ءتورت ولكە، اۆتونوميالى رايوندى باسىپ وتەدى! ەلىمىزدە ”ازياداعى ليتيلى بەلدەۋ“ بايقالدى، ۇزىندىعى 2800 كيلومەترگە جەتەدى 

مەملەكەتتىك كەڭەس اقپارات كەڭسەسى 9 – ايدىڭ 10 – كۇنى ”’14 – بەسجىلدىق‘ جوبانى جوعارى ساپالى ورىنداۋ“ اتىنداعى جەلىلەس نەگىزگى تاقىرىپتىق اقپار جاريالاۋ ءماجىلىسىن اشىپ، ”14 – بەسجىلدىق“ مەزگىلىندەگى جاراتىلىستىق بايلىق سالاسىنداعى قىزمەتتەردى جوعارى ساپالى دامىتۋ جاعىنداعى جەتىستىكتەردى تانىستىرعان.

تانىستىرۋعا قاراعاندا، ەلىمىز ستراتەگيالىق جاڭا گۇلدەنگەن كاسىپ سالاسىندىق كەن بايلىعىن ىزدەۋ جاعىندا زور جەتىستىككە قول جەتكىزىپ، دۇنيە ءجۇزى بويىنشا ماڭداي الدى بايلىق قاينارىمەن قامداۋ جۇيەسىن قالىپتاستىرعان.

ليتي كەنى جاڭا ەنەرگيالى اۆتوموبيل وندىرىسىنە قاجەتتى وزەكتى بايلىق قاينارى، ەلىمىزدە جاڭادان بايقالعان ”ازياداعى ليتيلى بەلدەۋ“ شىعىستان باتىسقا قاراي سىچۋان، چيڭحاي، شيزاڭ، شينجياڭ سىندى ءتورت ولكە، اۆتونوميالى رايوندى باسىپ ءوتىپ، ۇزىندىعى 2800 كيلومەترگە جەتەدى، وسى ءبىر ماڭىزدى سيرەك كەزدەسەتىن مەتالدىڭ مينەرالدانعان بەلدەۋىنەن ءىرى تيپتەگى جانە اسا ءىرى تيپتەگى ليتي كەندەرى تابىلعان. سونىمەن بىرگە، ءبىز تاعى شەشۋشى تەحنيكالار جاعىندا ناتيجەگە قول جەتكىزىپ، كاليلى تۇزدى سۋدان ليتي بايلىق قاينارىن الۋدى، تومەن ساپالى ليتي شىرىمتالىنان ليتي بايلىق قاينارىن الۋدى ىسكە اسىردىق.

گەلي گازى سۋىتقىش، قورعاۋشى گاز رەتىندە، يادرولىق ماگنيتتىك رەزونانس، جارتىلاي وتكىزگىش جانە اۆياتسيا قاتارلى سالالاردا كەڭىنەن قولدانىلادى، ەلىمىز بۇرىن باستىسى يمپورت ەتۋگە سۇيەنەتىن، قازىر تەحنيكادان قامال الۋ ارقىلى تابيعي گازدەن گەلي گازىن الۋ تەحنيكالىق جۇيەسىن قالىپتاستىرىپ، ەلىمىز گەلي گازىن جوقتان بارلىققا كەلتىرۋ سىندى كەلەلى تابىستى ىسكە اسىرىپ، ەل ىشىندەگى ءوندىرىس قۋاتى وزەكتى قاجەتسىنۋدى قاناعاتتاندىرا الاتىن بولدى.

كەلۋ قاينارى: حالىق تورابى