شي جينپيڭ مالاۆيدىڭ سايلانعان زۇڭتۇڭى مۇتتاريكاعا قۇتتىقتاۋ تەلەگرامماسىن جولدادى

شينحۋا اگەنتتىگى، 9 - ايدىڭ 26 - كۇنى، بەيجيڭ. 9 - ايدىڭ 26 - كۇنى مەملەكەت ءتوراعاسى شي جينپيڭ ارتۇر پەتر مۇتتاريكاعا تەلەگرامما جولداپ، ونىڭ مالاۆي رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن مالاۆي _ شىنايى دوسجار، ءبىرىن - ءبىرى قولدايتىن جاقسى دوس جانە جاقسى سەرىك. سايلانعان زۇڭتۇڭ مۇتتاريكا 2007 - جىلى ەكى ەلدىڭ ديپلوماتيالىق قارىم - قاتىناس ورناتۋىنا ماڭىزدى ۇلەس قوسقان. ديپلوماتيالىق قارىم - قاتىناس ورناتقاننان بەرى جۇڭگو - مالاۆي قارىم - قاتىناسىنىڭ دامۋى ورنىقتى، كوڭىلدەگىدەي بولدى، ساياسي ءوزارا سەنىمدىلىك ۇزدىكسىز تەرەڭدەدى، ناقتى سەلبەستىكتە سۇبەلى تابىستارعا قول جەتتى، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى قولدادى. مەن سايلانعان زۇڭتۇڭ مۇتتاريكامەن بىرگە قۇلشىنىپ، ءوزارا باتىل قولداۋ كورسەتىپ، ءوزارا ءتيىمدى سەلبەستىكتى تەرەڭدەتىپ، جۇڭگو مەن مالاۆيدىڭ ستراتەگيالىق سەرىكتەستىك قارىم - قاتىناسىنىڭ ۇزدىكسىز العا دامۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.