بازاردى باقىلاۋ – باسقارۋ باس مەڭگەرمەسى ۇيگە تاماق جەتكىزىپ بەرۋمەن شۇعىلداناتىن باستى تەكشەلەردىڭ جاۋاپتىلارىن شاقىرىپ سويلەستى 

ءتىلشىنىڭ 9 – ايدىڭ 9 كۇنى بازاردى باقىلاۋ – باسقارۋ باس مەڭگەرمەسى اشقان كەزەكتى تىلشىلەردى قابىلداۋ ماجىلىسىنەن ۇعىسۋىنشا، جۋىردان بەرى ۇيگە تاماق جەتكىزۋشى تەكشەلەردىڭ قوسىمشا قاراجات بەرۋىنە بايلانىستى تۋىنداعان داۋ – شارعا باعىتتاي وتىرىپ، بازاردى باقىلاۋ – باسقارۋ باس مەڭگەرمەسىنىڭ مالىمدەمەشىسى ۋاڭ چيۋپيڭنىڭ تانىستىرۋىنشا، بازاردى باقىلاۋ – باسقارۋ باس مەڭگەرمەسى ۇيگە تاماق جەتكىزىپ بەرۋمەن شۇعىلداناتىن باستى تەكشەلەردىڭ جاۋاپتىلارىن دەر كەزىندە شاقىرىپ سويلەسكەن، قاتىستى تەكشەلەر دەرەۋ ىسكە كىرىسىپ، توپتىق ءۇن قاتىپ، زاڭ – ەرەجەگە قاتاڭ بويسۇنۋعا، ۇيلەسىمسىز باسەكەدەن ارىلۋعا، ءتيىمسىز قوسىمشا قاراجات بەرۋدى تەجەۋگە، كاسىپ سالاسىنىڭ جۇيەلى دە ءتارتىپتى دامۋىن ىلگەرىلەتۋگە ۋادە بەرگەن.

كەلەسى قادامدا، بازاردى باقىلاۋ – باسقارۋ باس مەڭگەرمەسى ۇيگە تاماق جەتكىزىپ بەرۋمەن شۇعىلداناتىن تەكشەلەردىڭ اراسىنداعى باسەكەگە ءجىتى نازار اۋدارىپ، قىزمەت وتەۋ ساپاسىن جوعارىلاتۋدى، ازىق – تۇلىك حاۋىپسىزدىگىنىڭ تومەنگى شەگىن بەرىك ساقتاۋدى، تۇتىنۋشىلاردىڭ جاقسى اسەر الۋىنا كەپىلدىك ەتۋدى تالاپ ەتەدى؛ تەكشەلەردى قوسىمشا قاراجات بەرۋدى ۇيلەسىمدى تەجەۋگە، قالىپتى باعا جۇيەسىنە سوققى بەرۋدەن ساقتانۋعا قۋزايدى؛ تەكشەلەردىڭ دۇكەندەردى سۇيەمەلدەۋ تەبىنىن ارتتىرىپ، تاماق جەتكىزۋشىلەردىڭ ۇقىق – مۇددەسىن قامتاماسىزداندىرۋدى جوعارىلاتۋىن، تۇتىنۋشى، ساۋدا دۇكەنى، تاماق جەتكىزۋشى، تەكشە سىندى كوپ جاق تەڭ يگىلىككە كەنەلەتىن ۇتىمدى ەكولوگيانى قالىپتاستىرۋىن ىلگەرىلەتەدى. (باس ستانسيا ورتالىق تەلەۆيزيا ءتىلشىسى لي جيڭجيڭ)

كەلۋ قاينارى: حالىق تورابى