ەڭ جوعارى سيلىق 3 ميلليون! شينجياڭ ورمان باستىعى ءتۇزىمىنىڭ اۋدان، اۋىلدارعا شابىت بەرۋ تىزىمدىگىن جاريالادى

ءتىلشىنىڭ شينجياڭ ۇيعۇر اۆتونوميالى رايوندىق ورمان شارۋاشىلىعى جانە جايىلىم مەكەمەسىنەن ۇعىسۋىنشا، تاياۋدا شينجياڭ ۇيعۇر اۆتونوميالى رايونىنىڭ 2024 ـ جىلعى ورمان باستىعى ءتۇزىمىنىڭ اۋدان، اۋىلداردى باعالاۋ ناتيجەسى رەسمي جاريالانعان. نيە اۋدانى، ءۇرىمجى اۋدانى، التاي تاۋى مەملەكەت مەنشىگىندەگى ورمان باسقارۋ مەكەمەسى قابا بولىمشە مەكەمەسى شابىتتاندىرىلعان اۋدان (بولىمشە مەكەمە) بولىپ باعالاندى، شايار اۋدانى گەزقۇم اۋىلى، بۇراتالا قالاسى دالتى قالاشىعى، مارالباسى اۋدانى شۇڭقىرشاق اۋىلى شابىتتاندىرىلعان اۋىل بولىپ باعالاندى.

وسى رەتكى باعالاۋ قاتاڭ تۇردە «شينجياڭ ۇيعۇر اۆتونوميالى رايونىنىڭ ورمان باستىعى ءتۇزىمى بويىنشا ىنتالاندىرۋ شارالارىن اتقارۋ ادىسىنە (سىناق رەتىندە اتقارىلادى)» ساي ورىستەتىلىپ، كورسەتۋ، جولداۋ، ماتەريالداردى تەكسەرۋ، جالپىلىق ناقتى ناتيجە، پىكىر الۋ، ينتەرنەتتە جاريالاۋ قاتارلى بۋىندار ارقىلى شينجياڭ ۇيعۇر اۆتونوميالى رايونىنىڭ ءبىرىنشى باس ورمان باستىعى، باس ورمان باستىعى تەكسەرىپ بەكىتەدى. مۇنداعى ماقسات وزاتتاردى شابىتتاندىرۋ ارقىلى ۇلگى كورسەتۋ اسەرىن قالىپتاستىرىپ، بۇكىل شينجياڭنىڭ ورمان، جايىلىم بايلىعىن قورعاۋ جانە دامىتۋ بەلسەندىلىگىن ونان ارى جۇمىلدىرۋ. شينجياڭ ۇيعۇر اۆتونوميالى رايوندىق ورمان شارۋاشىلىعى جانە جايىلىم مەكەمەسى قازىنا مەڭگەرمەسىمەن بىرگە ءاربىر شابىتتاندىرىلعان اۋدانعا (بولىمشە مەكەمەسى) 3 ميلليون يۋان قارجىلاي قولداۋ كورسەتەدى، ءاربىر شابىتتاندىرىلعان اۋىلعا ءبىر ميلليون يۋان قارجىلاي قولداۋ كورسەتەدى.

كەلۋ قاينارى: حالىق تورابى