مىناداي تەلەفونداردى قابىلداۋدان ساق بولىڭىزدار، بىرەۋدىڭ ميلليون يۋان اقشاسىن جوتكەپ اكەتكەن 

ينتەرنەتتەن پايدالاناتىن الدامكوستەردىڭ قۋلىعىنا قۇرىق بويلامايدى! جۋىردا ”جالعاننان قىزمەتكەردىڭ اتىندا حابارلاسىپ، اۆتوماتتى اقى تولەۋدى جالعاستىرۋ يقۋاتىن كۇشىنەن قالدىرۋعا“ ساياتىن الدامكوستىك ءجيى تۋىلعان. الدامكوستەر ”اۆتوماتتى اقى تولەۋدى جالعاستىرۋ“ دەگەندى جەلەۋ ەتىپ، ەكراندى ورتاقتاسۋ يقۋاتى ارقىلى اقى تولەۋگە قاجەتتى ينفورماتسيالاردى ۇرلاپ العان. قالا تۇرعىنى وسىنداي الدامكوستىكتىڭ شىرعاسىنا ءتۇسىپ، ءبىر رەتتە ميلليون يۋان اقشاسىن ۇرلاتىپ العان! ءبىز مۇنداي الدامكوستىكتەن قالاي ساقتانۋعا بولاتىنىن كورەيىك!

الدامكوستىكتەردىڭ ايلاسىنىڭ ءۇش باسقىشى

1. كىمنىڭ اتىن جامىلۋدى ءدال بىلەدى

ەلەكتروندىق ساۋدا تەكشەسىنىڭ، كەسكىن تەكشەسىنىڭ قىزمەتكەرىمىن دەگەن اتپەن حابارلاسىپ، ءسىزدىڭ سول تەكشەدەگى مۇشەلىك ينفورماتسيالارىڭىزدى ءدال ايتىپ شىعادى.

2. ۇرەي تۋدىرادى

”مۇشەلىك قاراجاتىڭىز الدا اۆتوماتتى تۇردە تارتىلادى“ دەپ وتىرىك ايتىپ، دەرەۋ ءبىر جاقتى ەتپەسەڭىز، مۇشەلىك قاراجات جوعارىلايدى دەپ اسىقتىرادى.

3. ەكراندى ورتاقتاسۋعا شىرعالايدى

”ءبىر جاقتى ەتۋىڭىزگە كومەكتەسەمىن “ دەگەن جەلەۋمەن ەكراندى ورتاقتاسۋدى تالاپ ەتىپ، اقى تولەگەن بارىستى باقىلاپ وتىرىپ، سوزبەن الجاستىرىپ، اقشا جوتكەۋگە شىرعالايدى.

ءۇشتى ىستەمەۋ پرينسيبى بويىنشا ساقتانىڭىز

1. بوتەن نومىردەن كەلگەن تەلەفوندى قابىلداماڭىز

ءوزىن قىزمەتكەرمىن دەپ تانىستىرىپ، اقشا جوتكەۋدى، اۆتوماتتى اقى تولەۋدى جالعاستىرۋ يقۋاتىن كۇشىنەن قالدىرۋدى تالاپ ەتكەندەر بولسا، تەلەفوندى قويا سالىڭىز!

2. بەيمالىم دەتالداردى تۇسىرمەڭىز

سەنىمدى تەكشەلەر سىزگە ءجون سىلتەگەندە ءۇشىنشى جاقتىڭ جالعانىمىنان پايدالانبايدى!

3. ەكراندى ورتاقتاسپاڭىز

”قىزمەتكەرمىن“ دەگەن جەلەۋمەن ەكراندى ورتاقتاسۋىڭىزدى تالاپ ەتۋدىڭ بارلىعى الدامكوستىكتىڭ باستاماسى!

ساقتانۋدىڭ ءتورت باسقىشى

1. كۇماندى قىزمەتكەرلەردەن كەلگەن تەلەفوندى قابىلداساڭىز، رەسمي جاقپەن حابارلاسىپ شىن – جالعانىن راستاڭىز

2. وتباسىڭىزداعىلارعا ”ەكراندى ورتاقتاسۋدان ساقتانۋ“ يقۋاتىن ورناتىپ بەرىڭىز

3. بانكە كارتۋچكاڭىزعا ءبىر كۇندە جوتكەۋگە بولاتىن اقشا سوماسىنىڭ شەگىن بەلگىلەڭىز

4. الدانىپ قالعانىڭىزدى بايقاساڭىز، دەرەۋ ىسپاتتاردى ساقتاپ الىپ، ساقشىعا مالىمدەڭىز

ساقشى جاق مىنانى ەسكەرتەدى

رەسمي تەكشەلەر ”اۆتوماتتى اقى تولەۋدى جالعاستىرۋ“ يقۋاتىن جابۋعا تەلەفون ارقىلى جەتەكشىلىك ەتپەيدى! كۋالاندىرۋ كودى، اقى تولەۋ قۇپيا سيفرى قاتارلىلاردى سۇرامايدى، ”ەكراندى ورتاقتاسۋدى“ تالاپ ەتكەن ”قىزمەتكەرلەردىڭ“ بارلىعى الدامكوستەر!

كەلۋ قاينارى: حالىق تورابى