مايتاۋ – كۇشار جوعارى قارقىندى تاس جولىنىڭ العاشقى جوباسى بەكىتۋدەن ءوتتى 

شينجياڭ ۇيعۇر اۆتونوميالى رايوندىق قاتىناس – تاسىمال مەڭگەرمەسىنىڭ ۋيشين تەكشەسىنىڭ ەڭ جاڭا حابارىنا قاراعاندا، جۋىردا كۇيتۇن – مايتاۋ – كۇشار تاس جولى (تومەندە ”مايتاۋ – كۇشار جوعارى قارقىندى تاس جولى“ دەپ اتالادى) قۇرىلىس نىسانىنىڭ العاشقى جوباسى بەكىتۋدەن وتكەن.

حابارعا قاراعاندا، مايتاۋ – كۇشار جوعارى قارقىندى تاس جول نىسانى كۇيتۇننىڭ شىعىسىنان (G30 ليانيۇنگاڭ – قورعاس جوعارى قارقىندى تاس جولى مەن چاڭجياڭ جولىنىڭ ءوزارا توعىسقان جەرىنىڭ شىعىس جاعىنداعى 2 كيلومەتر جەردەن) باستالىپ، ليانيۇنگاڭ – قورعاس جوعارى قارقىندى تاس جولىمەن جالعاسادى، كۇشاردىڭ شىعىسىنا (G3012 تۇرپان – حوتان جوعارى قارقىندى تاس جولىنىڭ كۇشارداعى اقى الۋ پۋنكتىنىڭ شىعىسىنان شامامەن 2.5 كيلومەتر جەردە) بارعاندا اياقتايدى، تۇرپان – حوتان جوعارى قارقىندى تاس جولىمەن جالعاسادى، جالپى ۇزىندىعى 393.693 كيلومەتر، قوس باعىتتا ءتورت اۆتوموبيل جولى بار جوعارى قارقىندى تاس جول ولشەمى بويىنشا جوبالانعان.

بۇل جول سالىنىپ بولعان سوڭ، كۇيتۇن قالاسىنان كۇشار قالاسىنا قاتىناۋعا كەتەتىن ۋاقىت بۇرىنعى 12 ساعاتتان 4 ساعات اينالاسىنا دەيىن قىسقارىپ، تيانشان تاۋىنىڭ جاراتىلىستىق كەدەرگىسى ازايتىلادى. بۇل جولدىڭ سالىنۋى مەملەكەت پەن اۆتونوميالى رايوننىڭ كەلەلى ستراتەگياسىن تياناقتاندىرىپ، وڭتۇستىك شينجياڭ مەن سولتۇستىك شينجياڭنىڭ اۋىس – كۇيىس، بارىس – كەلىس جاساۋىن جەبەپ، ”ءبىر بەلدەۋ، ءبىر جولدى“ جوعارى ساپالى كوركەيتۋدى ىلگەرىلەتىپ، اۆتونوميالى رايوننىڭ ەكونوميكاسى مەن قوعامىنىڭ جوعارى ساپالى دامۋىنا قىزمەت وتەۋدە توتەنشە ماڭىزدى مانگە يە.

كەلۋ قاينارى: حالىق تورابى