مەملەكەتتىك كەڭەستىڭ اقپارات كەڭسەسى «جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ تابىستى امالياتى» اق تىستى كىتابىن جاريالادى

شينحۋا اگەنتتىگىنىڭ 9 ـ ايدىڭ 19 ـ كۇنى بەيجيڭنەن بەرگەن حابارى. مەملەكەتتىك كەڭەستىڭ اقپارات كەڭسەسى 9 ـ ايدىڭ 19 ـ كۇنى «جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ تابىستى امالياتى» اق تىستى كىتابىن جاريالادى.

اق تىستى كىتاپ العى ءسوز، سوڭعى سوزدەن سىرت 10 بولىككە بولىنگەن، ولار جەكە ـ جەكە: تاريحتاعى ورتالىق اكىمياتتاردىڭ شينجياڭدى باسقارۋ ۇستانىمدارى، تاجىريبەلەرى، جۇڭگو كوممۋنيستىك پارتياسىنىڭ شينجياڭدى باسقارۋ شۇعىلالى تاريحي بارىسى، جاڭا داۋىردەگى پارتيانىڭ شينجياڭدى باسقارۋ جالپى جوباسى شينجياڭدى باسقارۋدىڭ جاڭا جاعدايىن اشتى، قوعام ورنىقتىلىعى مەن باياندى تىنىشتىقتىڭ نەگىزى اناعۇرلىم بەكەمدەلدى، جۇڭحۋا ۇلتى ورتاق تۇلعا قۇرىلىسى ىشكەرىلەي ىلگەرىلەتىلدى، دەموكراتيالىق زاڭمەن باسقارۋ قۇرىلىسى ۇزدىكسىز تەرەڭدەدى، جوعارى ساپالى دامۋ مەن جوعارى دەڭگەيدە ەسىك اشۋ سايكەستى بىرگە ىلگەرىلەتىلدى، مادەنيەت دامۋىنىڭ تابىسى كورنەكتى بولدى، حالىق تۇرمىسى قۇت ـ ىرىسى ۇزدىكسىز ارتتى، شينجياڭدى گۇلدەندىرۋدىڭ قۇدىرەتتى بىرىككەن كۇشى ۇزدىكسىز توپتالدى.

اق تىستى كىتاپتا مىنالار باسا دارىپتەلدى: جاڭا داۋىرگە قادام تاستاعاندا شي جينپيڭ جولداستى ۇيىتقى ەتكەن پارتيا ورتالىق كوميتەتى شينجياڭ قىزمەتىن مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ جالپى جاعدايى تۇرعىسىنان جانە ستراتەگيالىق بيىكتەن قاداعالاپ، جوسپارلاپ، ورنالاستىرىپ، شينجياڭدى باسقارۋ زاڭدىلىعى جونىندەگى تانىمدى جانە ونى يگەرۋدى ۇزدىكسىز تەرەڭدەتىپ، قوعام ورنىقتىلىعى مەن باياندى تىنىشتىق باس نىساناسىن ايقىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تۇراقتاندىرىپ، شينجياڭ قىزمەتىنىڭ قىم ـ قۋىت، كۇردەلى بارىستا تۋراشىلدىقتان اينىماي جاڭالىق اشۋىنا، قايشىلىق، حاۋىپ ـ قاتەر ىشىندە جەڭىسپەن العا باسۋىنا جەتەكشىلىك ەتىپ، شينجياڭنىڭ ءتۇرلى ىستەرىندە تاريحي سيپاتتى تابىستارعا قول جەتكىزۋدى، تاريحي سيپاتتى وزگەرىستەر تۋىلۋدى ىلگەرىلەتتى.

اق تىستى كىتاپتا مىنالار اتاپ كورسەتىلدى: جاڭا داۋىردەگى پارتيانىڭ شينجياڭدى باسقارۋ جالپى جوباسى شەكارا ءوڭىردى باسقارۋ جۇيەسى مەن باسقارۋ قابىلەتىن وسىزامانداندىرۋدا تاريحي سيپاتتى سەكىرۋدى جۇزەگە اسىرۋعا جەتەكشىلىك ەتىپ، شەكارا وڭىردە دامۋ مەن حاۋىپسىزدىكتى ءبىر تۇتاس جوسپارلاپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋدىڭ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ دۇرىس جولىن تاپتى.

اق تىستى كىتاپتا مىنالار باسا دارىپتەلدى: بيىل — شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى. بولاشاققا كوز جىبەرسەك، تيانشان الابىنداعى ايبىندى اماليات بارىسىندا، جۇڭگو ۇلگىسىندەگى وسىزامانداندىرۋدىڭ ۇلى جورىعىندا جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ ۇلى كۇشىن ۇزدىكسىز ايگىلەيتىندىگى ءارى توقتاۋسىز بايىپ، داميتىندىعى داۋسىز. جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ جەتەكشىلىگىندە، جۇڭگو شينجياڭىنىڭ دامۋ جولى، ءسوز جوق، جۇرگەن سايىن كەڭەيەدى، جۇڭگو شينجياڭىنىڭ ەرتەڭى، ءسوز جوق، ءتىپتى دە شۇعىلالى، تاماشا بولادى.

انار بۇلت \ شينجياڭ گازەتىنىڭ ءتىلشىسى لي ياڭ 9 ـ ايدىڭ 19 ـ كۇنى بەيجيڭنەن حابارلايدى. 9 ـ ايدىڭ 19 ـ كۇنى مەملەكەتتىك كەڭەستىڭ اقپارات كەڭسەسى بەيجيڭدە اقپار جاريالاۋ ءماجىلىسىن وتكىزىپ، «جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ تابىستى امالياتى» اق تىستى كىتابىن جاريالادى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز شينجياڭنىڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ءدال، جاپپاي دايەكتىلەندىرۋىنە قاتىستى جاعدايلاردى تانىستىردى ءارى مەديا تىلشىلەرىنىڭ سۇراۋىنا جاۋاپ قايتاردى.

ورتالىق كوميتەت ۇگىت ءبولىمىنىڭ ورىنباسار باستىعى ۋاڭ گاڭ اق تىستى كىتاپقا قاتىستى جاعدايلاردى تانىستىردى، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋاڭ جيانشين قاتىناستى.

ەركىن تۇنياز بىلاي دەپ اتاپ كورسەتتى: بيىل — شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى. 70 جىلدان بەرى، شينجياڭنىڭ ەكونوميكاسى مەن قوعامىندا وراسان زور وزگەرىستەر تۋىلدى. اسىرەسە، پارتيا 18 ـ قۇرىلتايىنان بەرى، شي جينپيڭ جولداستى ۇيىتقى ەتكەن پارتيا ورتالىق كوميتەتى شينجياڭ قىزمەتىنە ايرىقشا ءمان بەرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تۇراقتاندىردى. بۇل عىلمي جالپى جوبا — شينجياڭ قىزمەتىنىڭ قىم ـ قۋىت، كۇردەلى بارىستا تۋراشىلدىقتان اينىماي جاڭالىق اشۋىنداعى، قايشىلىق، حاۋىپ ـ قاتەر ىشىندە جەڭىسپەن العا باسۋىنداعى قۇدىرەتتى يدەيالىق قارۋ. جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ جەتەكشىلىگىندە، شينجياڭنىڭ ءتۇرلى ىستەرىندە تاريحي سيپاتتى وزگەرىستەر تۋىلىپ، تاريحي سيپاتتى تابىستارعا قول جەتكىزىلىپ، دامۋى ەڭ تاماشا، وزگەرىس ەڭ زور، ءار ۇلت بۇقاراسى ناقتى تيىمدىلىكتەرگە ەڭ كوپ كەنەلگەن تاريحي داۋىرگە قادام تاستادى.

ەركىن تۇنياز بىلاي دەدى: ءبىز شينجياڭدى زاڭمەن باسقارۋدى باستان ـ اياق امالياتتا ايگىلەپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتىپ، قوعامدىق جالپى جاعدايدىڭ ءۇرتىس ورنىقتى بولۋىن جۇزەگە اسىردىق. ءبىز شينجياڭدى ىنتىماقتاسا ورنىقتىرۋدى باستان ـ اياق امالياتتا ايگىلەپ، جۇڭحۋا ۇلتى ورتاق تۇلعا تانىمىن بەكەمدەۋدى ءتۇرلى قىزمەتتىڭ نەگىزگى جەلىسى ەتىپ، پارتيانىڭ ۇلت ساياساتىن جاپپاي دايەكتىلەندىرىپ، ۇلتتاردىڭ ارالاسۋىن، ىشتەسۋىن، توعىسۋىن جاپپاي جەبەپ، مەملەكەتتە ءبىر تۇتاس قولدانىلاتىن ءتىل ـ جازۋدى جاپپاي كەڭەيتىپ، جالپىلاستىرىپ، پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىردىك. ءبىز شينجياڭدى مادەنيەتپەن نارلەندىرۋدى باستان ـ اياق امالياتتا ايگىلەپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن ـ زەردەنى ۇيىسىتىرىپ، رۋحتى سومداۋعا تاباندى بولدىق، ءار ۇلت كادرلارى مەن بۇقاراسىنىڭ ”بەستى شىنايى مويىنداۋى“ ۇزدىكسىز كۇشەيدى. ءبىز حالىقتى بايىتىپ شينجياڭدى گۇلدەندىرۋدى باستان ـ اياق امالياتتا ايگىلەپ، دامۋ جەتىستىكتەرىن جۇرت تىلەگىن ۇيىستىرۋدا، حالىق تۇرمىسىنا تيىمدىلىك جاساۋدا اناعۇرلىم كوپ تياناقتاندىردىق. 2024 ـ جىلى جۇمىستانعانداردىڭ جالپى سانى 2012 ـ جىلداعىدان %11.6 ارتىپ، 13 ميلليون 910 مىڭ ادامعا جەتتى، وڭتۇستىك شينجياڭدى تولىق كۋرس مەكتەپتەرىمەن تولىق قامتۋدى تاريحي سيپاتتى جۇزەگە اسىردىق، ءتۇرلى ەمدەۋ ـ دەنساۋلىق ساقتاۋ قۇرىلىمدارى 19 مىڭنان استى، قالا ـ قالاشىقتار مەن اۋىل ـ قىستاقتارداعى تۇرعىنداردىڭ جان باسىندىق ورتاشا قولداعى كىرىسى جەكە ـ جەكە 43 مىڭ يۋانعا، 19 مىڭ يۋانعا جەتتى. ءبىز شينجياڭدى باياندى كوركەيتۋدى باستان ـ اياق امالياتتا ايگىلەپ، نەگىزگى ساتىنى يگەرۋدى، نەگىز قالاۋدى شينجياڭنىڭ ورنىقتىلىعىن، شينجياڭنىڭ تىنىشتىعىن ساقتاۋدىڭ نەگىزىن بەكەمدەۋ شاراسى ەتىپ، باياندى تىنىشتىق نەگىزىن ۇزدىكسىز نىعايتتىق.

ەركىن تۇنياز مىنالاردى ءبىلدىردى: ءبىز اۆتونوميالى رايون قۇرىلعاندىعىنىڭ 70 جىلدىعىن جاڭا باستاما ەتىپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە بارىنشا تىعىز ىنتىماقتاسىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ءدال، جاپپاي دايەكتىلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ جاڭا تاراۋىن قۇلشىنا ويداعىداي جازامىز!

اقپار جاريالاۋ ماجىلىسىندە ۋاڭ گاڭ، چىن ۋيجۇن، ۋاڭ جيانشين شينجياڭنىڭ ەكونوميكالىق، قوعامدىق دامۋىنا قاتىستى جاعدايلار توڭىرەگىندە تىلشىلەردىڭ سۇراۋىنا جاۋاپ بەردى.