ەلىمىزدىڭ ءدىندى جۇڭگوشالاندىرۋىن جۇيەلى ىلگەرىلەتىپ، ءدىندى سوتسياليستىك قوعامعا ۇيلەسۋگە بەلسەنە باستاۋ كەرەك

شينحۋا اگەنتتىگى، 9 - ايدىڭ 29 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 9 - ايدىڭ 29 - كۇنى تۇستەن كەيىن ەلىمىزدىڭ ءدىندى جۇڭگوشالاندىرۋىن جۇيەلى ىلگەرىلەتۋ جونىندە 22 رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: تاريحي تاجىريبەلەردى قورىتىندىلاپ جانە قولدانىپ، ەلىمىزدىڭ ءدىن قىزمەتىنىڭ ءىس جۇزىندىگىن تياناق ەتىپ، جۇيە كوزقاراسىن كۇشەيتىپ، ءتۇزىلىستى ارناعا ءتۇسىرۋ قۇرىلىسىن كۇشەيتىپ، جان جاقتى جونگە سالۋدى كۇشەيتىپ، نەگىزگى ساتىنىڭ نەگىزدىك قىزمەتىن كۇشەيتىپ، ەلىمىزدىڭ ءدىندى جۇڭگوشالاندىرۋىن جۇيەلى ىلگەرىلەتىپ، ءدىندى سوتسياليستىك قوعامعا ۇيلەسۋگە بەلسەنە باستاۋ كەرەك.

ورتالىق كوميتەت بىرلىكساپ ءبولىمى ءدىن زەرتتەۋ ورتالىعىنىڭ مەڭگەرۋشىسى جاڭ شۇنموۋ جولداس وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار تۇسىندىرمەنى مۇقيات تىڭدادى ءارى تالقى جۇرگىزدى.

شي جينپيڭ تۇسىنىك پەن تالقىنى تىڭداعاننان كەيىن ماڭىزدى ءسوز سويلەدى. ول بىلاي دەپ اتاپ كورسەتتى: پارتيا 18 - قۇرىلتايىنان بەرى پارتيامىز ءدىن قىزمەتىن ەل باسقارۋداعى ماڭىزدى ورىنعا قويىپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋ سياقتى ءبىرقىدىرۋ جاڭا ۇستانىم، جاڭا شارالاردى ايقىن العا قويىپ، ءدىن قىزمەتىنىڭ ءتۇزىلىس، مەحانيزمىن كەمەلدەندىرىپ، ءدىن قىزمەتىن زاڭمەن جونگە سالۋ دەڭگەيىن جوعارىلاتىپ، جاڭا داۋىردەگى ءدىن قىزمەتىندە بەلسەندى ناتيجەگە قول جەتكىزۋدى ىلگەرىلەتتى. تاريح پەن اماليات مىنانى دالەلدەدى: ەلىمىزدە ءدىندى جۇڭگوشالاندىرۋدى ۇزدىكسىز ىلگەرىلەتكەندە عانا، ءدىننىڭ تاتۋلىعىن، ۇلتتاردىڭ بەرەكەلى بولۋىن، قوعامنىڭ جاراسىمدىلىعىن، مەملەكەتتىڭ باياندى تىنىشتىعىن جەبەۋگە بولادى.

شي جينپيڭ بىلاي دەپ باسا دارىپتەدى: ەلىمىز − جۇڭگو كوممۋنيستىك پارتياسىنىڭ باسشىلىعىنداعى سوتسياليستىك مەملەكەت، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ − تابيعي تالاپ. سوتسياليستىك وزەكتى قۇن كوزقاراسىن جەتەكشى ەتۋگە تاباندى بولىپ، ءدىن سالاسىنداعى قايراتكەرلەر مەن دىنگە سەنەتىن بۇقارانى دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتىپ، ”بەستى شىنايى مويىنداۋدى“ ۇزدىكسىز كۇشەيتىپ، جۇڭگو ۇلگىسىندەگى وسىزامانداندىرۋ قۇرىلىسىنا سانالى تۇردە ات سالىسۋعا باستاۋ كەرەك.

شي جينپيڭ بىلاي دەپ اتاپ كورسەتتى: ەلىمىزدەگى دىندەر جۇڭحۋانىڭ بايتاق دالاسىنا باستان - اياق تامىر تارتىپ، جۇڭحۋا مادەنيەتىمەن نارلەنگەندە عانا، اقاۋسىز جالعاسا الادى. جۇڭحۋانىڭ 5 مىڭ جىلدىق وركەنيەتىنە تامىر تارتىپ، ەلىمىزدەگى دىندەردىڭ جۇڭحۋانىڭ تاڭداۋلى ءداستۇرلى مادەنيەتىمەن توعىسۋىن ىلگەرىلەتىپ، ءدىن سالاسىنداعى قايراتكەرلەر مەن دىنگە سەنەتىن بۇقارانى جۇڭحۋا مادەنيەتىن شىنايى مويىنداۋ سەزىمىن كۇشەيتۋگە باستاۋ كەرەك.

شي جينپيڭ بىلاي دەپ باسا دارىپتەدى: ءدىن سالاسىنداعىلاردىڭ ىرىقتىلىقپەن ءىس تىندىرۋىنا، وزىندىك وزگەرىسىنە دەم بەرۋ ەلىمىزدەگى دىندەردىڭ جۇڭگوشالانۋىن ىلگەرىلەتۋدە توتەنشە ماڭىزدى. ءدىن سالاسىنداعىلاردىڭ تاعىلىم، شاريعات، باسقارۋ ءتۇزىمى، جول جوسىن، عۇرىپ ادەت، ارەكەت ولشەمى سياقتى جاقتاردا جۇڭگوشا ەرەكشەلىكتى ايگىلەۋىنە، ءداۋىردىڭ تالابىنا ۇيلەسۋىنە قولداۋ كورسەتىپ، جەتەكشىلىك ەتىپ، ءوزىن ءوزى تاربيەلەۋ، ءوزىن ءوزى باسقارۋ، ءوزىن ءوزى تەجەۋ دەڭگەيىن جوعارىلاتۋ كەرەك.

شي جينپيڭ بىلاي دەپ اتاپ كورسەتتى: ءدىن ىستەرىن زاڭ بويىنشا باسقارۋ − ءدىن سالاسىنداعى ءتۇرلى قايشىلىقتار مەن ماسەلەلەردى دۇرىس ءبىر جاقتى ەتۋدىڭ ءتۇبىرلى جولى. قاتىستى زاڭ ەرەجەلەر مەن ساياساتتاردى كەمەلدەندىرىپ، زاڭمەن باسارۋ ۇگىت تاربيەسىن ىشكەرىلەي ورىستەتىپ، زاڭدى قاتاڭ اتقارۋدى ىلگەرىلەتىپ، ءدىن قىزمەتىن زاڭمەن باسقارۋ دەڭگەيىن شىنايى جوعارىلاتۋ كەرەك.

شي جينپيڭ بىلاي دەپ باسا دارىپتەدى: ءار دارەجەلى پارتكومدار ءدىن قىزمەتىنە باسشىلىقتى كۇشەيتىپ، جاڭا داۋىردەگى پارتيانىڭ ءدىن قىزمەتى نازارياسى مەن باعىت ساياساتىن جاپپاي دايەكتىلەندىرىپ، ستراتەگيالىق، نەگىزدىك، رەال ماسەلەلەردى زەرتتەۋدى تەرەڭدەتىپ، ءدىن قىزمەتى قوسىن قۇرىلىسىن كۇشەيتىپ، نەگىزگى ساتىنىڭ نەگىزىن بەكەمدەپ، ەلىمىزدىڭ ءدىندى جۇڭگوشالاندىرۋىن ىلگەرىلەتۋدىڭ بىرىككەن كۇشىن ىشكەرىلەي قالىپتاستىرۋ كەرەك.

كەلۋ قاينارى: حالىق تورابى