بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.09.16 13:29 كەلۋ قاينارى : حالىق تورابى
”كەدەن اقپاراتتارى“ ۋيشين تەكشەسىنىڭ حابارلاۋىنشا، جۋىردا گۋاڭشي دۇڭشيڭ كەدەنى شەكارادان كىرگەن جولاۋشىنىڭ الىپ جۇرگەن زاتتارىنىڭ اراسىنان 36 ءتىرى ساۋىتتى قوڭىزدى انىقتاعان.
دۇڭشيڭ كەدەنىنىڭ قىزمەتكەرلەرى دۇڭشيڭ وتكەلىندەگى ءبىر كوپىردە شەكارادان كىرگەن جولاۋشىلار مەن ولاردىڭ جۇكتەرىنە باقىلاۋ – باسقارۋ جۇرگىزگەن كەزدە، ءبىر جولاۋشىنىڭ الىپ جۇرگەن سومكاسىن تەكسەرۋ ماشيناسىنان وتكىزۋ بارىسىندا قالىپسىزدىق بايقالعان. ىشكەرىلەي تەكسەرۋ بارىسىندا، كەدەن قىزمەتكەرلەرى سومكانىڭ ىشىنەن ءمولدىر سۋلياۋ بوتەلكەنى بايقاعان، بوتەلكەنىڭ ىشىنە ءتىرى ساۋىتتى قوڭىز بەن ونىڭ جەمى سالىنعان. ساۋىتتى قوڭىزداردىڭ سانى 36، قىزىل قوڭىر ءتۇستى، ايقىن تۇمسىعى بارلىعى بايقالعان، ناننيڭ كەدەنىنىڭ تەحنيكالىق ورتالىعىنىڭ ساراپتاۋىنشا، ولاردىڭ بارلىعى ”قىزىل قوڭىر ءبىز تۇمسىق قوڭىز“ ەكەن.
«جۇڭحۋا حالىق رەسپۋبليكاسىنىڭ بيولوگيالىق حاۋىپسىزدىك زاڭى» جانە «جۇڭحۋا حالىق رەسپۋبليكاسىنىڭ شەكارادان كىرگىزىلەتىن – شىعارىلاتىن حايۋاناتتار مەن وسىمدىكتەردى تەكسەرۋ – كارانتيندەۋ زاڭى»، سونداي – اق، ونىڭ ناقتى اتقارىلاتىن ەرەجەسى قاتارلى زاڭ – تۇزىمدەرگە ساي، بەكىتۋدەن وتكىزبەگەن جاعدايدا، ءوز بەتىمەن سىرتتان جان - جانۋارلادى ەنگىزۋگە بولمايدى، ءتىرى حايۋاناتتار مەن وسىمدىكتەردى شەكارادان الىپ كىرۋگە، پوچتا ارقىلى شەكارادان كىرگىزۋگە تيىم سالىنادى. بەلگىلەمەگە قايشى كەلگەن جاعدايدا، كەدەن مەكەمەسى زاڭ بويىنشا زاڭدىق جاۋاپكەرشىلىكتى قۋزاستىرادى.
كەلۋ قاينارى: حالىق تورابى
