«باس شۋجي شي جينپيڭنىڭ حالىق ارىز - ارمان قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ۇيرەنۋ وقۋلىعى» باسپادان شىعىپ تاراتىلدى

شينحۋا اگەنتتىگى، 10 - ايدىڭ 11 - كۇنى، بەيجيڭ. مەملەكەتتىك ارىز - ارمان مەكەمەسى ۇيىمداستىرىپ قۇراستىرعان «باس شۋجي شي جينپيڭنىڭ حالىق ارىز - ارمان قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ۇيرەنۋ وقۋلىعى» (تومەندە قىسقاشا «وقۋلىق» دەلىنەدى) اتتى كىتاپ تاياۋدا حالىق باسپاسىنان باسىلىپ شىعىپ، بۇكىل ەلدە تاراتىلدى.

پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ستراتەگيا جانە جالپى جاعداي بيىگىندە تۇرىپ ارىز - ارمان قىزمەتىنە جان - جاقتى ورنالاستىرۋ جاساپ، ارىز - ارمان قىزمەتىنىڭ قوعام جاعدايىن، حالىق رايىن اڭىس ەتۋ، قايشىلىقتاردى، داۋ - شارلاردى شەشۋ، قوعامنىڭ جاراسىمدىلىعى مەن ورنىقتىلىعىن قورعاۋ بارىسىندا بەلسەندى ۇلەس قوسۋىن ىلگەرىلەتتى. باس شۋجي شي جينپيڭنىڭ حالىق ارىز - ارمان قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسى ارىز - ارمان قىزمەتى جونىندەگى زاڭدىلىق سيپاتتى تانىمدى شىت جاڭا كوز ايامەن تەرەڭدەتىپ، جاڭا داۋىردەگى ارىز - ارمان قىزمەتىن ويداعىداي ىستەۋگە عىلمي جەتەكشىلىك ازىرلەدى. «وقۋلىق» جالپى 9 تاراۋدان قۇرالعان، پارتيانىڭ ارىز - ارمان قىزمەتىنە جالپى بەتتىك باسشىلىعىنا تاباندى بولۋ، حالىقتى بارىنەن جوعارى قويۋ ءتۇبىرلى تۇرعىسىنا تاباندى بولۋ، حالىقتىڭ قيىنشىلىعىن شەشىپ، پارتيانىڭ قامىن جەۋ ساياسي جاۋاپكەرشىلىگىنە تاباندى بولۋ سياقتى جاقتاردان باس شۋجي شي جينپيڭنىڭ حالىق ارىز - ارمان قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىنىڭ وزەكتى مازمۇنىن، رۋحاني ءمانىن، باي مازمۇنىن جانە امالياتتىق تالابىن بايىمدادى جانە ءتۇسىندىردى.

«وقۋلىقتىڭ» باسپادان شىعۋى قالىڭ پارتيا مۇشەلەرىنىڭ، كادرلاردىڭ باس شۋجي شي جينپيڭنىڭ حالىق ارىز - ارمان قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ارىز - ارمان قىزمەتىن زاڭمەن باسقارۋدى ىلگەرىلەتىپ، ارىز - ارمان قىزمەتىنىڭ بارومەترلىك رولىن اناعۇرلىم ساۋلەلەندىرىپ، الدىعا كەلگەن بۇقارالىق قىزمەتتى ويداعىداي ىستەپ، بۇقارانىڭ زاڭدى ۇقىق - مۇددەسىن شىنايى قورعاۋعا ءتيىمدى.

كەلۋ قاينارى: حالىق تورابى