مىناداي جەمىستەردى جەمەڭىزدەر! كوگەرگەن جەمىستەردى جەۋ راكقا شالدىقتىرۋى مۇمكىن

فلاۆاتسين — راكقا شالدىقتىراتىن ءبىر ءتۇرلى زات، ونىڭ ءبىر گرامىنىڭ ءوزى راكقا شالدىقتىرۋعا جەتەرلىك. كۇندەلىكتى تۇرمىستا جەر جاڭعاعى، بورمي، كۇرىش قاتارلى كراحمال مولشەرى جوعارى ازىق – تۇلىكتەر كوگەرگەن جاعدايدا فلاۆاتسين وڭاي تۋىلادى، جەمىس كوگەرگەن كەزدە دە فلاۆاتسيننىڭ پايدا بولۋ حاۋپى زور.

مامانداردىڭ ەسكەرتۋىنشە، كوگەرگەن جەمىستى، ەڭ جاقسىسى، تۇگەل لاقتىرعان ءجون، ونىڭ كوگەرگەن جەرىن الىپ تاستاپ، كوگەرمەگەن جاعىن الىپ قالۋ قاجەتسىز، ويتكەنى، سىزگە كوگەرمەگەندەي كورىنگەن جاعىنا ۋىت الدە قاشان جايىلىپ بولعان بولۋى مۇمكىن. سوندىقتان، جەمىستىڭ كوگەرگەنىن بايقاعانىڭىزدا، ونى تۇگەل لاقتىرىڭىز.

فلاۆاتسيننىڭ زالالىنان الدىن الا ساقتانعان ءجون. مامانداردىڭ ەسكەرتۋىنشە، استىق پەن ماي ساتىپ العان كەزدە، رەسمي ارنالار ارقىلى ساتىپ العان ءارى جاقسى قاپتالعان – قاپتالماعانىنا نازار اۋدارعان ءجون، ازىق – تۇلىكتى تومەن تەمپەراتۋرالى، قۇرعاق، جەل قاعاتىن جەرگە ساقتاۋ كەرەك، ىلعالدى نەمەسە جوعارى تەمپەراتۋرالى ورىنعا قويۋدان ساقتانعان ابزال. كوگەرگەن، ساپاسى وزگەرگەن ازىق – تۇلىكتەردى، ءسوزسىز، لاقتىرۋ قاجەت.

كەلۋ قاينارى: حالىق تورابى