8 - ايدا بۇكىل ەل بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعان 26 مىڭ 838 ماسەلە تەكسەرىپ ءبىر جاقتى ەتىلدى

«حالىق گازەتى»، 9 - ايدىڭ 25 - كۇنى، بەيجيڭ. ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى تورابى 9 - ايدىڭ 25 - كۇنى بۇكىل ەل بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساۋ ماسەلەسىن تەكسەرىپ ءبىر جاقتى ەتۋ جاعدايىنىڭ ايلىق مالىمەتىن جاريالادى. حابارلاندىرۋدا كورسەتىلۋىنشە، بيىل 8 - ايدا بۇكىل ەل بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعان 26 مىڭ 838 ماسەلە تەكسەرىپ ءبىر جاقتى ەتىلگەن، 34 مىڭ 480 ادامعا سىن ايتىلىپ، تاربيە بەرىلگەن جانە ءبىر جاقتى ەتىلگەن (ولكە، مينيسترلىك دارەجەلى 4 كادر، ايماق، مەڭگەرمە دارەجەلى 110 كادر قامتىلادى)، 23 مىڭ 547 ادامعا پارتيا ءتارتىبى، اكىمشىلىك ءتارتىپ جازاسى بەرىلگەن.

حابارلاندىرۋعا نەگىزدەلگەندە، بيىل 8 - ايدا بۇكىل ەل بويىنشا 13 مىڭ 30 فورماشىلدىق، تورەشىلدىك ماسەلەسى تەكسەرىپ ءبىر جاقتى ەتىلگەن، 17 مىڭ 156 ادامعا سىن ايتىپ، تاربيە بەرىلگەن جانە ءبىر جاقتى ەتىلگەن. مۇنىڭ ىشىندە ”مىندەت اتقارىپ، جاۋاپكەرشىلىكتى ادا ەتۋ، ەكونوميكالىق، قوعامدىق دامۋعا جانە ەكولوگيالىق ورتانى قورعاۋعا قىزمەت وتەۋ جاعىندا جاۋاپكەرشىلىك ارقالاماۋ، ءىس تىندىرماۋ، بەتالدى ىستەۋ، جالعان ءىس ىستەۋ، جوعارى ساپالى دامۋعا اۋىر ىقپال جەتكىزۋ“ جاعىنداعى ماسەلەلەر ەڭ كوپ بولىپ، 10 مىڭ 878 ماسەلە تەكسەرىپ ءبىر جاقتى ەتىلگەن، 14 مىڭ 397 ادامعا سىن ايتىپ، تاربيە بەرىلگەن جانە ءبىر جاقتى ەتىلگەن.

حابارلاندىرۋعا نەگىزدەلگەندە، بيىل 8 - ايدا بۇكىل ەل بويىنشا راحاتقۇمارلىققا، استا - توك ىسىراپشىلدىققا سالىنۋ ماسەلەسىنەن جيىنى 13 مىڭ 808 ماسەلە تەكسەرىلىپ ءبىر جاقتى ەتىلىپ، 17 مىڭ 324 ادامعا سىن ايتىلىپ، تاربيە بەرىلگەن جانە ءبىر جاقتى ەتىلگەن. مۇنىڭ ىشىندە بەلگىلەمەگە قايشى تۇردە ايگىلى، باعالى، ەرەكشە ونىمدەردى، تارتۋ - تارالعىنى، اقشانى قابىلداۋ، ۇسىنۋداعى 7 مىڭ 377 ماسەلە، بەلگىلەمەگە قايشى تۇردە قوسىمشا قاراجات نەمەسە يگىلىك قاراجات تاراتۋداعى ءبىر مىڭ 654 ماسەلە، بەلگىلەمەگە قايشى ءىشىپ - جەۋدەگى 3 مىڭ 213 ماسەلە تەكسەرىپ ءبىر جاقتى ەتىلگەن.