ءبىلىم بەرىپ، ادام تاربيەلەۋ قابىلەتىن ۇزدىكسىز جوعارىلاتىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن قۇلشىنا باۋلۋعا شابىتتاندىردى

جاۋاپ حات

مەملەكەتتىك ەرەكشە قىزمەت ورنىنداعى وقىتۋشىلاردىڭ ۋاكىلدەرى:

حاتتارىڭىزدى تاپسىرىپ الدىم. ”ەرەكشە قىزمەت ورنى جوسپارى“ اتقارىلعان 20 جىلدان بەرى قالىڭ ەرەكشە قىزمەت ورنىنداعى وقىتۋشىلار اۋىل - قىستاق وقۋ - اعارتۋ ىستەرىنە بەلسەنە ات سالىسىپ، ساباق مىنبەسىنە تامىر تارتىپ، دەن قويا ەڭبەكتەنىپ، ءۇن - ءتۇنسىز ۇلەس قوسىپ، حالىق وقىتۋشىلارىنىڭ سۇيىسپەنشىلىگى مەن جاۋاپكەرشىلىگىن ايگىلەدى.

وقۋ - اعارتۋ ۇلى جوسپارى وقىتۋشىلاردى نەگىز ەتەدى. سىزدەردىڭ ۇزدىكسىز وقۋ - اعارتۋدىڭ اۋەلگى ماقساتىنان جازباي، ءبىلىم بەرىپ، ادام تاربيەلەۋ قابىلەتىن تىنباي جوعارىلاتىپ، بالالاردىڭ اقاۋسىز ەسەيىپ - ەرجەتۋىندە دەن قويا، سۇيىسپەنشىلىكپەن ايالاۋشى بولىپ، جەتەكشىلىك ەتىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن اناعۇرلىم كوپ سوتسياليزمنىڭ قۇرىلىسشىلارى مەن ءىزباسارلارىن قۇلشىنا جەتىلدىرىپ، اۋىل - قىستاقتى گۇلدەندىرۋدى ىلگەرىلەتۋگە، وقۋ - اعارتۋدا قۋاتتى ەل قۇرۋعا تىڭ ۇلەس قوسۋلارىڭىزدى ءۇمىت ەتەمىن.

وقىتۋشىلار مەرەكەسى تاياپ قالدى، بۇكىل ەلدەگى قالىڭ وقىتۋشىلار مەن وقۋ - اعارتۋ قىزمەتكەرلەرىن مەرەكەلەرىمەن قۇتتىقتايمىن جانە ىقىلاستى سالەم جولدايمىن!

شي جينپيڭ

2025 - جىلى 9 - ايدىڭ 8 - كۇنى

(شينحۋا اگەنتتىگى، 9 - ايدىڭ 9 - كۇنى، بەيجيڭ)

شينحۋا اگەنتتىگى، 9 - ايدىڭ 9 - كۇنى، بەيجيڭ. 41 - رەتكى وقىتۋشىلار مەرەكەسى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بۇكىل ەلدەگى ەرەكشە قىزمەت ورنىنداعى وقىتۋشىلاردىڭ ۋاكىلدەرىنە جاۋاپ حات جازىپ، شىنايى ءۇمىت ارتتى ءارى بۇكىل ەلدەگى قالىڭ وقىتۋشىلار مەن وقۋ - اعارتۋ قىزمەتكەرلەرىن مەرەكەلەرىمەن قۇتتىقتادى جانە ىقىلاستى سالەم جولدادى.

شي جينپيڭ جاۋاپ حاتىندا بىلاي دەدى: ”ەرەكشە قىزمەت ورنى جوسپارى“ اتقارىلعان 20 جىلدان بەرى قالىڭ ەرەكشە قىزمەت ورنىنداعى وقىتۋشىلار اۋىل - قىستاق وقۋ - اعارتۋ ىستەرىنە بەلسەنە ات سالىسىپ، ساباق مىنبەسىنە تامىر تارتىپ، دەن قويا ەڭبەكتەنىپ، ءۇن - ءتۇنسىز ۇلەس قوسىپ، حالىق وقىتۋشىلارىنىڭ سۇيىسپەنشىلىگى مەن جاۋاپكەرشىلىگىن ايگىلەدى.

شي جينپيڭ بىلاي دەپ باسا دارىپتەدى: وقۋ - اعارتۋ ۇلى جوسپارى وقىتۋشىلاردى نەگىز ەتەدى. سىزدەردىڭ ۇزدىكسىز وقۋ - اعارتۋدىڭ اۋەلگى ماقساتىنان جازباي، ءبىلىم بەرىپ، ادام تاربيەلەۋ قابىلەتىن تىنباي جوعارىلاتىپ، بالالاردىڭ اقاۋسىز ەسەيىپ - ەرجەتۋىندە دەن قويا، سۇيىسپەنشىلىكپەن ايالاۋشى بولىپ، جەتەكشىلىك ەتىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن اناعۇرلىم كوپ سوتسياليزمنىڭ قۇرىلىسشىلارى مەن ءىزباسارلارىن قۇلشىنا جەتىلدىرىپ، اۋىل - قىستاقتى گۇلدەندىرۋدى ىلگەرىلەتۋگە، وقۋ - اعارتۋدا قۋاتتى ەل قۇرۋعا تىڭ ۇلەس قوسۋلارىڭىزدى ءۇمىت ەتەمىن (جاۋاپ حاتتىڭ تولىق مازمۇنى بولەك جاريالاندى).

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ ەرەكشە قىزمەت ورنىنداعى وقىتۋشىلار قىزمەتىن ويداعىداي ىستەۋ جونىندە بەكىتۋ جازىپ بىلاي دەپ اتاپ كورسەتتى: باس شۋجي شي جينپيڭنىڭ بۇكىل ەلدەگى ەرەكشە قىزمەت ورنىنداعى وقىتۋشىلار ۋاكىلدەرىنە جاۋاپ حات جازۋى پارتيا ورتالىق كوميتەتىنىڭ وقىتۋشىلار قوسىنىنا كوڭىل بولەتىندىگىن جانە ءمان بەرەتىندىگىن تولىق ايگىلەدى. قالىڭ وقىتۋشىلار مەن وقۋ - اعارتۋ قىزمەتكەرلەرى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، اعارتۋشىلار رۋحىن بارىنشا ساۋلەلەندىرىپ، ءمورال ارقىلى ادام تاربيەلەۋ ءتۇبىرلى مىندەتىن جاپپاي تياناقتاندىرىپ، وتان مەن حالىق ەڭ قاجەت ەتكەن جەرلەرگە بارىپ ءبىلىم ءنارىن قۇيىپ، ءبىلىم بەرىپ، ادام تاربيەلەپ، وقۋ - اعارتۋدا قۋاتتى ەل قۇرۋعا اناعۇرلىم زور ۇلەس قوسۋى كەرەك.

اۋىل - قىستاق مىندەتتى وقۋ - اعارتۋ ساتىسىنداعى مەكتەپ وقىتۋشىلارىنىڭ ەرەكشە قىزمەت ورنى جوسپارى (قىسقاشا ”ەرەكشە قىزمەت ورنى جوسپارى“ دەلىنەدى) ورتالىق قازىنانىڭ ارناۋلى قارجى شىعارۋىمەن ورنالاستىرىلعان، جوعارى مەكتەپ بىتىرگەن وقۋشىلاردى ورتا، باتىس بولەكتەگى اۋىل - قىستاق مەكتەپتەرىنە ۇسىنىس ەتۋگە ارناۋلى پايدالانىلادى. ”ەرەكشە قىزمەت ورنى جوسپارى“ 2006 - جىلى اتقارىلعاننان بەرى جيىنى ءبىر ميلليون 180 مىڭ ەرەكشە قىزمەت ورنى وقىتۋشىسى تاڭداپ ۇسىنىس ەتىلىپ، 22 ولكە، مىڭنان استام اۋدانداعى 30 مىڭنان استام اۋىل - قىستاق مەكتەبىن قامتىدى. جۋىقتا مەملەكەتتىك ”ەڭ تاڭداۋلى وقىتۋشى“ سياقتى داڭقتارعا يە بولعان، بۇكىل ەلدەگى ەرەكشە قىزمەت ورنىنداعى وقىتۋشىلاردىڭ 8 ۋاكىلى باس شۋجي شي جينپيڭگە حات جازىپ، اۋىل - قىستاق وقۋ - اعارتۋىنىڭ ءبىرىنشى شەبىندە قىزمەت ىستەۋ جاعدايى مەن اسەرىنەن مالىمەت بەرىپ، اۋەلگى ماقساتتى، بورىشتى ەستە بەرىك ساقتاپ، اۋىل - قىستاققا تامىر تارتىپ، ءبىلىم بەرىپ، ادام تاربيەلەۋ بەكىمىن بىلدىرگەن بولاتىن.

كەلۋ قاينارى: حالىق تورابى