حالىق اقشاسىنا قاتىستى زور جاڭالىق! 

2025 – جىلى 9 – ايدىڭ 7 – كۇنىنەن 8 – كۇنىنە دەيىن، جۇڭگو حالىق بانكەسىنىڭ باستىعى پان گۇڭشىڭ حالىقارالىق ەسەپ اداقتاۋشى بانكەلەردىڭ باستىقتارىنىڭ كەزەكتى ماجىلىسىنە قاتىناسقان مەزگىلدە، جەكە – جەكە ەۆروپا ورتالىق بانكەسىنىڭ باستىعى لاگاردپەن، شۆەتساريا مەملەكەتتىك بانكەسىنىڭ باستىعى سچەلەگەلمەن جانە ۆەنگريا مەملەكەتتىك بانكەسىنىڭ باستىعى ۆارگامەن ەكى جاقتىڭ ءوز ۆاليۋتالارىن ءوزارا اۋىستىرۋ تۋرالى كەلىسىمگە قول قويعان ءارى حالىقارالىق ەكونوميكا – فينانس جاعدايى مەن ەكى جاقتى فينانستىق سەلبەستىك قاتارلى تاقىرىپتاردا پىكىر الماستىرعان.

جۇڭگو مەن ەۆروپا ەكى جاقتىڭ ءوز ۆاليۋتالارىن ءوزارا اۋىستىرۋ كولەمى 350 ميلليارد يۋان حالىق اقشاسى \ 45 ميلليارد ەۆرو، كەلىسىمشارتتىڭ كۇشكە يە مەرزىمى ءۇش جىل. جۇڭگو مەن شۆەتساريا ەكى جاقتىڭ ءوز ۆاليۋتالار ءوزارا اۋىستىرۋ كولەمى 150 ميلليارد يۋان \ 17 ميلليارد شۆەتساريا فرانكى، كەلىسىمشارتتىڭ كۇشكە يە مەرزىمى بەس جىل. جۇڭگو مەن ۆەنگريا ەكى جاقتىڭ ءوز ۆاليۋتالارىن ءوزارا اۋىستىرۋ كولەمى 40 ميلليارد يۋان \ ءبىر تريلليون 900 ميلليارد ۆەنگريا فورينتى، كەلىسىمشارتتىڭ كۇشكە يە مەرزىمى بەس جىل.

جوعارىداعى ەكى جاقتىڭ ءوز ۆاليۋتارلارىن ءوزارا اۋىستىرۋعا قاتىستى كەلىسىمشارتتى جالعاستىرۋعا قول قويۋى ەكى جاقتى ۆليۋتالىق فينانس سەلبەستىگىن اناعۇرلىم ىشكەرىلەي ورىستەتۋگە، جۇڭگو مەن قاتىستى ەكونوميكالىق تۇلعالاردىڭ ەكى جاقتى ساۋدا جانە قارجىلاندىرۋ ىستەرىن قولايلىلاندىرۋعا، فينانس بازارىنىڭ ورنىقتىلىعىن قورعاۋعا ءتيىمدى.

كەلۋ قاينارى: حالىق تورابى