پارتيا مەكتەبى پارتيانىكى دەگەنگە تاباندى بولىپ، پارتيا مەكتەبىنىڭ اۋەلگى ماقساتىن ەستە بەرىك ساقتاپ، پارتيا ءۇشىن دارىندى تاربيەلەپ، پارتيا ءۇشىن اقىل - كەڭەس بەرۋدى اناعۇرلىم ويداعىداي ىستەۋ كەرەك

شينحۋا اگەنتتىگى، 9 - ايدىڭ 28 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا پارتيا مەكتەبى (اكىمشىلىك شۋەيۋانى) قىزمەتى جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: پارتيا 18 - قۇرىلتايىنان بەرى ءار دارەجەلى پارتيا مەكتەبى (اكىمشىلىك شۋەيۋانى) پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، مىندەتىن مۇقيات اتقارىپ، جاۋاپكەرشىلىگىن ادا ەتىپ، وقىتۋ، عىلمي زەرتتەۋ ساپاسىن ۇزدىكسىز جوعارىلاتىپ، ءتۇرلى قىزمەتتەردە تىڭ ىلگەرىلەۋشىلىكتەرگە، جاڭا ناتيجەلەرگە قول جەتكىزدى.

شي جينپيڭ بىلاي دەپ باسا دارىپتەدى: جاڭا جورىقتا ءار دارەجەلى پارتيا مەكتەبى (اكىمشىلىك شۋەيۋانى) جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا مەكتەبى پارتيانىكى دەگەنگە تاباندى بولىپ، پارتيا مەكتەبىنىڭ اۋەلگى ماقساتىن ەستە بەرىك ساقتاپ، پارتيا ءۇشىن دارىندى تاربيەلەپ، پارتيا ءۇشىن اقىل - كەڭەس بەرۋدى اناعۇرلىم ويداعىداي ىستەۋى كەرەك. وقىتۋ رەفورماسىن تەرەڭدەتىپ، پارتيانىڭ نازاريالىق تاربيەسىن، پارتيالىلىق تاربيەسىن جانە مىندەت اتقارۋ قابىلەتى تاربيەسىن كورنەكتىلەندىرىپ، تاربيەلەۋ، باۋلۋدىڭ باعىتتامالىلىعىن، ناقتى ونىمدىلىگىن كۇشەيتۋ كەرەك. پارتيانىڭ جاڭالىق اشۋ نازارياسىن جۇيەلىلەندىرىپ زەرتتەۋدى، عىلمي قاعيدالى ءتۇسىندىرۋدى كۇشەيتىپ، اقىل - پاراسات قامباسىنىڭ رولىن ويداعىداي ساۋلەلەندىرۋ كەرەك. مەكتەپتى قاتاڭ جونگە سالۋعا، ساپا ارقىلى مەكتەپ قۇرۋعا تاباندى بولىپ، كادرلار مەن وقىتۋشىلار قوسىنى قۇرىلىسىن كۇشەيتىپ، كۋرسانتتاردى باسقارۋدى، باقىلاۋدى كۇشەيتىپ، مەكتەپ باسقارۋ، مەكتەپتى جونگە سالۋ دەڭگەيىن كۇش سالا جوعارىلاتۋ كەرەك. ءار دارەجەلى پارتكومدار ۇيىمدىق باسشىلىقتى كۇشەيتىپ، بايلىق كۇشتەرىن بىرىكتىرىپ، قولداۋدى، قامتاماسىز ەتۋدى كۇشەيتىپ، جاڭا داۋىردەگى پارتيا مەكتەبى (اكىمشىلىك شۋەيۋانى) ىستەرىنىڭ جوعارى ساپالى دامۋىن ىلگەرىلەتۋى كەرەك.

مەملەكەتتىك پارتيا مەكتەبى (اكىمشىلىك شۋەيۋانى) قىزمەت ءماجىلىسى 9 - ايدىڭ 28 - كۇنى بەيجيڭدە اشىلدى. ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) باستىعى (شۋەيۋان باستىعى) چىن شي ماجىلىستە شي جينپيڭنىڭ ماڭىزدى نۇسقاۋىن جەتكىزدى ءارى ءسوز سويلەپ مىنالاردى ءبىلدىردى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ پارتيا مەكتەبى قىزمەتى جونىندەگى ماڭىزدى بايىمداۋلارىن جاپپاي ۇيرەنىپ، ءتۇسىنىپ، پارتيا مەكتەبى پارتيانىكى دەگەنگە اناعۇرلىم سانالى تاباندى بولىپ، پارتيا مەكتەبىنىڭ اۋەلگى ماقساتى سىندى جالپى تالاپتى مىقتاپ يگەرىپ، جوعارى ساپالى دارىندىلاردى تاربيەلەۋگە، جوعارى دەڭگەيدە اقىل - كەڭەس بەرۋگە تاباندى بولۋ كەرەك. نازاردى نەگىزگى كۋرسقا شوعىرلاندىرىپ، كادرلار مەن پارتيا مۇشەلەرىن تاربيەلەۋدى مىقتى يگەرىپ، نەگىزگى تاقىرىپتى، نەگىزگى جەلىنى تىعىز ارقاۋ ەتىپ، پارتيانىڭ جاڭالىق اشۋ نازارياسىن ۇيرەنۋدى كۇشەيتىپ، مەكتەپتى قاتاڭ جونگە سالۋدى، ساپا ارقىلى مەكتەپ قۇرۋدى جاپپاي ىلگەرىلەتۋ كەرەك. ۇيىمدىق قامتاماسىزداندىرۋدى كۇشەيتىپ، باۋلۋدىڭ جاڭا جاعدايىنىڭ قالىپتاسۋىن ىلگەرىلەتۋ كەرەك.

ىشكى موڭعۇل، سانشي، جىجياڭ، فۋجيان، گۇيجوۋ سياقتى 5 ولكە دارەجەلى پارتيا مەكتەبىنىڭ (اكىمشىلىك شۋەيۋانى)، ورتالىق پارتيا مەكتەبىنىڭ ورتالىق پەن مەملەكەت ورگاندارىنداعى بولىمشە مەكتەپتەرىنىڭ، مەملەكەتتىك كەڭەس مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى بولىمشە مەكتەبىنىڭ جاۋاپتى جولداستارى پىكىر اۋىستىرىپ، ءسوز سويلەدى.

ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) جانە ءارقايسى ولكە، اۆتونوميالى رايون، قالالاردىڭ، سونداي - اق تەتە ولكە دارەجەلى قالالاردىڭ، شينجياڭ ءوندىرىس - قۇرىلىس بيڭتۋانى پارتكومى پارتيا مەكتەبىنىڭ (اكىمشىلىك شۋەيۋانى) جاۋاپتى جولداستارى قاتارلىلار ماجىلىسكە قاتىناستى.