شينجياڭنىڭ تاعى ءبىر اۋەجايىنىڭ حالىقارالىق ارناسى اشىلادى

شينجياڭ تورابىنىڭ حابارى. قارامايلى گۋحاي اۋەجايىنىڭ حالىقارالىق ارناسى اشىلۋ الدىندا تۇر، قازىر اۋەجايدىڭ 1 ـ مەرزىمدىك كەڭەيتىپ سالۋ ينجەنەرياسى تارتىپپەن ىلگەرىلەتىلۋدە.

9 ـ ايدىڭ 8 ـ كۇنى، ءتىلشىنىڭ شينجياڭ اۋەجاي توبىنان ۇعىسۋىنشا، قارامايلى قالالىق ساۋدا ىستەرى ساۋداگەر شاقىرۋ مەكەمەسى كەدەن، شەكارالىق تەكسەرۋ قاتارلى ورىندارمەن بىرلەسىپ، قارامايلى گۋحاي اۋەجايىنىڭ حالىقارالىق ارناسىنىڭ ناق مايدان قۇرىلعى ـ جابدىقتارىن ناق مايداندا بارلاپ جانە رەتتەپ، تاياۋ مەزگىلدەگى حالىقارالىق ارنانىڭ ۋاقىتتىق اشىلۋىنا الدىن الا دايىندىق جاساعان.

ۇعىسۋعا قاراعاندا، قارامايلى گۋحاي اۋەجايىنىڭ 1 ـ مەرزىمدىك كەڭەيتىپ سالۋ ينجەنەرياسى قازىر قۇرىلىس ساتىسىندا تۇر. وزگەرتىپ بولعاننان كەيىن، اۋەجاي E تۇردەگى ۇشاقتىڭ ۇشىپ - قونۋ قۋاتىنا يە بولىپ، كەيىنگى حالىقارالىق تەڭىز تاسىمالى، جۇك تاسىمال كاسىبىن دامىتۋعا پارمەندى تىرەك بولادى.

وسى رەتكى كەڭەيتىپ سالۋ نىسانى اۋەجايدىڭ سىرعىما جولىن وڭتۇستىككە قاراي 600 مەتر ۇزارتىپ، ۇشاق الاڭقىسىن سولتۇستىككە قاراي سالىپ 12 ۇشاق ورنىن كوبەيتتى. نىسان سالىنىپ بولعاننان كەيىن، سىرعىما جولدىڭ جالپى ۇزىندىعى 3200 مەترگە جەتىپ، ۇشاق ورنىنىڭ جالپى سانى 22 گە (تۇگەلدەي C تۇردەگى ۇشاق ورنى) جەتەدى ءارى اۋەجاي رايونىنا قاراستى جەكە تۇلعالار، اۆياتسيا باسقارۋ عيماراتتارى، سونداي - اق ۇشۋعا كومەكتەسەتىن شىراق جۇيەسى، حابارلاسۋ جۇيەسى، اۋا رايى قۇرىلعىلارى جانە ۇشۋ رايونىنىڭ ءورت ءوشىرۋ قۇرىلعىلارى سايكەستى سالىنادى. وسى مەرزىمدىك ينجەنەريا 2030 ـ جىلى جولاۋشى قابىلداۋ ـ جونەلتۋ مولشەرى 2 ميلليون ادام ـ رەت، جۇك ـ پوچتا قابىلداۋ ـ جونەلتۋ مولشەرى 4000 توننا بولۋ سىندى پايدالانۋ قاجەتىن قاناعاتتاندىرۋ بويىنشا جوبالانعان.

كەلۋ قاينارى: حالىق تورابى