سىرتقى ىستەر مينيسترلىگى: قارۋلى كۇش ورتا شىعىسقا بەيبىتشىلىك اكەلمەيدى پىكىرلەسۋ مەن كەلىسسوز عانا ءتۇبىرلى شىعار جول

9 – ايدىڭ 10 – كۇنى، سىرتقى ىستەر مينيسترلىگىنىڭ مالىمدەمەشىسى لين جيان كەزەكتى تىلشىلەر جينالىسىن باسقاردى. ءبىر ءتىلشى بىلاي دەپ سۇرادى: 9 – ايدىڭ 9 – كۇنى، يزرايل كاتاردىڭ استاناسى دوحاعا شابۋىل جاسادى، ونىڭ نىساناسى حاماس باسشىسى، جۇڭگو بۇعان قالاي جاۋاپ قايتارادى؟

لين جيان مىنالاردى ءبىلدىردى: جۇڭگو كەشە كاتاردىڭ استاناسى دوحادا تۋىلعان شابۋىل قىلمىسىن قاتاڭ ايىپتايدى، يزرايلدىڭ كاتاردىڭ تەرريتوريا يەلىك ۇقىعى مەن مەملەكەت حاۋىپسىزدىگىنە قول سۇعۋ ارەكەتىنە باتىل قارسى تۇرامىز، ءبىز شابۋىل جاساۋ وقيعاسىنىڭ رايون جاعدايىن ءتىپتى دە شۇعىل اسقىندىرىپ جىبەرۋىنەن قاتتى الاڭدايمىز، قاتىستى جاقتاردىڭ گازاداعى سوعىستى توقتاتۋ كەلىسسوزىن بۇلدىرەتىن ارەكەتىنە نارازىلىق بىلدىرەمىز، قارۋلى كۇش ورتا شىعىسقا بەيبىتشىلىك اكەلمەيدى، پىكىرلەسۋ مەن كەلىسسوز عانا ءتۇبىرلى شىعار جول، قازىر گازا قاقتىعىسىنىڭ جالعاسقانىنا ەكى جىلعا تاياۋ ۋاقىت بولدى، جۇڭگو قاتىستى جاقتاردىڭ، اسىرەسە، يزرايلدىڭ سوعىس ءورتىن تىنىشتاندىرۋ، كەلىسسوزدى قايتا باستاۋ جولىندا كوبىرەك بەلسەندى قۇلشىنىستار جاساۋىن قاتاڭ تالاپ ەتەدى.

كەلۋ قاينارى: حالىق تورابى