قوعام حاۋىپسىزدىگى مينسيترلىگى”بۇكىل مەملەكەت بويىنشا قورشاعان ورتا بايلىق قاينارىنا جانە ازىق – تۇلىككە، ءدارى – دارمەككە قاتىستى قىلمىستاردىڭ دەرەگىن اشكەرەلەۋ تەكشەسىن“ ينتەرنەتكە شىعاردى 

حالىق تورابىنىڭ ءتىلشىسى لياڭ چيۋپيڭ، حاۋ پيڭ 9 – ايدىڭ 11 – كۇنى بەيجيڭنەن حابارلايدى. جۋىردا ”جۇرتشىلىقتىڭ اشكەرەلەۋ ارناسىن اناعۇرلىم ىركىلىسسىزدەندىرۋ، قورشاعان ورتا بايلىق قاينارىنا جانە ازىق – تۇلىك، ءدارى – دارمەككە قاتىستى قىلمىستىق ارەكەتتەرگە زاڭ – تۇزىمگە ساي قاتاڭ سوققى بەرۋ ءۇشىن، قوعام حاۋىپسىزدىگى مينيسترلىگى ”بۇكىل مەملەكەت بويىنشا قورشاعان ورتا بايلىق قاينارىنا جانە ازىق تۇلىككە، ءدارى – دارمەككە قاتىستى قىلمىستاردىڭ دەرەگىن اشكەرەلەۋ تەكشەسىن“ ينتەرنەتكە رەسمي شىعارعان. بارشا جۇرتشىلىقتىڭ قوعام حاۋىپسىزدىگى مينيسترلىگىنىڭ تورابىنداعى ”ينتەرنەت + ۇكىمەت ىستەرى جاعىندا قىزمەت وتەۋ“ تەكشەسىنە (https://ywtb.mps.gov.cn/) شىعىپ، ”ساقشى تۇرلەرى“ ايدارشاسىنداعى ”قورشاعان ورتا، ازىق – تۇلىك، ءدارى – دارمەك سالاسىنداعى قىلمىستاردى بارلاۋ“ دەگەن ورىننان اشكەرەلەۋ تەكشەسىنە كىرۋىنە بولادى.

قوعام حاۋىپسىزدىگى مينيسترلىگىنىڭ قورشاعان ورتا، ازىق – تۇلىك، ءدارى – دارمەك سالاسىنداعى قىلمىستاردى بارلاۋ مەكەمەسىنىڭ قاتىستى جاۋاپتىسى مىنانى ءبىلدىردى: بارشا جۇرتشىلىقتىڭ اتالعان تەكشە ارقىلى ورتانىڭ لاستانۋى، مەملەكەت قورعاۋعا الاتىن حايۋاناتتار قاتارلى جابايى حايۋاناتتاردى زيانداۋ، اۋىل شارۋاشىلىعىنا پايدالاناتىن جەردى زاڭسىز يەلەپ الۋ، زاڭسىز كەن اشۋ، ۇرلانىپ اعاش كەسۋ جانە اعاشتى الباتى كەسۋ، بايىرعى جانە ايگىلى اعاشتاردى ءبۇلدىرۋ قاتارلى قورشاعان ورتا بايلىق قاينارىن ءبۇلدىرۋ جانە ازىق – تۇلىك، ءدارى – دارمەك حاۋىپسىزدىگىنە زيان جەتكىزۋ جاعىنداعى قىلمىستاردىڭ دەرەگىن زاڭ بويىنشا قوعام حاۋىپسىزدىگى تاراۋلارىنا دەر كەزىندە اشكەرەلەۋىنە بولادى. قوعام حاۋىپسىزدىگى تاراۋلارى ”ءبىر تۇتاس قابىلداۋ، دارەجەگە ءبولىپ جاۋاپتى بولۋ، جۇمىس ءتۇرى بويىنشا ءبىر جاقتى ەتۋ“ سىندى مەحانيزم بويىنشا، ءبىر جاقتى ەتۋ ناتيجەسىن اشكەرەلەۋشىگە دەر كەزىندە اڭىس ەتەدى ءارى اشكەرەلەۋشىنىڭ قۇپيالىعىن، حاۋىپسىزدىگىن جانە زاڭدى ۇقىق – مۇددەسىن قاتاڭ قورعايدى.

كەلۋ قاينارى: حالىق تورابى