ۇرىمجىدە سىناق رەتىندە ىسكە قوسىلادى

9 – ايدىڭ 14 – كۇنى، شينجياڭ بەيزاتتىق مادەني مۇرالار سارايى سىناق رەتىندە ىسكە قوسىلىپ، جۇرتشىلىققا اشىق ۇستالدى. اتالعان ساراي ءۇرىمجى قالاسى شۇيموگۋ رايونى كورمە جولى 1126 – ءنومىرلى اۋلاعا ورنالاسقان، ساقتاۋ، كورسەتۋ، كورمەلىك قويىلىم، وقىتۋ، باستان كەشىرۋ قاتارلى كوپ ءتۇرلى يقۋاتتاردى ءبىر تۇلعالاندىرعان ءىرى تيپتى ۋنيۆەرسال بەيزاتتىق مادەني مۇرا كورمە سارايى. وسى رەتكى سىناق رەتىندە ىسكە قوسۋ بارىسىندا ەڭ الدىمەن توپتىق تاپسىرىس بەرۋ ارناسى اشىلادى، جەكەلەردىڭ ەكسكۋرسيالاۋىنا تاپسىرىس قابىلداۋ تۋرالى الدا ايىرىم ۇقتىرۋ شىعارىلادى.

شينجياڭ بەيزاتتىق مادەني مۇرا كورمە سارايىنىڭ جالپى قۇرىلىس كولەمى 13000 شارشى مەتر، كورمەلىك زاتتاردى قويۋ ورنىنىڭ كولەمى 4800 شارشى مەترگە جەتەدى، ”ادامدى، زاتتى، تۇرمىستى كورۋ“ دەگەن تانىم بويىنشا، شينجياڭنىڭ، ءتىپتى بۇكىل ەلىمىزدىڭ بەيزاتتىق مادەني مۇرالارىنىڭ باي مازمۇنى مەن وسىزامانعى قۇنىن جالپى بەتتىك ايگىلەيدى. ساراي ىشىندە ءتورت ءىرى نەگىزدىك كورگىزبە ورنالاستىرىلعان، ”مەرەكەلەردەگى بەيزاتتىق مادەني مۇرالار“، ”كۇندەلىكتى تۇرمىستاعى بەيزاتتىق مادەني مۇرالار“، ”سالت – ساناعا ساياتىن بەيزاتتىق مادەني مۇرالار“، ”ولكە، قالا، اۆتونوميالى رايونداردىڭ بەيزاتتىق مادەني مۇرالارى“ سىندى ءتورت ءبولىمدى قامتيدى، كورمەدە ساقتالعان بۇيىمدار 3000 داناعا (پار) جۋىق، بەيزاتتىق مادەني مۇرالاردىڭ جۇڭحۋا وركەنيەتىندەگى مىعىم نەگىزىن ءتۇرلى تۇرعىدان ايگىلەيدى.

كەلۋ قاينارى: حالىق تورابى