ساياسي كەڭەس مەملەكەتتىك 13 - كەزەكتى كوميتەتى ەكونوميكا كوميتەتىنىڭ ورىنباسار مەڭگەرۋشىسى جاڭ شياۋليانعا الەۋمەتتىك ايىپتاۋ ءتۇستى

جۇڭگو اقپارات اگەنتتىگىنىڭ 9 – ايدىڭ 9 - كۇنى بەيجيڭنەن بەرگەن حابارى. جۇڭگو ۇكىمەتى 9 – ايدىڭ 9 – كۇنى مەملەكەتتىك 13 ـ كەزەكتى ساياسي كەڭەس ەكونوميكا كوميتەتىنىڭ ورىنباسار مەڭگەرۋشىسى جاڭ شياۋلياننىڭ پارا الۋ دەلوسىنىڭ اياق الىسىن حابارلاندىردى. ەڭ جوعارى حالىق پروكۋراتۋراسىنىڭ زاڭ بويىنشا بەلگىلەۋى ارقىلى حىبەي ولكەسى شىجياجۋاڭ قالالىق حالىق پروكۋراتۋراسى تاياۋدا شىجياجۋاڭ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاۋ ءتۇسىردى.

پروكۋراتۋرا ورگانى ايىپتاۋدا بىلاي دەدى: ايىپكەر جاڭ شياۋليان حيلۇڭجياڭ ولكەسى حاربين قالالىق پارتكومنىڭ ورىنباسار شۋجيى، قالا باستىعى، حيلۇڭجياڭ ولكەلىك پارتكومنىڭ تۇراقتى مۇشەسى، ۇگىت ءبولىمىنىڭ باستىعى، مەملەكەتتىك 13 - كەزەكتى ساياسي كەڭەس اۋىل شارۋاشىلىعى جانە اۋىل - قىستاق كوميتەتىنىڭ ورىنباسار مەڭگەرۋشىسى، مەملەكەتتىك 13 - كەزەكتى ساياسي كەڭەس ەكونوميكا كوميتەتىنىڭ ورىنباسار مەڭگەرۋشىسى قاتارلى قىزمەت قولايلىلىعىنان، سونداي - اق قىزمەت ۇقىعىنان نەمەسە ورنىنان قالىپتاسقان قولايلى شارت - جاعدايدان پايدالانىپ، باسقالارعا پايدا جەتكىزگەن، باسقالاردىڭ مال - مۇلكىن زاڭسىز قابىلداعان، سوماسى ەرەكشە كوپ، زاڭ بويىنشا پارا الۋ قىلمىسى بويىنشا قىلمىستىق ىستەر جاۋاپكەرشىلىگى قۋزاستىرىلادى.

اشىق ماتەريالداردا كورسەتىلۋىنشە، جاڭ شياۋليان 1964 – جىلى 4 – ايدا تۋعان، شاندۇڭ ولكەسىنىڭ لياڭشان اۋدانىنىڭ ادامى، 2024 – جىلى 10 - ايدا ۇكىمەت جاق ونىڭ تەكسەرىلگەنىن حابارلاندىردى. بيىل 4 - ايدا ۇكىمەت جاق ونىڭ پارتيادان شىعارىلعاندىعىن حابارلاندىردى.

پارتيا ءتارتىبى، اكىمشىلىك جازا جونىندەگى حابارلاندىرۋدا جاڭ شياۋليان ۇكىمەت قۇرالىن جەكە باسىنا پايدالانىپ، قولىنداعى الەۋمەتتىك ۇقىقتى باس پايداسىن كوزدەپ، پايدا تابۋدىڭ قۇرالى ەتىپ، ۇقىق - اقشا ساۋداسىمەن بارىنشا شۇعىلدانىپ، قىزمەت قولايلىلىعىنان پايدالانىپ، باسقالارعا دەلونى ءبىر جاقتى ەتۋ، كاسىپورىن تيجاراتى، قىزمەت ورنالاستىرۋ قاتارلى جاقتاردا پايدا جەتكىزگەن ءارى زاڭسىز تۇردە قوماقتى مال - مۇلىك العان. ول تاعى ”ءمانساپقا بوي ۇرعان، پايدانى كوزدەپ اقىلدان اداسقان، ساياسي الدامكوستەرمەن دوستاسقان“ ”پاكتىكتىڭ سوڭعى شەگىن ساقتاي الماعان“ دەپ كورسەتىلدى.