەحنولوگيالىق ولشەم سياقتى جاقتارداعى ءتۇيىلىسۋدى ـ سايكەسۋدى كۇشەيتىپ، زەردەلى كاسىپ سالاسىنىڭ اقاۋسىز، قارىشتاپ دامۋىن جەبەپ، زەردەلىلەنۋ جەتىستىكتەرىنەن ءار ەل حالقىنىڭ اناعۇرلىم ويداعىداي يگىلىكتەنۋىنە مۇمكىندىك جاساۋدى قالايدى.
2025 ـ جىلعى دۇنيە جۇزىلىك زەردەلى كاسىپ سالاسى كورمەسى سول كۇنى چۇڭچيڭ قالاسىندا باستالدى، نەگىزگى تاقىرىبى — ”جاساندى زەردە +“ جانە ”ينتەرنەتكە جالعانعان زەردەلى جاڭا ەنەرگيالى اۆتوكولىك“، مۇنى چۇڭچيڭ قالالىق حالىق ۇكىمەتى مەن تيانجين قالالىق حالىق ۇكىمەتى بىرگە ۇيىمداستىردى.
