ا ق ش - نىڭ قىسقى قارلى بورانىنان قازا بولعاندار سانى 51 ادامعا جەتتى

شينحۋا اگەنتتىگىنىڭ 1 – ايدىڭ 27 - كۇنى ۆاشينگتوننان بەرگەن حابارى. ا ق ش اقپارات قۇرالدارىنىڭ 1 – ايدىڭ 27 – كۇنى بەرگەن حابارىنا قاراعاندا، بىرنەشە كۇننەن بەرى ا ق ش ـ نىڭ كوپ جەرىن شارپىعان قىسقى قارلى بوران مەن قاقاعان ايازدا كەمىندە 51 ادام قازا بولعان.

حاباردا بىلاي دەلىنگەن: ا ق ش - نىڭ بەس ۇلكەن كول رايونىنان مەكسيكا شىعاناعىنا دەيىنگى جەردەگى نەشە ميلليون تۇرعىن 1 – ايدىڭ 27 – كۇنى قاقاعان اياز ەسكەرتۋىن تاپسىرىپ الدى. بىرنەشە كۇن جالعاسقان قارلى بوران مەن قاقاعان ايازدا بۇكىل ا ق ش - نىڭ كوپ جەرىندە كەمىندە 51 ادام قازا بولدى. مۇنىڭ ىشىندە لۋيس اننا شتاتى مەن تەننەسي شتاتىندا تاعى دا جەكە - جەكە 8 ادام قازا بولدى.

حاباردا نيۋ – يورك قالاسىنىڭ قالا باستىعى كەڭسەسىنىڭ حابارىنان سيتات كەلتىرىپ بىلاي دەلىنگەن: 1 – ايدىڭ 25 - كۇنىنەن بەرى تەمپەراتۋرا كۇرت تومەندەپ، نيۋ - يوركتە كەمىندە 10 ادام دالادا قازا بولعان. نيۋ - يورك قالاسىنىڭ قالا باستىعى مامداني بىلاي دەدى: ءاربىر وقيعانىڭ بارلىعىنىڭ تەمپەراتۋرانىڭ تومەندەۋىمەن بايلانىستى بولعان - بولماعاندىعى انىق ەمەس، ءبىراق قالا تۇرعىندارىنىڭ قىراعىلىقتى ارتتىرۋىن ءۇمىت ەتەمىز. بۇدان سىرت، ماسساچۋسەتس شتاتى، پەنسيلۆانيا شتاتى، وگايو شتاتى قاتارلى ون نەشە شتاتى اپاتقا قاتىستى ءولىم – ءجىتىم وقيعاسىن مالىمدەدى.