شي جينپيڭ زيمبابۆەدەگى ساقا جاۋىنگەرلەرگە جاۋاپ حات جازدى

شينحۋا اگەنتتىگى، 1 - ايدىڭ 28 - كۇنى، بەيجيڭ. 1 - ايدىڭ 28 - كۇنى مەملەكەت ءتوراعاسى شي جينپيڭ زيمبابۆەدەگى ازاتتىق كۇرەسى ساقا جاۋىنگەرلەرىنە جاۋاپ حات جازدى.

شي جينپيڭ مىنالاردى اتاپ كورسەتتى: سىزدەر جاس كەزدەرىڭىزدە ۇلت ازاتتىعى ۇلى ىسىنە ات سالىسىپ، اتا مەكەندەرىڭىزدەن الىستاپ، جۇڭگومەن ايرىلماس بايلانىس جانە جاۋىنگەرلىك سۇيىسپەنشىلىك ورناتتىڭىزدار، قازىرگە دەيىن جۇڭگو مەن زيمبابۆەنىڭ، جۇڭگو مەن افريكانىڭ دوستىعىن كوكەيدە ساقتاپ كەلەدى ەكەنسىزدەر، بۇل ادامدى اسەرلەندىرەدى.

شي جينپيڭ مىنالاردى باسا دارىپتەدى: 2026 - جىل _ جۇڭگو مەن افريكانىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى، سونداي - اق ”جۇڭگو مەن افريكانىڭ گۋمانيتارلىق اۋىس - كۇيىس جىلى“. 70 جىلدان بەرى جۇڭگو باستان اياق افريكانىڭ ۇلت ازاتتىعى مەن دامۋ، گۇلدەنۋ ىستەرىنىڭ جاقسى جاۋىنگەر سەرىگى، جاقسى ارىپتەسى بولىپ، افريكاداعى دوستارمەن ءوزارا قۇرمەت ەتىپ، ءبىرىن - ءبىرى قولداپ، شۇعىلالى جىلداردى قول ۇستاسا باسىپ ءوتىپ، وسىزاماندانۋدىڭ جاڭا جورىعىنا بىرگە قادام تاستادى. جۇڭگو جاق جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسىنىڭ جەتىستىكتەرىن تياناقتاندىرۋدى وراي ەتىپ، افريكا جاقپەن ءداستۇرلى دوستىقتى جالعاستىرىپ، جۇڭگو - افريكا قارىم - قاتىناسىنىڭ اناعۇرلىم شۇعىلالى بولاشاعىن بىرگە اشۋدى قالايدى. سىزدەردىڭ اناعۇرلىم كوپ افريكا جاستارىن جۇڭگو - زيمبابۆە، جۇڭگو - افريكا دوستىق ىستەرىنە ات سالىسۋعا جەتەكتەۋلەرىڭىزدى ءۇمىت ەتەمىن.

شي جينپيڭ مىنالاردى باسا دارىپتەدى: جۇڭگونىڭ ەسكىشە كالەندارى بويىنشا جىلقى جىلعى كوكتەم مەرەكەسى تاياپ قالدى، جۇڭگو مەن افريكانىڭ توقتاۋسىز العا باسقان تۇلپار رۋحىن ساۋلەلەندىرىپ، جاڭا داۋىردەگى جۇڭگو - افريكا تاعدىرلاس ورتاق تۇلعاسىن قول ۇستاسا قۇرىپ، جۇڭگو - افريكا دوستىعىنىڭ داۋىرلىك جاڭا داستانىن ۇزدىكسىز جازۋىن ءۇمىت ەتەمىن.

جاڭا جۇڭگو قۇرىلعاننان كەيىن، جۇڭگو افريكانىڭ يمپەرياليزمگە، وتارشىلدىققا قارسى تۇرۋىن جانە ۇلت ازاتتىعىن باتىل قولدادى. تاياۋدا زيمبابۆەدەگى ازاتتىق كۇرەسى ساقا جاۋىنگەرلەرى ءتوراعا شي جينپيڭگە حات جولداپ، جۇڭگونىڭ زيمبابۆەنىڭ ۇلت ازاتتىعىنا كورسەتكەن قاستەرلى قولداۋىنا شىن جۇرەكتەن العىس ايتتى، ءتوراعا شي جينپيڭنىڭ جۇڭگو كوممۋنيستىك پارتياسى مەن جۇڭگو حالقىنا باسشىلىق ەتىپ، جاڭا داۋىردە كورنەكتى تابىسقا قول جەتكىزىپ، جۇڭگو ۇلگىسىندەگى وسىزامانداندىرۋ جولىن اشىپ، باسقا وركەندەپ كەلە جاتقان ەلدەرگە باعالى ۇلگى ازىرلەگەنىنە ءسۇيىنىپ، جۇڭگو مەن زيمبابۆەنىڭ بارلىق جاعدايدا بىردەي تاعدىرلاس ورتاق تۇلعاسىن ايرىقشا ماقتانىش ەتىپ، ەكى ەلدىڭ دوستىق ىستەرىن جالعاستىرۋعا كۇش سالاتىندىقتارىن ءبىلدىردى.